பொதுக்காலம் இருபதாம் ஞாயிறு

பொதுக்காலம் இருபதாம் ஞாயிறு

20 - 08 - 2017

 எசா 56:1.6-7;  உரோ 11:13-15.29‡32; மத் 15:21-28

அன்புக்கு  எல்லையில்லை

  மனிதர் ஒவ்வொருவர் உள்ளத்திலும், இறைவனைத் தேடும்  ஓர் ஒளி மினுக் மினுக்கென்று ஒளிர்ந்துக் கொண்டிருக்கிறது. மனிதர் அனைவரும் இறைவனின் உருவிலும் சாயலிலும் படைக்கப்பட்டவர்கள். எனவேதான் எளிய, இயலாத மனிதரைப் பார்த்து நமக்கு இரக்கம் உண்டாகிறது. அவர்களின் போராட்டத்தில் மற்றவர்களின் இதயங்களும் இணைகின்றன.

ஆனால் சில தீவிரவாத இயக்கங்கள் மனிதரை ஜாதி, மத அடிப்படையில் பிரித்துப்பார்த்து, ஒரு சிலரை வெறுக்கவும் அழிக்கவும் முற்படுகின்றன. இது இறைவனின் வழிகளுக்கு எதிரானவை. மாட்டு இறைச்சியை உண்டார்கள் என்ற சந்தேகத்தில், இளைஞர்கள் கொல்லப்பட்டுள்ளனர். ஆந்திராவில் கிறிஸ்துவ ஆலயங்கள் அப்பட்டமாக அடித்து நொறுக்கப்பட்டுள்ளன.

இன்றைய நற்செய்தி பகுதியில் இயேசு, கனானிய பெண்ணின் மன்றாட்டிற்கு இணங்கி அவளின் மகளை பேயின் பிடியிலிருந்து குணமாக்குகிறார். வேற்றினத்தார் பகுதிக்கு (தீர், சீதோன், பாலஸ்தீனத்தின் வடக்குப் பகுதி) இயேசு செல்கிறார். அங்கு, கனானிய பெண் ஒருவர் தன் மகள், பேயின் பிடியிலிருந்து விடுபட ‘ஐயா, தாவீதின் மகனே எனக்கு இரங்கும்’ என்று கத்துகிறார். இயேசு அவளைக் கவனிக்காது நடக்கிறார். அவள் கத்திக் கொண்டு வருவதால் சீடர்கள், அவளுக்கு உதவி செய்யும் (அனுப்பிவிடும்) என்கிறார்கள். இயேசு, காணமற் போன ஆடுகளாய் உள்ள இஸ்ரயேல் மக்களுக்காகவே அனுப்பப்பட்டேன் என்றும் பிள்ளைகளுக்குரிய உணவை நாய் குட்டிகளுக்குப் போடுவது முறையல்ல என்றும் கூறுகிறார். அந்தபெண், இயேசு கூறிய உவமையையே திருப்பி அடிக்கிறார். உரிமையாளர் மேஜையிலிருந்து விழும் சிறு துண்டுகளை நாய்குட்டிகள் தின்னுமே என்று இயேசு பதில் கூற முடியாமல் சொல்கிறார். இயேசு வியந்துபோய், ‘அம்மா உன் நம்பிக்கை பெரிது. நீ விரும்பியவாறே நிகழட்டும்’ என்கிறார். அந்நேரமே அவளின் மகளின் பிணி நீங்கியது என்று சொல்லப்பட்டுள்ளது.

முதல்வாசகத்தில் பிறஇனத்தவரும் ஆண்டவருக்குத் திருப்பணி செய்யவும், அவரது ஊழியராய் இருக்கவும், ஓய்வுநாளைக் கடைபிடித்து, உடன்படிக்கையைப் பற்றிக் கொள்ளவும் இறைவன் அவர்களை ஏற்றுக் கொள்வதாக எசாயா தெரிவிக்கிறார்.

இரண்டாம் வாசகத்தில், பவுல் அடிகளார், பிற இனத்தார் கடவுளின் இரக்கத்தைப் பெற்றுள்ளார்கள் என்றும், யூதர்கள் கீழ்ப்படியாமல் இருக்கிறார்கள் என்றும், அவர்களும் விரைவில் இரக்கம் பெற்றுக்கொள்வார்கள் என்றும் விளக்குகிறார். ‘கடவுள் தாம் விடுத்த அழைப்பையும் கொடுத்த அருள் கொடைகளையும் திரும்ப பெற்றுக் கொள்வதில்லை’ என்று இறைவனின் பரந்த மனநிலையை விளக்குகிறார்.

இரண்டாம் வத்திகான் சங்கம், கிறிஸ்தவமல்லாச் சமயங்களோடு திருச்சபைக்குள்ள உறவு என்ற ஆவணத்தில் (எண் ‡2) ‘கிறிஸ்தவமல்லாச் சமயங்களை பின்பற்றுபவர்களிடத்தில் காணப்படுகின்ற, அருள்நெறி சார்ந்த நலன்களையும் சமூக ‡ பண்பாட்டு விழுமியங்களையும் ஏற்றுக்கொண்டு அவற்றைப் பேணி வளர்ச்சியுறச் செய்ய வேண்டும்’ என்று விளங்குகிறது. பொங்கல், தீபாவளி போன்ற பொதுவான விழாக்களை இப்போது கிறிஸ்தவர்களும்  மற்ற சமயத்தினருடன் இணைந்து கொண்டாடி வருகிறார்கள். கிறிஸ்தவர்களும், இஸ்லாமியர்களும் இந்தியர்கள் அல்ல என்று தற்போதைய ஆளும் கட்சியைச் சேர்ந்தவர்கள் வி­மத்தை உமிழ்ந்து வருகிறார்கள். ஆனால் நாம், மக்கள் அனைவரும் ஒரே சமூகத்தை சார்ந்தவர்களே என்ற கோட்பாட்டை நிலைநிறுத்த வேண்டும். 1980 இல் ஒரு கிராமத்தில், ஓர் ஏரி வெட்டும் திட்டம், வேலைக்கு உணவு என்ற திட்டத்தில் ஒரு குருவானவர் தலைமையில் நடைபெற்றது. அப்போது அரசாங்கம், இத்திட்டம் சரியாக உத்தரவு வாங்கப்படாத திட்டம் என்று நிறுத்த கூறினார்கள். ஓர்  இந்து சகோதரர் தான் குருவானவரோடு இணைத்து நின்று, நீங்கள் செய்யுங்கள், நாங்கள் உங்களோடிருக்கிறோம் என்று ஆதரவு தந்தார். 

எல்லாரும்இன்புற்றிருக்க நினைப்பதுவேஅல்லாமல் 

வேறொன்றும் அறியேன் பராபரமே  - தாயுமானவர். 

பாஸ்கா காலம் இரண்டாம் ஞாயிறு 2-4-2017

பாஸ்கா காலம் இரண்டாம் ஞாயிறு        2-4-2017

  தி.ப  2 : 42-47;   1 பேதுரு 1 : 3-9 ;  யோவா 20 : 19 - 31  

  

 மார்ட்டின் லுVத்தர் கிங் என்பவர்,  நம்பிக்கை  என்பதை  கீழ்க்காணுமாறு விளக்குகிறார், “நம்பிக்கை  என்பது மாடிபடிகள்        அனைத்தையும் நாம் காணாவிட்டாலும், அதன் முதல்படியில் அடி எடுத்து வைக்கிறோம். அதுதான் நம்பிக்கை” என்கிறார். இன்றை வாசங்களில் நம்பிக்கை  என்பது  மையக் கருத்தாக விளங்குகிறது.

                    

  முதல் வாசகத்தில் நம்பிக்கை கொண்டோர் அனைவரும்  ஒன்றாயிருந்தனர் (தி.ப 4:32)  என்று பார்க்கிறோம். இரண்டாம் வாசகத்தில், “நீங்கள் கொண்டுள்ள நம்பிக்கையின் வழியாய் மீட்புக்காக கடவுளுடைய வல்லமையால் பாதுகாக்கப்பட்டு வருகிறீர்கள்” (1 பேது 1 :5)  உங்கள் நம்பிக்கையும் மெய்ப்பிக்கப்படவே துயருறுகிறீர்கள் (1 பேதுரு 1 :7)   இயேசு கிறிஸ்து வெளிப்படும் போது அந்நம்பிக்கை உங்களுக்குப் புகழும்  மாண்பும் பெருமையும் தருவதாய் விளங்கும்  (1 பேதுரு 1 :7) . இப்பொழுதும் நீங்கள்   அவரைக் கண்டதில்லை. எனினும் நம்பிக்கைக் கொண்டு  சொல்லொண்ணா, ஒப்பற்ற மகிழ்ச்சியடைந்து  பேருவகைக் கொள்கிறீர்கள் (1 பேதுரு 1 : 8).  “நீ என்னை கண்டதால் நம்பினாய், காணாமலே நம்புவோர் பேறுபெற்றோர்” ( யோவா 20 : 29)  நம்பிக்கையினால் பகிர்வு ஒற்றுமை ஏற்படுகிறது. நம்பிக்கை பாதுகாப்பைத் தருகிறது. நம்பிக்கை பெருமையையும் மாண்பையும் மகிழ்ச்சியையும் தருகிறது. இவ்வாறு வாழ்வின் போது செழுமையாக விளங்குகிறது நம்பிக்கை.  புனித  அகுஸ்தினார் கூறுவார், “நம்பிக்கை என்பது நாம் காணமுடியாததை ஏற்றுக் கொள்வது. ஆனால் நம்பிக்கையின் கைமாறு என்னவென்றால் காணமுடியாததைக்  காண்பதாகும்” என்கிறார் . ய்ழிஷ்மிஜு ஷ்வி மிலி ணுeயிஷ்ஸe ழஜுழிமி தீலிற் dலி ஐலிமி விee, மிஜுe reழழிrd லிக்ஷூ க்ஷூழிஷ்மிஜு ஷ்வி மிலி விee ழஜுழிமி தீலிற் ணுeயிஷ்eஸe?  உயிர்த்த இயேசு தம் சீடர்களை சந்திக்கிறார். சீடர்கள் என்பவர்கள் தேர்தெடுக்கப்பட்ட சீடர்களுக்கும் அப்பாற்பட்டவர்கள். சீடர்கள் இயேசுவை கண்டதும் மகிழ்ச்சியடைகிறார்கள். அமைதி உரித்தாகுக என்று இயேசு சீடர்களை வாழ்த்துகிறார். பிறகு  சீடர்களுக்கு துVய ஆவியை அளித்து பாவங்களை மன்னிக்கும் அதிகாரத்தையும் அளித்து அனுப்புகிறார். இயேசு தோன்றியதும் சீடர்கள் நம்பினார்கள். தோமா, அவர்களோடு இல்லாததால் அவர்கள் கூறியதை ஏற்க மறுக்கிறார். இயேசுவே மறுமுறை தோன்றி தோமாவின் நம்பிக்கையை உறுதிப்படுத்துகிறார். இயேசு, ஒரு விதத்தில் நம் நம்பிக்கையை உறுதிப்படுத்துகிறார். இதுதான் இயேசு தன் சீடர்களுக்கு அளித்த காட்சியின் பொருள். அதே நேரத்தில் நம் வாழ்வினால்  நாம் பெற்ற நம்பிக்கை வெளிப்படுகிறது. இதனைத்தான் முதல்வாசகம் விளக்குகிறது. திருவருட்சாதனங்களிலும் அன்பு செயல்களிலும் இறைவன் வெளிப்படுகிறார்.

                      அண்மையில் ஒரு சகோதரிக்கு சிறந்த சமூக  சேவையாளர் விருதினைத் தந்தார்கள். மருத்துவமனைச் சந்திப்பு, சிறை சாலை சந்திப்பு, வீடு சந்திப்பு, செபக்  கூட்டங்கள் நடத்துதல் என தன் உடல் நலத்தையயல்லாம் பாராமல் பணியாற்றுகிறார். எப்படி இத்தகைய ஆர்வம் உங்களுக்கு கிடைத்தது என்றால்,  “எல்லாம் எனது கடவுள் நம்பிக்கை  தந்த பலம்”  என்றார்.  

நம்பிக்கையின்றி எதனையும் சாதிக்க முடியாது. நம்பிக்கையிருந்தால் சாதிக்க முடியாதது எதுவும் இருக்க முடியாது -  மேரி மேக்லேயோட் பெத்துVன்.  

                                                                                                                                         

 Without Faith nothing is possible; With Faith Nothing is impossible

பாஸ்கா ஞாயிறு 16 - 4 - 2017

பாஸ்கா  ஞாயிறு 16 - 4 - 2017

  திப 10: 32 ,37 ‡ 43;  கொலோ 3: 1 ‡4 ;   யோவா 20 : 1 ‡9 

                                                                                                                                                    -
                 

பேறு பெற்ற நாள் இதுவே .......

  உயிர்ப்பின் மகிழ்வு என்பது இயேசுவைத் தவிர வேறு எவரும் முன் பின் அறிந்திராத  ஓர் அனுபவம். வார்த்தைகளால் விளக்கிச் சொல்ல இயலாத  உணர்வு. இயேசு தன் பாடுகளையும் உயிர்ப்பையும் மும்முறை அறிவித்தபோது, சீடர்கள் அதனை கற்பனை செய்து கூடப் பார்த்தார்களா என்பது நமக்குத் தெரியாது. கொடூரமாகக் கொலை செய்து சிலுவையில் அறையப்பட்டவர் , மூன்றாம் நாள் உயிர்ப்பெற்று விட்டார் என்று கேள்விப்பட்டவுடன் , சிதைந்த முகமும், சிதறிய உடலுமே நினைவிற்கு வந்திருக்கும்.

 “நடுங்க வைக்கும் இருள் நல்லிரவிற்கு மேல்  தெரிவதில்லை , என்னும் கூற்று உயிர்ப்பு தரும் நம்பிக்கையை உணர வைக்கிறது. எல்லா நற்செய்திகளும் இயேசுவின் உடல் இல்லாத காலியான கல்லறையைத்தான் முதலில் குறிக்கப்பிடுகின்றன. (மத் 28:2 ; மாற் 16:5‡6 ; லூக் 24:2 ; யோவா 20: 1 ) எனவே தான் சாம் மோரிஸ் கூறுவார்,  இயேசுவின் கல்லறையின் வெறுமையினால்தான் அது பெறுமை பெற்றது” என்பார்.எனவே தான் பவுல் , “கிறிஸ்து உயிருடன் எழுப்பபடவில்லை என்றால் நாங்கள் பறைசாற்றிய நற்செய்தியும் நீங்கள் கொண்டிருக்கும் நம்பிக்கையும் பொருளற்றதாயிருக்கும்” (1 கொரி 15:14). ஆங்காங்ககே ஓரிரு வீடுகள் இருந்த காலங்களில் உறவுகளில் நெருக்கம் இருந்ததை போல அருகருகே வீடுகள் நெருக்கமாக இருக்கும்  இன்றைய காலங்களில் உறவுகளில் நெருக்கம் இல்லை. யாரும் யாரையும் பற்றிக் கவலை கொள்வதில்லை. பல்வேறு காரணங்களை முன் வைத்து உறவுகளும் விலகியிருக்கவே விரும்பும் இத்தகைய நிலையில், இயேசுவுக்கு நிகழ்ந்தவற்றில் உடனிருந்து , விடியற்காலையில் கல்லறையில்  காத்திருந்து  இழந்த இயேசுவை உயிரோடு கண்ட மதலேன் மரியாளும், சீடர்களும் மகிழ்ந்ததைப் போல , எப்போதெல்லாம் வலிகளைத் தொடர்ந்து உயிர்தரும் நிகழ்வுகளுடன் உலகம் கரம் சேர்க்கிறதோ, அங்கெல்லாம் இயேசுவின் உயிர்ப்பு நிகழ்ந்து கொண்டேயிருக்கிறது.

           அன்பு அச்சத்தைத் தகர்த்தெறியும் ஆக்கப்பூர்வமான சக்தி வாய்ந்தது. உலகத்தை இருளை நோக்கி இழுத்துச் செல்லும் இன்றைய சூழல்களிலும் மனித வாழ்வில் நம்பிக்கை தரும் நற்செய்திகளும் நம் செவிகளைத் தேடி வராமல் இல்லை. 

இருண்ட மேகத்தைக் கடந்து வரும் விடியலும், வறட்சியைக் கடந்து வரும் வசந்தமும்  வறுமையைத் துடைக்க நீளும் கரங்களும்,  துன்பத்தைக் கடந்து வரும் புன்னைகயும், நம்பிக்கை தரும் வார்த்தைகளும், உயிர்த்த இயேசுவின் வெற்றியின் அடையாளங்களாகத் திகழ்கின்றன. 

           இயேசுவின் அற்புதங்களும் அடையாளங்களும் அவருடைய மகிமை நிறைந்த வாழ்வைக் கண்முன் கொண்டதாகவே இருந்தன. எனவே  உயிர்ப்பு என்பது எளிதாக அமைந்து விடவில்லை. மனித நிலையில் துன்பம் நிறைந்தாக தோன்றினாலும் , இறை விருப்பத்தோடு இணைந்து  சென்றதால் மகிமைக்கு இட்டுச் செல்வதாக இருந்தது.

                 நமது புரிதலும் இறையனுபவமும் வளர வளர,  துன்பங்கள் நமக்குப் பாரமாக அமைவதில்லை. இன்றைய புரிதலுடன் நேற்றைப் பிரச்சினையைப் பார்க்கும் போது,  அவை பிரச்சனைகளே அல்ல என்பது புரிகிறது. உண்மைதான் . இயேசுவின் மகிமையான இறைநிலைக்கு  முன் சிலுவைத் துன்பமும் , உயிரிழப்பும் வலிகளைக் கடந்து, பிறந்த குழந்தையின் வசந்தப் புன்கையே. 

                     எனவேதான் பவுலடிகளார், நீங்கள் கிறிஸ்துவோடு  உயிர்பெற்று எழுந்தவர்களானால் மேலுலகு சார்ந்தவற்றை நாடுங்கள் (கொலோ 3:1) என்கிறார். நம்பிக்கை இருளான நிலையிலும் , நம்முயற்சிகள் தொடர்ந்தால் உயிர்ப்பின் வெற்றி நிச்சயமே.

          உயிர்த்த யேசு நமது இல்லங்களில் வாழட்டும். உயிர்ப்பின் மகிமை  நமது உள்ளங்களில் ஒளிரட்டும் பேறுபெற்ற நாளாக நமது வாழ்நாட்கள் மாறட்டும்.

புனித வெள்ளி

 புனித வெள்ளி

  எசா 52 : 13 - 53:12;     எபி 4:14-18; 5:7-8;      யோவா 18: 1 -19 :42

                         துன்பங்கள் பயத்தைத் தரும்.  அது ஒருவரை நிலை குலையச் செய்யும் . ஆனால் இயேசு துணிவுடன் தன் துன்பங்களை சந்திக்கிறார். அவருக்கு கொடுமை செய்பவர்கள்தான் நிலை  குலைந்து போகின்றனர். ஷேக்ஸ்பியர் கூறுவார் . “எல்லா நற்பண்புகளின் மறுபெயர் துணிவு”  என்கின்றார். (Virtue is bold).  

முர்ரே  என்பவர், “துணிவுக்கு ஞானம்  உண்டு , வல்லமை உண்டு.  அது ஒரு மாந்திரிகம்  (Magic) ”  என்பார்.  பவுல் அடிகளார் , “தூய ஆவி அருளிய திருப்பணி மாட்சியுடையதாய் இருந்தது என்றும் , அதனால், நாங்கள் எதிர்நோக்கி இருப்பதால்தான் மிகுந்த துணிச்சலோடு செயல்படுகிறோம்” என்கிறார் (2கொரி 3:12).  

யோவான்,  இயேசுவின் பாடுகளுக்கு முன்பாக மற்ற ஒத்தமைப்பு நற்செய்திகளில் காணப்படும்  கெஸ்தமணி தோட்ட நிகழ்ச்சியை முன் வைக்கவில்லை. இயேசு பிடிபடும் போது ,  “ தானே முன்சென்று  யாரைத் தேடுகிறீர்கள் ” என்று கேட்டு , “ நான்தான்” , என்று தன்னையே தருகிறார். தலைமை குரு இயேசுவின் பணியைப் பற்றி கேட்கும் போது ,   “ ஏன் என்னிடம் கேட்கிறீர்கள்.  

நான் பேசியதை கேட்டவர்களிடம் கேட்டுப் பாருங்கள்”  என்று துணிவாகக் கூறுகிறார் (யோவா 18 : 19-20).  “தலைமை குருவுக்கு இப்படியா பதில் கூறுகிறாய்”  என்று அறைந்தவனிடம்,   “சரியாக பேசியிருந்தால் ஏன் என்னை அடிக்கிறீர்?” (யோவா 18: 23)  என்று கேட்கிறார். பிலாத்து , இயேசுவை சிலுவையில் அறைய தனக்கு   அதிகாரம் உண்டு என்று கூறிய போது , மேலிருந்து அருளப்படாவிடில் உமக்கு என்மேல் எந்த அதிகாரமும் இராது என்று துணிந்து பதில் கூறுகிறார் (யோ 19:11)   லூக்கா நற்செய்தியில் சிரேன் ஊரைச் சேர்ந்த , சிமியோனை இயேசுவின் சிலுவையைச் சுமக்கச்  செய்யும் செய்தியைப் பார்க்கிறோம்  (லூக் 23: 25 ‡ 26) . ஆனால் யோவான் ,  “இயேசு சிலுவையை தாமே சுமந்து கொண்டு,  மண்டை ஓடு  என்னுமிடத்தற்குச்  சென்றார்”  என்கிறார் (யோவா 19 : 17). 

ஒத்தமைப்பு நற்செய்திகளில் ,  இயேசு சிலுவையில் ,  “என் இறைவா, என் இறைவா, ஏன் என்னை கைவிட்டீர்” (மாற் 15 : 34;  மத் 27 : 46) என்று இயேசு கூறுகின்ற வார்த்தைகளைத் தருக்கின்றனர்.  ஆனால் யோவான் “தாகமாய் இருக்கிறது” என்று இயேசு கூறியது, மறைநூல் நிறைவேற என்றும் ,   “எல்லாம் நிறைவேறிற்று” என்று கூறி “ஆவியை கையளித்தார்” என்றும் விளக்குகிறார்  (யோவா 19: 28 ‡30). இவ்வாறு இயேசு தன்னையே துணிவுடன் பாடுகளுக்குக் கையளித்ததால் நீரும் = தூய ஆவி  (யோவா 7 : 37 ‡ 39)  இரத்தமும் = தியாகமும்  (1 யோவா 5; 6 -7 : 1:7) வெளிப்பட்டன. 

                                       

துன்பங்கள்  வாழ்வின் நியதி. அதனைக் கண்டு பயந்து ஒதுங்க தேவையில்லை.  

துன்பம்  தருவது பயம்.  பயம் தருவது தோல்வி .  ஆனால் துணிவுத்  தருவது வெற்றி.  

மேக்கில் என்பவர், “துன்பங்கள்,  வாழ்வின் பாடங்களைக் கற்பிக்கும் ஆசிரியர் ”  என்கிறார். 

ரூமி என்பவர்  “காயங்கள் வழியாகத்தான் வாழ்வின்  ஒளி உன்னில் நுழைகிறது” என்கிறார்.  

நாம் தாங்கும் துன்பங்கள்  நமக்கு மட்டுமல்ல மற்றவர்களுக்கும்  பெரும் பலன்களைத் தருகிறது.  

ஓர் ஆசிரியர்,  அவர்க்கு  கைநிறைய சம்பளம், வாழ்க்கை நன்கு ஓடியது. மற்றவர்களுக்கும் தாராளமாக உதவி செய்வார். அவரின் தங்கைக்கு   திருமணமாகவில்லை. ஆனால் மற்றவர்களுக்கு  உதவி செய்கிறேன் என்று லட்சக்கணக்கில் கடன் வாங்கி விட்டாள்.  அவள் ஒருமன பேதகம் போல செய்து விட்டாள் ,  இப்போது அப்பெண்ணின்  அண்ணன்  தங்கையின்  சுமையைத்  தாங்கி கொண்டு , தங்கைக்காகத்  துன்பங்களை தாங்குகிறார். அப்பெண்ணிற்கு வியாதிவந்து சாகும் நிலையில் தன் அண்ணனின்  கைகளைப்  பிடித்துக் கொண்டு ,  “எனக்கு வாழ்வு கொடுத்ததற்கு நன்றி அண்ணா”  என்று  சொல்லி  இறந்தாள்.

குருத்து ஞாயிறு 9 - 4 -2017

குருத்து ஞாயிறு 

        9 - 4 -2017                                                                                             

 அருள்பணி.சிரில் ரிச்சர்ட் கிருபாகரன்

 எசா 50 : 4 -7;    பிலி 2: 6 -11     மத் 26:14 - 27
   

தவக்காலத்தின் இறுதியில் வரும் இஞ்ஞாயிறு, இயேசு கிறிஸ்துவின் பாடுகள் மற்றும் உயிர்ப்புக்கு முன்னதாக இயேசு எருசலேம் நகரத்தில் நுழையும் நிகழ்வை முன்வைக்கிறது. உயரிய அந்தஸ்தை கொண்ட  (அல்லது)  உயரிய அதிகாரத்தை,  பதவியை பெற்ற ஒருவருக்கு  குருத்தோலைகளை விரித்து வரவேற்பு அளிப்பார்கள். ஆனால் இயேசுவை அவரை பின்பற்றியவர்கள் ஏன் இத்தகையை உயரிய மரியாதையைக் கொடுத்தார்கள். இஞ்ஞாயிறு  பாடுகளின் ஞாயிறு  என்றும் அழைக்கப்படுகிறது. அதனால்தான் மத்தேயு நற்செய்தியிலிருந்து  இயேசுவின் பாடுகள்  இன்று வாசிக்கப்படுகின்றன. 

குருத்தோலை: 

                குருத்தோலை  ஏந்தும் பவனியானது  ஒரு குறிப்பிட்ட சிறப்பான வெற்றியை கொண்டாடுவதன் வெளிப்பாடு ஆகும்.                    வெற்றியை ஆர்ப்பரிக்கும் விதமாக குருத்தோலை  ஏந்தி அசைத்து கொண்டாடுவது  கிரேக்க ரோமானிய காலகட்டத்தின் பாரம்பரியம்  ஆகும். இயேசு ஒரு குறிக்கப்பட்ட மனிதனாக,  பகிரங்கமாக ஜெருசலேம் நகரத்தில் நுழையும் இந்த நாள், மக்களுக்கு சுதந்தர உணர்வை மேலும் அதிகப்படுத்தியது. மக்களின் நுகங்களை அகற்ற ஒரு அரசன் தங்களுக்கு கிடைத்துவிட்டார் என்கின்ற  உணர்வே அவர்களிடம் மேலோங்கி இருந்தது. அவர்கள்   உரைத்த  “ஓசான்னா ”, “ காப்பாற்று ”, “உதவு”  என்கின்ற கருத்துகளை வெளிப்படுத்தும்  எபிரேய வார்த்தையின் விளக்கமாக இருந்தது. ஆக,  இயேசு அவர்களின் சுமைகளை  போக்க வாக்களிக்கப்பட்ட மெசியா  (அல்லது) அரசராக உயர்த்தப்பட்Vர்.

கழுதை : 

          ஒரு கழுதையின் மீது சுமர்ந்து  ஊர்வலம் வந்தது , இந்நிகழ்வின் சாரத்தை திசை திருப்புகிறது. அரசர் என்பவர் குதிரையின் மீது வருவார். இவ்வாறு குதிரையில் வரும் போது  அது  போரின்  அறிகுறியாக கருதப்பட்டது. ஆனால் கழுதை என்பது அமைதியைக் குறிக்கும்  அறிகுறியாக மாறியது. அது செக்கரியா 9:9வின் வார்த்தைகளை நினைவூட்டும் நிகழ்வை குறித்து காட்டுகிறது. “சீயோன் மகளே! உனது அரசர், கோவேறு  கழுதையின் மீது அமர்ந்து  வருகிறார்”என்கிற வார்த்தைகள், அமைதியை வழங்கும்  அரசர், மக்களை காப்பாற்ற வருகிறார்,  அவரின் வருகை அரசியல் ரீதியான சுதந்திரத்தை நிரந்தரமாக கொடுக்க வந்தார்  என்பதையே  உணர்த்தியது.

மக்கள் கூட்டம் : 

     மூன்று வகையான கூட்டம் இயேசுவை வரவேற்றது. 1.ஜெருசலேம் நகரில் பாஸ்கா திருவிழா சிறப்பிக்க வந்த யூதர்கள். 2. யூதர்களால் ஒதுக்கி வைக்கப்பட்ட, ஜெருசலேமிற்கு வெளியில் தங்கிய யூதர்கள் ( Diasphora).  3. புறவினத்தார். ஆக இயேசு அனைவருக்காகவும் வந்தார் என்பதையும் , தன்னுடைய  மீட்பு  இவ்வுலகில் பிறந்த ஒவ்வொருவருக்கும் கிடைக்கும் என்பதையும் தெளிவுப் படுத்தவே மூவரின் வரவேற்பையும் பெற்றுக் கொண்டார்.  இயேசுவை பற்றிய  மக்களின் புரிதல்,  இயேசுவின் இலக்கில் மாற்றம் கொண்டு வரவில்லை. மாறாக தன்னுடைய நோக்கத்தில், இறைதிட்டத்தை நிறைவேற்ற மக்களின் ஆர்ப்பரிப்போடு சாவின் மீது இயேசு வெற்றிவாகை சூட சென்ற நிகழ்வாகவே குருத்து ஞாயிறு இன்றும் நினைவு கூறப்படுகின்றது . 

                மத்தேயு நற்செய்தியில் இயேசுவின் பாடுகள் பகுதியில் சில தனிப்பட்ட கருத்துகளைப் பார்க்கிறோம். இயேசுவை கைது செய்த போது  பேதுரு,  தலைமைக் குருவின் ஊழியரை   தாக்கி, அவரின் காதை துண்டித்தபோது , இயேசு, “உன் வாளை அதன் உறையில் போடு . ஏனெனில் வாளை எடுப்போர் வாளால் அழிந்து  போவார்” (மத் 26 : 52) என்ற குறிப்பை மத்தேயு மட்டும்  தருகிறார். யூதாஸ் தற்கொலை செய்துக் கொண்டதும் , பிலாத்துவின் விசாரணையின் போது , பிலாத்து கை கழுவுதல், யூதர் , இவனுடைய இரத்தப் பழி எங்கள் மேலும் , எங்கள் பிள்ளைகள் மேலும் விழட்டும் என்று கத்துதல் (மத் 27:25), பிலாத்துவின் மனைவி கனவு கண்டு, பிலாத்துவை  எச்சரித்தல் (மத் 27:19) ஆகியவை மத்தேயு நற்செய்தியில் மட்டும் கூறப்படுகின்றன. மத்தேயுவின் , இயேசுவின் பாடுகளின் தொகுப்பில் , இயேசு மெசியா என்ற கருத்தை வலியுறுத்தப்படுகிறது (மத் 26 : 68 ; 27: 14 -22). இரண்டாவது, இயேசுவின் இறப்பில்  யூதர் தலைவர்களின் பொறுப்பு  நன்கு சுட்டிக்காட்டப்படுகிறது. பாடுகளின் நடுவில் இயேசுவின் பொறுமை, சீடர்களின் முன் மாதிரிகை ஆகியவை முன் வைக்கப்படுகின்றன. இத்தகைய மகத்துவமிக்க குருத்து நாளை சிறப்பிக்கும்  நாமும் பொருளுணர்ந்தவர்களாய்  இயேசுவின் எருசலேம் பயணத்தில் அவரை ஆரவாரத்தோடு வரவேற்று இறைதிட்டம் நிறைவேற துணை நிற்போம். 

தவக்காலம் ஐந்தாம் ஞாயிறு 02 - 04 - 2017

தவக்காலம் ஐந்தாம் ஞாயிறு

02  - 04  - 2017     

எசே 37 : 12 - 1 4; உரோ 8: 8-11 ;  யோவா 11 : 1 -45

ஒருவர்  மற்ற  ஒருவருக்கு ஐந்து இலட்ச ரூபாய் கடன் கொடுத்திருந்தார். கொடுத்த பணத்தை இவர் கேட்டார். இப்போது முடியாது என்று கூறிவிட்டார் பணம் வாங்கியவர்.  ஹார்ட் அட்டாக் வந்து விட்டது பணம் கொடுத்தவருக்கு. மருத்துவரிடம் சென்று மருந்தும் பெற்றார்.  “எனக்கு என் பணத்தை விட என் உயிர்  முக்கியம். பணத்தைக் கொடுத்து என் உயிருக்கு பாதகத்தை ஏற்படுத்திக் கொண்டேன்” என்றார்.

                   தவக்காலத்தின் ஐந்தாம் ஞாயிற்றுக்கிழமை, இயேசு இலாசரை உயிர்ப்பிக்கும் நிகழ்ச்சி  நம்முன் வைக்கப்படுகிறது. சென்ற வாரம், பார்வையற்றவருக்கு பார்வை தருகின்ற  நிகழ்ச்சி  முன் வைக்கப்பட்டது. தவக்காலத்தில் புதிய பார்வை பெறுவதோடு புதிய உயிரையும் பெறுகிறோம். இலாசரின் உயிர்ப்பு நிகழ்ச்சியில்  யோவா 5 : 28 இல் கூறப்பட்டுள்ள வார்த்தைகள் உயிர் பெறுகின்றன எனலாம். “காலம் வருகிறது, அப்போது கல்லறைகளில் உள்ளோர் அனைவரும் அவரது குரலைக் கேட்டு வெளியே வருவர் ”.  இலாசர்  என்பவர்  மார்த்தா ,  மரியா ஆகியோரின் சகோதரர் என்றும் , பெத்தானியா ஊரில் வாழ்ந்தவர் என்றும் , அவ்வூர் எருசலேமிலிருந்து   மூன்று கிலோமீட்டர் தொலைவில் இருந்தது என்றும், மரியா, இயேசுவின் மேல் நறுமண தைலம் பூசி , காலை துடைத்தவள் என்றும் விளக்கங்கள் வருகின்றன.

                    இயேசு இலாசரை தன் நண்பன் (11:11) என்றும், அவரை உணர்வு பூர்வமாக அன்பு செய்தவர் என்றும், விளக்கப்பட்டுள்ளது.  மார்த்தாவும் மரியாவும் ஒரே மாதிரியாக , “ஆண்டவரே நீர்  இங்கே இருந்திருந்தால் என் சகோதரன் இறந்திருக்க மாட்டான்” (11: 21‡32)  என்கின்றனர். இயேசு ,  “உயிர்த்தெழுதலும் வாழ்வும் நானே ” என்கிறார் (11:25) .    “நீ நம்பினால் கடவுளின் மாட்சியைக் காண்பாய்” (11:40) என்றும் விளக்குகிறார் இயேசு. இலாசர் மயக்க நிலையில் இல்லை. இறந்து நான்கு நாள்கள் ஆகிவிட்ட நிலையில் புதிய உயிரைத்  தருகிறார் இயேசு.

                  முதல்வாசகத்திலும் எசேக்கியல் நூலில் “என் ஆவியை உங்கள் மீது பொழிவேன். நீங்களும் உயிர் பெறுவீர்கள் ” என்ற வார்த்தைகளைக் காண்கின்றோம். இரண்டாம் வாசகத்தில் பவுல் அடிகளார்,    “இறந்த இயேசுவை உயிர்த்தெழ செய்தவரின் ஆவி உங்களுள் குடியிருந்தால் கிறிஸ்துவை உயிர்த்தெழச் செய்த அவரே உங்கள் உடல்களையும் உயிர்ப் பெற செய்வார்”  என்கிறார்  (உரோ8:11).  இத்தவக்காலத்தில் நாம் பெறும் மனமாற்றம்

மேம்போக்கான நிலையில் இல்லாமல் நம் அடிப்படை உயிரையே  தொடும் அளவுக்கு இடம் பெற வேண்டும்.

 பழையது  அழியும் போது  புதியது  மலர்கிறது என்கிறார் பிரடரிக் லைர்

  what’s old collapses, new life blossoms in the ruins.   

புதிய விழுமியங்களை முன் வைக்கும் போதுதான் புதிய உயிர் தோன்றுகிறது. 

‘you make a new life by making new choices’

  சீன்  ஸடீபன் சன்

ஒரு மனிதன் பிறந்தான் என்ற கதையை ஒருவர் கூறினார். காட்டில் தனியாக ஒரு பெண் பிரசவ வேதனைப்படுகிறாள். உதவிக்காக கத்துகிறாள். அந்த நேரத்தில் அவ்வூரில் மிக மிக மோசமானவன் வருகின்றான் அவனைப் பார்த்ததும் அவளின் வேதனை சொல்ல முடியாததாகிறது. ஆனால் இதுவரை பிரசவம் பார்த்த அனுபவம் இல்லை என்றாலும் , அவன் அப்பெண்ணின் வேதனையைப் பார்த்து , குழந்தை பிறக்க எல்லா உதவிகளையும் செய்கிறான். குழந்தை பிறந்து அவளுக்கு நினைவு திரும்பியதும் , அவன் அங்கிருந்து சென்று விடுகின்றான் . இந்நிகழ்ச்சிக்கு ஒரு மனிதன் பிறந்தான் என்ற தலைப்புக் கொடுக்கப்பட்டது. தவக்காலம் புதிய உயிரை அனுபவமாகப் பெறும் காலம்.

தவக்காலம் நான்காம் ஞாயிறு

தவக்காலம் நான்காம் ஞாயிறு    

   

 26 - 03 - 2017

1 சாமு 16 : 16, 6 - 7, 10 - 13;     எபே 5 : 8 - 14;    யோவா 9 : 1 - 41

ஓர் ஆசிரியர் எழுது பலகையில் கீழ்க்கண்டவாறு எழுதி மாணவர்களை அதனைப் பற்றி விமர்சனம் செய்ய சொன்னார். அவர் எழுதியது இதுதான். 1 $ 9 = 7; 2 $ 9 = 18; 3 $ 9 = 27; 4 $ 9 = 36. மாணவர்கள் சரியாக உற்று நோக்கி, முதல் பெருக்கல் 1 $ 9 = 7 என்பது தவறு என்றார்கள். மாணவர்களைப் பார்த்து, ‘நான் வேண்டுமென்றேதான் அவ்வாறு எழுதினேன். 4 பெருக்கல் சரியாக இருந்தது. ஒன்று தவறாக இருந்தது. இந்த தவறான எண்தான் நம் கண்களுக்குப் பட்டது. அதே போல நாம் பல நன்மைகளை செய்தாலும் நம்மிடமுள்ள சிறுகுறையைதான் மனிதர் பெரிதுபடுத்தி ¼ பசுவர். எனவே, மற்றவர்கள் கூறும் வீண் குறைபாடுகளைப் பற்றி கவலைப்படாமல் நம் பயணத்தை தொடரவேண்டும்’ என்றார்.

தவக்காலத்தின் நான்காம் ஞாயிறாகிய இன்று, பிறவியிலேயே பார்வையற்ற ஒருவரை இயேசு பார்வை பெற செய்கிறார். பார்வை தரும் நிகழ்ச்சி ஏழு வசனங்களில் மட்டும் விளக்கப்படுகிறது. மற்ற 34 வசனங்களில், அவர் பார்வை பெற்றதைப் பற்றிய விவாதம் நடக்கிறது. பரிசேயரும், யூதரும் இயேசு குணப்படுத்திய செயலில் குறை காண்கிறார்கள். இயேசு இவ்வாறு செய்தது ஓய்வு நாளன்று. ஓய்வு நாளின் மரபினை பின்பற்றாதவர் ஒரு பாவி (யோவா 9 : 24).  அவரால் அரும் அடையாளங்களை செய்ய முடியாது என்றனர்.

ஆனால் பார்வை பெற்றவர், நேர்மையின் கிளையை கெட்டியாக பிடித்துக் கொண்டு, இயேசுவுக்கு சாட்சியம் கூறுகிறார். இந்நிகழ்ச்சியின் கதாநாயகன் பார்வை யற்றவர்தான். 13 வசனங்கள் இவரைப் பற்றித்தான் விவரிக்கின்றன. விழிகளின் ஒளியை மட்டும் பெற்றுக் கொள்ளவில்லை. உள்ளொளியைப் பெற்றிருக்கிறார். பரிசேயரும், யூதரும் இரண்டுமுறை பார்வையற்றவரிடம் விசாரணை நடத்துகின்றனர். பார்வை பெற்றோரின் பெற்றோர்களிடமும் விசாரணை  நடத்துகின்றனர். பார்வை பெற்றவரின் பெற்றோர், தாங்கள் பாதிக்கப்படாமல், ‘நடந்ததை அவனே சொல்லட்டும்’ என்று யூதர்களுக்கு அஞ்சி நடுங்குகின்றனர். ஆனால் பார்வை பெற்றவர், இயேசு, ‘ஓர் இறைவாக்கினர்’ (யோவா 9 : 17) என்றும், ‘கடவுளிடமிருந்து வந்தவர்’ என்றும், ‘இறைபற்றுடையராய் கடவுளின் திருவுளப்படி நடப்பவர்’ (யோவா 9 : 31 ‡ 33) என்று உறுதியாக சான்று பகர்ந்தார்.

முதல் வாசகத்தில, சாமுவேல் இறைவாக்கினர், தாவீதுதான் கடவுளால் தேர்ந்தெடுக்கப்பட்டவர் என்று கண்டு கொண்டு அவரை இஸ்ரயேலின் அரசராக திருப்பொழிவு செய்தார். ‘மனிதர் முகத்தை பார்க்கின்றனர். ஆண்டவரோ அகத்தைப் பார்க்கிறார்’ என்ற அழகிய வசனம் இன்றைய முதல் வாசகத்தில் வருகிறது (1 சாமு 16 : 7). இன்றைய இரண்டாம் வாசகத்தில், பவுலடிகளார், ‘ஒரு காலத்தில் இருளாய் இருந்த நீங்கள் இப்போது ஆண்டவரோடு இணைந்து ஒளியாய் இருக்கிறீர்கள். ஆகவே, ஒளி பெற்ற மக்களாக வாழுங்கள் என்கிறார் (எபே 3 : 8).

தவக்காலத்தில்முதல் ஞாயிறு அன்று சோதனைகளை வெற்றி கொள்ளுதல் என்ற கருத்து நம்முன் வைக்கப்பட்டது. இரண்டாம் ஞாயிறு, ‘உருமாற்றம் பெறுகிறோம்’ என்ற கருத்து தெரிவிக்கப்பட்டது. மூன்றாம் வாரம் சமாரியப் பெண்ணை இயேசு சந்தித்தது  போல நம்மையும் இறைவன் சந்திக்கிறார் என்ற சிந்தனை வழங்கப்பட்டது. இந்த நான்காம் வாரம், பிறவியில் பார்வையற்றவர், இயேசுவால் பார்வை பெற்ற பிறகு இயேசுவுக்கு சாட்சியம் அளித்தது போல், இயேசு நமக்கு வழங்கியிருக்கும் நன்மைகளை கண்டு கொண்டு அவருக்கு துணிந்து சாட்சியம் அளித்து வாழ வேண்டும் என்ற கருத்து நம் கண்முன் வைக்கப்படுகிறது.

நம்மிடம் உள்ள நன்மைகளை எளிதாக எடுத்துக் கொள்கிறோம்.

தவக்காலம் இரண்டாம் ஞாயிறு

தவக்காலம் இரண்டாம் ஞாயிறு           

    12 - 03 - 2017

தொ நூ 12 : 1 - 4, 2 திமொ 1 : 8 - 10, மத் 17 : 1 - 9

ஒளிமயமான இறைபிரசன்னம்

“ஒளி படைத்த கண்ணினாய்” என்றார் பாரதி. “ஒளி மயமான எதிர்காலம்” என்றார் கண்ணதாசன். இயேசு ஒளி வடிவமாக, தான் தேர்ந்தெடுத்த மூன்று சீடர்கள் முன் தோன்றுகிறார். இயேசு தனக்கு வரப்போகிற பாடுகளை அறிவிக்கிறார். பேதுரு, “ஆண்டவரே, இது வேண்டாம். இப்படி  உமக்கு நடக்கவே கூடாது” என்றார் (மத் 16 : 21 ‡ 22). இச்சூழலில்தான், இயேசு ஒளிமயமான தோற்ற மாறுதலை மூன்று சீடர்கள்முன் காண்பிக்கிறார்.

“ஆறு நாள்களுக்குப் பின்” என்று இந்நிகழ்வு விளக்கப்படுகிறது. விப 24 : 13 - 16இல் ஆறு நாட்களுக்குப் பின், சீனாய் மலையில் மோசேவுக்கு இறைவன் காட்சி தருவதைப் பார்க்கிறோம். மோசே சீனாய் மலையிலிருந்து உடன்படிக்கை பலகைகளை தாங்கிக் கொண்டு வரும்போது, மோசேயின் முகத்தோற்றம் ஒளிமயமாய் இருந்தது என்ற குறிப்பையும் விப 34 : 30இல் பார்க்கிறோம். இயேசுவின் தோற்ற மாற்றத்திலும், இயேசுவின் முகம் ‘கதிரவனைப் போல் ஒளிர்ந்தது’ என்று விளக்கப்பட்டுள்ளது. மேலும் ‘ஒளிமயமான மேகம்’ ஒன்று அவர்கள் மேல் நிழலிட்டது என்றும் இயேசுவின் தோற்ற மாற்றத்தில் குறிப்பிடப்படுகிறது.

ஆக, சீனாய் மலையில் நடந்தது போல, இறை பிரசன்னத்தை சீடர்கள் உணர்ந்த ஒரு நிகழ்ச்சியாக இது விளங்குகிறது. முதல் வாசகத்தில், ஆபிரகாம், இறைவனின் வார்த்தைகளுக்குப் பணிந்து, கடவுள் காண்பிக்கும் நாட்டிற்கு செல்லும்போது, இறைவனின் ஆசீரின் திருத்தலமாக ஆபிரகாம் மாற்றப்படுவார் என்ற வாக்குறுதி கொடுக்கப்படுகிறது.

இரண்டாம் வாசகத்தில் பவுல் அடிகளார், ‘கிறிஸ்து இயேசு வழியாக நமக்கு அளிக்கப்பட்ட அருளின்படி நம்மை மீட்டுள்ளார். நம் செயல்களை முன்னிட்டு அல்ல’ என்று விளக்குகிறார். அதாவது இறைவனே முன்னின்று நம்முடன் உறவு கொள்கிறார் என்று விளக்குகிறார்.  எனவே இறை பிரசன்னத்தை உணர்கின்ற அனுபவநிலையை இன்றைய வாசகங்கள் நம் கண்முன் வைக்கின்றன. இறைவன் கட்டளைகளை வாழ்வதன் வழியாக இறைவனும் முன்வந்து நம்முடன் உறவு கொள்கிறார். இது ஒளிமயமான அனுபவமாகிறது.

அண்மையில் இரயிலில் பயணம் செய்தேன். சரியான கூட்டம். எனவே நின்று கொண்டு பயணம் செய்தேன். ஒருவர் அமரும் இருக்கையில் அமர்ந்திருந்த ஒருவர், என்னைஅழைத்து அவருடன் அமர்ந்து கொள்ள அழைத்தார்.  மற்ற இருக்கைகளில் இடம் இருந்தும் மற்றவர்கள் இடம் தரவில்லை. இவர் இப்படி அழைத்து அமர வைத்தது ஓர் இறை அனுபவமாகவே கருதினேன். அவரை போன்று நாமும் மற்றவர்களுக்கு முன்வந்து  உதவவேண்டும் என்ற உந்துதல் ஏற்பட்டது.

இத்தவக்காலத்தில், இறைவன் நமக்குக் கொடுத்திருக்கும் கடமைகள் என்ன? என்று கண் விரித்துப் பார்ப்போம். கடமைகளை செய்யும்போது  நிச்சயம் ஒளிமயமான இறைவனின் பிரசன்னத்தை அனுபவமாக பெறுவோம்.

பொதுக்காலம் 8ஆம் ஞாயிறு 26-02-2017

பொதுக்காலம் 8ஆம் ஞாயிறு      26-02-2017

எசா 49 : 14 - 15    1 கொரி 4 : 1 - 5,  மத் 6 : 24 - 34

நிறைய சம்பளம் வாங்கும் அலுவலர் ஒருவர் தற்கொலை செய்துக் கொண்டார். காரணம், தன் வீட்டிற்கு அடுத்த வீட்டில் இருப்பவர் வாங்கியிருக்கும் பென்ஸ்காரை போல தானும் வாங்க முடியவில்லை என்ற ஏமாற்றம்தான். வறட்சியின் காரணமாக தற்போது பல விவசாயிகள் தற்கொலை செய்துக் கொள்கின்றனர். காரணம் கவலை.

இன்றைய நற்செய்தியில் இயேசு மனிதனின் நிதர்சன தேவைகளை நிராகரிக்கவில்லை. ஆனால் அத்தேவைகள் அனைத்தும் அவர்களின் முதன்மை தேவைகளாக மாறாத வண்ணம் எச்சரிக்கையாய் இருக்க அழைப்பு விடுக்கின்றார். உலகமயமாக்கலின் மிகப்பெரிய வெற்றி இதுதான். எது அத்தியாவசியம் இல்லையோ அதை நம்மையும் மீறி அத்தியாவசியமாக நினைவில் ஏற்றுவது. உதாரணமாக ஒரு காலத்தில் செல்போன் இல்லாமல் வாழ்ந்தோம். இப்போது அதுதான் வாழ்க்கை என்கின்ற நிலைக்கு மாற்றப்பட்டுள்ளோம். ஒரு காலத்தில் விவசாயம் இந்தியாவின் முதுகெலும்பு என்று இருந்த நினைவு, இன்று அது மழுங்கப்பட்டிருக்கிறது. தேவைகளுக்கும், விருப்பங்களுக்கும் இருக்கவேண்டிய தொலைவை உணர்த்தக்கூடிய ஒரு நற்செய்தியாக இன்றைய நற்செய்தி பகுதி அமைந்திருக்கிறது. உணவு, உடை, உறைவிடம் என்ற முக்கியமான இன்றியமையாத தேவைகளையே இறைவன் வானத்து பறவைகளுக்கு இலவசமாக கொடுக்கின்றார் என்றால், அவற்றைவிட மேலான நமக்கு கொடுக்க மாட்டாரா?

கவலை வேண்டாம்

பறவைகள் போல வாழ்க்கை என்பது கவலைகள் மறந்த வாழ்க்கையாகும். கவலைப்படுவதனால் எவன் ஒருவன் தன் உயரத்தில் ஓர் அங்குலம் கூட்ட முடியும் என்கின்ற வார்த்தைகளில் உள்ள வாழ்வின் தெளிவை புரிந்து கொண்டாலே போதும். தேவைகளையே மனதில் கொண்டு  உலகத்தில் சீடர்கள் பயணம் செய்வார்கள் எனில், கடவுளுக்கு பணி செய்யும் மனப்பக்குவம் அவர்களுக்கு இல்லாமல் போய்விடும். இந்த நிலை செல்வத்திற்கு அடிமையாகும் நிலைக்கு நம்மை இழுத்துச் செல்லும். ‘முழுமையாக விடுதலையை அனுபவிக்க கடவுள் ஒருவருக்கு மட்டும் ஊழியம் செய்தால்போதும்’ என்பதுதான் இயேசு கற்றுத் தரும் பாடம்.

இறைபராமரிப்பு

இன்றைய மூன்று வாசகங்களுமே கடவுளின் அனுக்கிரக கருணையை நமக்கு நினைவூட்டுகின்றது. கடவுளை படைப்பாளியாகவும், தந்தையாகவும் நம் வாழ்வின் யதார்த்தங்களுக்கு அர்த்தத்தை கொடுப்பவராகவும் கண்டு பாவிக்க அனுபவிக்க கொடுக்கப்படுகின்ற சவால்களை தொட்டு காட்டுகின்றது. இன்றைய வாசகங்கள். இறைபராமரிப்பு பற்றிய பதிவுகள் விவிலியத்தின்  மூன்று இடங்களில் வருகின்றது (யூதித் 9 : 5, சாஞா 14 : 3, 6 : 17, சஉ 5 : 5). கடவுள் அனைவரையும், அனைவரது மீட்பையும் விரும்புகின்றார் என்பதை இறைபராமரிப்பு செய்தி நமக்கு சுட்டிக்காட்டுகிறது. கடவுள் பாவிகளின் இறப்பை அல்ல, மாறாக அவர்களின் பாவம் இல்லா மறுவாழ்வையே விரும்புகின்றார். நம்முடைய செயல்களுக்கு ஏற்பவும், குணங்களுக்கு ஏற்பவும், சிந்தனைகளுக்கு ஏற்பவும் நமக்கு பரிசளிக்கின்றார். கடவுள் ஒருவர் மட்டுமே தீயனவற்றை நன்மைதனத்தால் நிரப்ப முடியும்.

நாம் மேலானவர்கள் :

கடவுளின் மேல் நம்பிக்கை வைத்து வாழ்க்கை நடத்துபவரும், தனது நம்பிக்கையை சிதறாமல் பார்த்துக் கொள்பவரும் கடவுளின் பார்வையில் மேலானவர்களாக கருதப்படுகிறார்கள். தென்றலுக்கும், புயலுக்கும், வாழ்விற்கும், சாவிற்கும் இடையே கடவுள் மீது மட்டில்லா நம்பிக்கையை பதித்து வாழ்பவர்கள் மேலானவர்கள். கடவுளின் பார்வையில் மேலானவர்கள் எதற்கும் அஞ்சுவதில்லை. மனித பலவீனம் சில நேரங்களில் நம்மை அதற்கு இட்டுச் செல்கின்றது. விவிலிய மாமனிதர்களின் வாழ்வையும் பயம் கவ்வுவதை பார்க்கின்றோம். மோசே‡ விப 34 : 30, யோசுவா ‡ யோசு 4 : 14, சாமுவேல் ‡ 1 சாமு 12 : 1). புதிய ஏற்பாட்டின் இறைபராமரிப்பின் தூதுவர் இயேசு கிறிஸ்து தரும் செய்தி  ‘பயப்படாதே’ என்கின்ற செய்திதான். மாற்கு 5 : 36; 6 : 50, மத் 17 : 7;  28 ; 10, லூக் 1 : 13, 30; 2 : 10).

நம்முடைய  நினைவுகளையும், எண்ணங்களையும், கனவுகளையும் சிதைக்க முடிந்தவருக்கு மட்டுமே அஞ்சுங்கள் என்பதுதான் செய்தி. நம்முடைய நம்பிக்கையை சிதைப்பவருக்கும், மகிழ்ச்சியை எடுப்பவருக்கும் பயம் கொள்ள வேண்டும். நம் நம்பிக்கை, மகிழ்ச்சி, பயம், அனைத்தும் இறைவன்பால் இருக்கின்ற போது ஞானம் நிறைந்தவர்களாய், கவலையில்லாதவர்களாய் இறைவனுக்கு சேவை செய்ய முடியும், தெய்வ பயமே ஞானத்தின் தொடக்கம் (நீமொ 9 : 10).

நம் வாழ்வு, நாமும் இறைவனும் சேர்ந்து செய்யும் நெய்யும் பணியைப் போல. ஆனால் நிறத்தை தேர்ந்தெடுப்பது நம் கையில் இருப்பதில்லை - கோரி.   

பொதுக்காலம் 7ஆம்ஞாயிறு 19-02-2017

பொதுக்காலம் 7ஆம்ஞாயிறு   19-02-2017

லேவி 19 : 1 ‡ 2, 17 - 18;   1 கொரி 3 : 16 - 23,  மத் 5 : 38 - 48

1994 இல் ரூவாண்டா நாட்டில், அந்நாட்டு ஜனாதிபதி சென்ற விமானம், எதிர் குழுவினரால் ராக்கட் வீசி வீழ்த்தப்பட்டது. இதனால் ஜனாதிபதியின் இனத்தவர் எதிர் இனத்தவரான டுட்சி இனத்தவர் 10 லட்சம் பேரை கொன்றனர். சுமார் 2.5 லட்சம் பெண்கள் கற்பழிக்கப்பட்டனர்.

பழிக்குப்பழி வாங்கும் விலங்கியல் குணம் நம் எல்லோரிடமே  உள்ளது.

மற்றவரை அழிக்கும் இயல்புக்கள் நம்மிடம் உள்ளது. அதிலிருந்து எழுந்ததுதான் பழிக்குப்பழி செய்யும் சட்டமும், திட்டமும். கண்ணுக்கு கண், பல்லுக்கு பல் என்கின்ற யூத சட்டம் பழைய ஏற்பாட்டிலே மூன்று இடங்களில் குறிப்பிடப்படுகின்றது (வி ப 21 : 24, லேவி 24 : 20, 19 : 21). சிலர் இந்த சட்டத்தை இரத்ததாகம் கொண்ட சட்டம் என்றும் ஈவு இரக்கமற்ற சட்டம் என்றும் சொல்ல கேள்விப்பட்டிருப்போம். ஆனால் இரக்கத்தின் துவக்கமே இந்த சட்டங்களில் இருந்துதான் துவங்குகிறது எனலாம். பழிக்குப்பழி என்கின்ற இந்த சட்டம் வரைமுறையின்றி சில இடங்களில் நிறைவேற்றப்பட்டது. ஒருவர் தவறு செய்தால், அவர்களுடைய இனமே, கிராமமே அழிக்கப்பட்டது. இந்த கொடூர செயல்பாடு நாளடைவில் மாற்றப்பட்டது.

ஒருவர் மற்றவரின் கண்ணை காயப்படுத்தினால் அடுத்தவர் கண் மட்டுமே எடக்கப்படவேண்டும். அது மட்டுமல்லாமல், தண்டனைக்குரியவர் மட்டுமே பாதிக்கப்படுவர். குற்றம் செய்தவர் குடும்பத்தினருக்கு தண்டனை கொடுக்கப்படவில்லை. ஆனால் இயேசு இச்சட்டத்தையும் தாண்டி செயல்படுவதுதான் இரக்கத்தின் செயல் என்று 5 : 39இல் குறிப்பிடுகின்றார். இங்கு இயேசு நான்கு வகையான செயல்பாடுகளை முன் வைக்கின்றார்.

ஒன்று : ஒருவர் உன் வலக்கன்னத்தில் அறைந்தால்....

பொதுவாக உலகில் உள்ள மனிதர்களில் 90% பேர் வலக்கை பழக்கம் உடையவர்கள். ஒரு மனிதரை எதிரே நிற்க வைத்து அறைந்தால்கூட அவரது இடக்கன்னத்தில்தான் அறைய முடியும். வலக்கன்னத்தில் அறைய வேண்டும் எனில் ஒரு மனிதர் தனது கரத்தின் புறப்பகுதியைப் பயன்படுத்த வேண்டும். யூத சமுதாயத்தில் அறை கொடுப்பது  என்பது இழிவான, ஏற்றுக்கொள்ள முடியாத, அவமானமிக்க செயல். அதுவும் புறம் கையால் என்றால் வெகு அவமானமிக்க செயல். இயேசு சொல்வது பழிவாங்கும் வழக்கை விட்டொழிக்க வேண்டும் என்பதே. அளவு இல்லாமல் அன்பு செய்வது என்பது, தான் காயப்பட்டாலும், பிறர் காயம் அடைய கூடாது என்கின்ற மனநிலையாகும். இரண்டாவது : ஒருவர் சட்டையை கேட்டால், மேல் அங்கியையும் சேர்த்து.... ஒருவர் பந்தயத்தில் தன்னுடைய சட்டையை இழந்தால், அவனுடைய மேலாடையையும் எதிராளி கேட்பான் எனில், அன்று இரவு இழந்தவர் தூங்குவதற்கு போர்த்திக் கொள்ள வென்றவர் அந்த மேலங்கியை கொடுக்க வேண்டும் என்பது யூத சட்டம். அதாவது வென்றவரக்கு மேலங்கி மேல் முழு உரிமை இல்லை என்பதுதான். ஆனால் இய¼சுவின் எதிர்பார்ப்பு இதையும் மிஞ்சுகிறது. இயேசுவின் பொருட்டு துன்பத்தை அனுபவிப்பவர்கள் இழப்பதற்கு ஒன்றுமில்லை என்ற சூழ்நிலையிலும் பிறரை அன்பு செய்ய வேண்டும் என்று விரும்புகின்றார்.

மூன்றாவதாக : ஒரு மைல் தூரம் நடக்கச் சொன்னால், அவருடன் இரண்டு ....

யூதர்களை உரோமையர்கள் ஆட்சி செய்த காலத்தில், உரோமையர்கள் யூதர்களை ஒரு மைல் தூரம் சுமைகளை தூக்க செய்வதற்கு அதிகாரம் பெற்றிருந்தனர். ஒருவர் கேட்டதற்கு மேலாகவும் செய்ய தயாராக இரு;க்க வேண்டும் என்பது இயேசுவின் சீடத்துவத்தின் முக்கிய பாடம். ஒரு தாழ்ச்சி நிறைந்த சேவகனை போல் பிறருக்கு எந்த எதிர்பார்ப்பும் இன்றி உதவும் கரங்கள் கொண்டவர்களாக இருங்கள் என்பதே அழைப்பு.

நான்காவது : உங்களிடம் கேட்பவருக்கு கொடுங்கள், கடன் கேட்பவருக்கு முகம் கோணாதீர்கள் .... 5 : 42

ஏழு வருடத்திற்கு ஒருமுறை கடன்கள் அனைத்தும் தள்ளுபடி செய்யப்பட்டது (இச 15 : 7 ‡ 11). கடன் வாங்குபவர்கள் இதை மிகவும் விரும்பினார்கள். கடன் கொடுப்பவர்களுக்கு இது லாபகரமான சட்டம் இல்லை. கடன் கொடுப்பதற்கு பெரும் தயக்கம் காட்டுவார்கள். ஆனால் எப்போது ஒருவர் தேவையில் உழல்கிறாரோ அவருக்கு பெருந்தன்மையோடு உதவி செய்ய வேண்டும் என்பதே இயேசுவின் விருப்பம். இயேசுவின் நாட்களில் பணம் பெற விரும்பும் கடனாளிகள் தங்கள் உணவிற்காக, பிழைப்பிற்காக பணத்தை கடன் பெற்றனர். இத்தகையோரிடத்தில் பெருந்தன்மையோடு நடந்து கொள்ள வேண்டும் என்று இயேசு அழைப்பு விடுக்கின்றார்.

பாராபட்சம் இல்லாமல் இருக்கும் தந்தையை போல் பாரபட்சம் காட்டாத சீடர்களால் மட்டுமே, எதிரிகளையும் அன்பு செய்யக்கூடிய ஆற்றலும் அன்பும் கிடைக்கும்.

பழிவாங்க துடிக்கும் போது, இரண்டு கல்லறை குழிகளை தோண்டிவிடு. ஒன்று உன் எதிரிக்கு. மற்றொன்று உனக்கு
- டக்லஸ் ஹோர்ட்டன்.

கண்ணுக்கு கண் என்ற சட்டம் உயிர்பெற்றால்  உலகில் எல்லோருமே கண் இழந்தவராய் நிற்பர் - காந்தி.

பொதுக்காலம் 6ஆம் ஞாயிறு 12-02-2017

பொதுக்காலம் 6ஆம் ஞாயிறு   12-02-2017

சீராக் 15 : 15 - 20 ,   1 கொரி 2 : 6 - 10,  மத் 5 : 17 - 37

மத்தேயுவின் நற்செய்தி இன்று ஜெருசலேம் அழிவிற்கு பிறகு இருந்த சூழ்நிலையை பிரதிபலிக்கின்றது. நற்செய்தி முழுவதும் இயேசு சட்டத்தின் நிரந்தர உறுதித்தன்மையை எடுத்தியம்புகின்றார். ஆனால் புதுவகையான புரிதலோடு அதிகாரத்தோடு கொடுக்கின்றார். சில இடங்களில் பழைய சட்டங்களை அழித்துவிடுகிறார். (விவாகரத்து, பழிக்குப்பழி). சில இடங்களில் மேலும் கடமையை சேர்த்து கூறுகிறார் (கொலை, விபச்சாரம், ஆணைகள்). சில இடங்களில் வளைந்து கொடுக்கக்கூடிய செய்தியாக கூறுகிறார் (ஓய்வுநாள்). எல்லாவற்றிற்கும் மேலாக இறைவாக்கினர்கள் மற்றும் சட்டங்கள் எல்லாம் சார்ந்திருக்கக் கூடிய இரட்டை கட்டளைகளை இயேசு தருகின்றார். 1. இறையன்பு மற்றொன்று 2. பிறரன்பு.

இயேசு கிறிஸ்துவின் மலைப்பொழிவை புரிந்து கொள்ளாமல் இந்த மாபெரும் நற்செய்திப் பகுதியைப் புரிந்து கொள்வது சிறிது கடினமான காரியம். தான், சட்டத்தை அழிக்க வரவில்லை. சட்டத்தை சீர்திருத்தவும், நிறைவேற்றவும் வந்தேன் என்றுரைக்கின்றார். யூதர்களுக்கு சட்டம் மிகமிக முக்கியமானது. ஏனெனில் அது இறைவனால் மோசே வழியாக மக்களுக்கு கொடுக்கப்பட்டது என்பதை நம்பினார்கள். ஆனால் நான் உங்களுக்கு சொல்கிறேன் என்கிற வார்த்தைகள் சட்டத்தின் நிரந்தர நீடிய இயல்பை அதிகரிக்கின்றது. கட்டளைகளை கடைபிடித்து கற்பிக்கிறவரே இறைவன் அருகில் இருப்பவர் என்ற கருத்தை விளக்கிக்காட்டி, பல கட்டளைகளை சுட்டிக்காட்டி அவைகளை எப்படி வாழ வேண்டும் என்று விளக்குகிறார்.

இயேசு வாழ்ந்த, வாழப்போகின்ற வாழ்க்கையை தீர்மானமாக கூட இவற்றை நாம் எடுத்துக் கொள்ளலாம். கொலை, விபச்சாரம், காணிக்கை, விவாகரத்து, இச்சை நிறைந்த பார்வை என அனைத்தையும், புதிய கண்ணோட்டத்தோடு புதுப்பிக்கின்றார். எல்லாவற்றிற்கும் மேலாக இறுதியாக பேச்சு வழக்கில் இன்றியமையா சட்டமாக, உங்கள் பதில் ஆம் என்றால் ஆம், இல்லை என்றால் இல்லை என்றிருக்கட்டும் என்று சொல்லி பேச்சு முறையையும் வரையறை செய்கின்றார்.

இயேசு கிறிஸ்து புதிய சட்டங்களை, பழைய சட்டங்களை வைத்து தருவதால் விவிலிய அறிஞர்கள் இயேசுவை புதிய மோசேவாக பார்க்கின்றார். இயேசுவின் இந்த சீர்த்திருத்தம் திருச்சட்டங்களை முழுமையடைய செய்கின்றது. இயேசுவினுடைய புதிய கண்ணோட்டம் முதல் வாசக குறிப்புகளடங்கிய சீராக்கின் வாக்கியங்களுக்கு பொருத்தமானதாக இருக்கின்றது.

இயேசுவின் வழிகாட்டுதல் என்பது, சட்டங்களை பின்பற்றி வா என்று அழைப்பது அல்ல. மாறாக, என்னை பின்பற்றி வா என்னை பிரதிபலித்துவா என்னுடைய ஒளியில் வா என்பதாகும். நம்மை ஒளிர்விக்கின்ற உண்மையான ஒளி இயேசு கிறிஸ்துவே (யோவா 1 :9). அவரே முதலும் முடிவும். என்றென்றும் வாழ்பவரும் அவரே (திருவெளி 1 : 17 ‡ 18). எனவே கிறிஸ்து விவிலியத்தின் விளக்கம். இவ்வாறு இயேசுகிறிஸ்துவே திருச்சட்டத்தின் முழுமையாகவும், நிறைவாகவும் விளங்குகின்றார்.

துணைநலம் ஆக்கம் தரும் வினைநலம்

வேண்டிய எல்லாம் தரும் (குறள் 651)

எதனையும் சிறப்பாக செய்தல் எல்லா நலன்களையும் தரும் என்கிறார் வள்ளுவர்.

திருவருகைக் காலம் மூன்றாம் ஞாயிறு 11 - 12 - 2016

திருவருகைக் காலம் மூன்றாம் ஞாயிறு        11 - 12 - 2016

எசா 35 : 1 - 6, 10;  யாக் 5 : 7 - 10;  மத் 11 : 2 - 11

திருத்தந்தை பெனடிக்ட், உரோமை ஆலயத்தில் சில விவிலிய காட்சிகளை சிறந்த கலைஞர்களைக் கொண்டு வரைய விரும்பினார். எனவே தனது பணியாளர்களை அனுப்பி, பல கலைஞர்களிடமிருந்து அவர்கள் தயாரித்த படங்களை சான்றாக வாங்கிவர பணித்தார். பணியாளர்கள் பல கலைஞர்களிடம் சென்றனர். அவர்களும் அவர்கள் வரைந்த சிறந்த படங்கள் சிலவற்றை சான்றாக கொடுத்தனுப்பினர். ஜியோட்டா என்ற கலைஞரிடம் சென்றனர். அவரிடமும் அவரின் படைப்புகளை சான்றாக கேட்டனர். அவர் ஒரு வெள்ளைத் தாளை எடுத்து எவ்வித கருவிகளுமின்றி ஒரு அருமையான வட்டத்தை வரைந்து, இதனை என் திறமையின் அடையாளமாக போய் கொடுங்கள் என்றார். திருத்தந்தை அனுப்பிய பணியாளர்களுக்குப் பெரிய ஏமாற்றம். தனது சிறந்த படைப்பைக் கொடுக்காமல், இந்த வட்டத்தை கொடுத்திருக்கிறாரே என்று வருத்தப்பட்டு, திருத்தந்தையிடம் அவர் அளித்ததைக் கொடுத்தனர். திருத்தந்தையும் மற்ற பெரியவர்களும் கொடுக்கப்பட்ட படங்களையயல்லாம் பார்வையிட்டு விட்டு, சாதாரண வட்டத்தை வரைந்து கொடுத்தனப்பிய ஜியோட்டாவின் திறமையை புரிந்துக் கொண்டு அவரையே கட்டிட ஓவியராக நியமித்தனர்.

திருமுழுக்கு யோவான் தன் சீடர்களை இயேசுவிடம் அனுப்புகிறார். இயேசு யார்? என்பதை தெளிவாக தெரிந்துக் கொள்ள, இயேசுவிடமே தெளிவு பெற அவர்களை அனுப்புகிறார். இயேசு, தன்னை மனிதரை தீர்ப்பிடும், கண்டிப்பவராக விவரிக்கவில்லை. மாறாக மக்களுக்கு நலன்களை நல்குபவராக தன் பணிகளை முன் வைக்கிறார். குறை உள்ளவர்கள் நிறைவைக் காண்கிறார்கள். பார்வையற்றவர், கால் ஊனமுற்றவர், தொழுநோயாளர், காது கேளாதவர், இறந்தவர் அனைவரும் இயேசுவிடமிருந்து நலம்பெறுகின்றனர்.

பிறகு இயேசு, திருமுழுக்கு யோவானைப் பற்றி சாட்சியம் தருகிறார். ஆறு கேள்விகளைக் கேட்கிறார். இறுதியாக, அவர், கடவுளின் தூதர் என்பதற்கு மேலாக இறைவாக்கினர் என்று உறுதியளித்துக் கூறுகிறார். திருமுழுக்கு யோவான் சிறையில் இருந்த சூழலில்தான் தன் சீடர்களை இயேசுவிடம் அனுப்பி வைக்கிறார். அவர் இறைவாக்கினர் என்ற முறையில்தான் துன்பங்களை ஏற்கிறார். இவ்வாறு இயேசு, திருமுழுக்கு யோவானின் பெருமைகளை பணிவுடன் முன் வைக்கிறார்.

முதல் வாசகத்தில் மகிழ்ச்சி என்பது மையப்படுத்தி பேசப்படுகிறது. ஏழுமுறை மகிழ்ச்சி என்ற வார்த்தை இச்சிறு பகுதியில் பயன்படுத்தப்பட்டுள்ளது. இரண்டாம் வாசகத்தில் யாக்கோபு பொறுமையை கடைபிடியுங்கள் என்று அறிவுரை கூறுகிறார். ஆண்டவரின் இரண்டாம் வருகைக்காகவும் துன்பங்களை தாங்குவதிலும் பொறுமையை கடைபிடியுங்கள் என்கிறார்.

இத்திருவருகைக் காலத்தில் இயேசுவைப் போல, மற்றவர்களின் நல்ல பண்புகளை பெருந்தன்மையுடன் ஏற்றுக்கொண்டு வெளியிடுவதிலும் தன் நிலையை நன்கு உணர்ந்திருப்பதிலும் செயலாக்கம் செய்யலாம்.  மற்றவர்களின் நல்ல பண்புகளை நாம் கண்டுகொள்வதில்லை, பாராட்டுவதில்லை.  இதனால்  உறவுகள் வளர்வதில்லை. மற்றொரு பக்கத்தில் நாம் பெற்றிருக்கும் நலன்களையும், திறமைகளையும் உணர்வதில்லை. இதனால் மனதில் உறுதியும் ஊக்கமும் இல்லாதவர்களாக விளங்குகிறோம்.

‘நன்மைகளின் அடிவேர் மற்றவர்களை 

பாராட்டும் செயலில் ஆரம்பமாகிறது’ - தலைலாமா

‘மற்றவர்களின் நன்மைகளைப் பாராட்டுவதால்,  

மற்றவர்களிடம் விளங்கும் புதுமையான பண்புகள் நம்மிடமும் ஒட்டிக்கொள்ளும் ’- வால்டேர்

பொதுக்காலம் 27ஆம் ஞாயிறு

ஞாயிறு தரும் இறைவார்த்தை

பொதுக்காலம் 27ஆம் ஞாயிறு

அப 1 : 2 - 3; 2 - 4; 2 திமொ 1 : 6 - 8, 13 - 14; லூக் 17 : 5 - 10

வியவற்க எஞ்ஞான்றும் தன்னை நயவற்க
நன்றி பயவா வினை  (குறள் 439)

தற்புகழ்ச்சி தேவையற்றது என்கிறார் வள்ளுவர் ;ஆனால் தற்புகழ்ச்சி, மனிதரிடத்தில் இடம் பெற்றிருக்கும் ஒரு பசியை போன்றது. தன்னால் ஆனது, என்னால் மட்டும் ஆனது. எனவே நான் மற்றவரைவிட சிறப்புக்குரியவர். மற்றவரை தன் ஆட்சியில் வைத்திருக்கும் வல்லமை உடையவன் என்ற எண்ணம் நம்மில் ஒவ்வொருவரிடமும் புதைந்திருக்கிறது.  இதனை மாற்றி, இறைதுணையாலும், மற்றவர் துணையாலும் தான் எதனையும் சாதிக்க முடிகிறது என்பது தெய்வீகப்பண்பு, இயேசு, இறைவனாயிருந்தும் அடிமையின் உருவெடுத்து நமக்கு மீட்பு அளித்தார் என்று பவுல் அடிகளார் கூறுகிறார்.

ஓர் ஆயர் கூறுவார், குருத்துவம், ஆயர்பணி கடவுள் எனக்குப் போட்ட பிச்சை என்பார். நம் ஆற்றலுக்கு உயிர் கொடுப்பவர் இறைவன். இதனை உணர்ந்தால் நம் ஆற்றல் இரட்டிப்பாகும்.

இன்றைய நற்செய்திப் பகுதி, இயேசு எருசலேமை நோக்கி செல்கின்ற பயணத்தின் போது நடைபெறும் நிகழ்ச்சியை குறிப்பிடுகிறது. இப்பயணத்தில் இயேசுவுக்கு அதிகமாக எதிர்ப்புக்கள் தோன்றுகின்றன. லூக் 17 : 1 ‡ 4இல் இயேசு மற்றவர்களுக்கு இடறல் தருவதைப் பற்றி பேசுகிறார். அப்போது சீடர்கள், எங்களின் நம்பிக்கையை உறுதியாக்கும் என்று வேண்டுகோள் வைக்கின்றனர். அச்சூழலில்தான், நம்பிக்கையின் வல்லமை பற்றியும், பணியாளர்கள் நன்றி எதிர்பார்க்காமல் தொடர்ந்து பணி செய்ய வேண்டுமென்று இயேசு அறிவுறுத்துகிறார். அரசு அலுவலர்களுக்கு அரசு ஓரளவிற்கு நல்ல ஊதியத்தைத் தருகிறது. ஆனால் அவர்களின் பணிகளை செய்த பிறகு இன்னும் அதிகமாக பரிசுகளை எதிர்பார்க்கிறார்கள்.  கடமை என்னும் செடியில் மலர்வதுதான் மகிழ்வு என்ற பூ என்கிறார் பிலிப்ஸ் புருக்ஸ். கடமையை செய்தால் தோல்வி வருவதில்லை. கடமைகளை செய்யாத போதுதான் தோல்விகள் நம்மை சந்திக்கின்றன என்கிறார் இராபர்ட் பாடன் பவல். உன் கடமையை சற்று கவனமாக செய்தால் எதிர்காலம் உன்னை கைபிடித்து நடத்தும் என்கிறார் ஆன்று கமேஜி.

வல்லபாய் படேல், ஒரு வழக்கறிஞர். ஒரு வழக்கில் நீதிமன்றத்தில் வாதாடிக் கொண்டிருந்தார். அப்போது ஒருவர் ஒருதுண்டு கடிதத்தை அவரிடம் கொடுத்தார். படேல் கடிதத்தை படித்துவிட்டு வழக்கில் தொடர்ந்து வாதாடினார். நீதிமன்றம் முடிந்ததும், நீதிபதி படேலைக் கேட்டார். அந்த துண்டு கடிதம் என்ன? என்றார். என் மனைவி இறந்துவிட்டார் என்று தான் அந்த கடிதம் தெரிவித்தது. எனது கடமையை செய்வது முதல் வேலை என்று தான் வழக்கில் தொடர்ந்து வாதாடினேன் என்றார்.

கடமையை மடமையாகவே நம்நாட்டில் பலர் கருதுகின்றார். எனவேதான் பல விபத்துக்கள் நடக்கின்றன. நம் நாட்டின் வளர்ச்சி தடை பெறுகிறது. சட்டமன்றத்திலும், பாராளுமன்றத்திலும் அதன் உறுப்பினர்கள் பங்குக் கொள்வதில்லை. அரசு அலுவலகங்கள், அரசு தொழிலகங்கள் ஆகியவற்றில் பணியாற்றுபவர்கள், தங்களின் கடமைகளை கவனத்தில் எடுத்துக் கொள்வதே இல்லை. ஓர் அலுவலகத்தில் பணியாளர் ஒருமாதம் விடுப்பு எடுத்திருந்தார். ஆனால் பத்து நாட்களில் அலுவலகத்திற்கு வந்துவிட்டார். ஏன் விடுப்பினை முழுமையாக பயன்படுத்த வில்லை என்றதற்கு, வீட்டில் தூக்கமே வரமாட்டேங்குது. அலுவலகத்தில் தான் நல்ல தூக்கம் வருகிறது என்றார். இயேசு தன் தந்தை அவருக்குக் கொடுத்தப் பணியை முழுமையாக செய்ததாகக் கூறுகிறார். நீர் என்னிடம் ஒப்படைத்திருந்த வேலையைச் செய்து முடித்து, நான் உம்மை உலகில் மாட்சிப்படுத்தினேன் (யோவா 17 : 4).. யோவான் பகர்ந்த சான்றைவிட மேலான சான்று ஒன்று உண்டு. நான் செய்து முடிக்குமாறு தந்தை என்னிடம் ஒப்படைத்துள்ள செயல்களே அச்சான்று (யோவா 5 : 36) கடமை உயர்வின் ஆளுமை!

பொதுக்காலம் 25ஆம் ஞாயிறு 18 - 09 - 2016

பொதுக்காலம் 25ஆம் ஞாயிறு     18 - 09 - 2016

ஆமோ 8 : 4 - 7;  1 திமொ 2: 1 - 8;       லூக் 16 : 1 - 13

“செல்வத்துப் பயனே ஈதல்
துய்ப்போம் எனினே தப்புந  பலவே” - புறநானூறு

பொருள்களின் பயன் பகிர்தல். பொருள்களை அனுபவிப்போம் என்பது பெரிய தப்பாகும் என்கிறது மேற்குறிப்பிட்ட பாடல்.

திரிகடுகம் இதனையே

“ஈவதற்கு செய்க பொருளை
இருள் உலகம் சேராது ஆறு” என்று விளக்குகிறது.

பொருள் சேர்ப்பதின் நோக்கம் மற்றவர்களுடன் அதனை பகிர்ந்து கொள்வதுதான் என்று கூறுகிறது.

உர்சுலா என்பவர், ஒன்றும் உன்னுடையது அல்ல. அனைத்தும் பயன்படுத்தப்பட வேண்டியவை. பகிர்ந்து கொள்ளப்படாதவை, பயன்படுத்தப்படாதவை என்கிறார்.

இன்றைய நற்செய்தியில், வீட்டு பொறுப்பாளர் ஒருவர், தன் வேலையை பாதுகாத்து கொள்வதற்காக விவேகத்துடன் நடந்துக் கொண்டதை தலைவர் பாராட்டுகிறார். வீட்டுப் பொறுப்பாளர், தலைவரின் முதல் வாசகத்தில், ஆமோஸ், செல்வந்தரின் உல்லாச வாழ்வை மிகவும் கண்டித்துப் பேசுகிறார். தந்தத்திலான கட்டில், பஞ்சனை, இசைப்பின்னணியில் சுவையான விருந்து. இவ்வாறு ஆடம்பரத்துடன் வாழ்பவர்க்கு இறைவனின் ஆசீர் கிடைக்காது (ஐயோ கேடு) என்கிறார்.

இரண்டாம் வாசகத்தில், பவுல் அடிகளார், ‘கடவுளின் மனிதனாகிய நீ, பொருள் ஆசையிலிருந்து தப்பி ஓடு’ என்று திமொத்தேயுவுக்கு அறிவுரைக் கூறுகிறார். பொருள் ஆசை, ஆடம்பர வாழ்வு அனைவரையும் காந்தமாக பற்றி இழுக்கிறது. ஆனால் பொருள் நடுவில் இருள் மறைந்திருப்பதை மனிதர் உணர்வதில்லை. பொருளை சேர்த்தவர் பேராசைக்கும், வெற்று பெருமைக்கும் ஆளாகி மனிதத்தின் நிறைவை பெறாமல் போவதைப் பார்க்கிறோம். ஓர் ஆசிரியர் நல்ல வசதியானவர். எப்படியோ குடும்பம் நொடித்துவிட்டது. தன்னிடம் கல்வி கற்ற மாணவரிடம் சென்று  அடிக்கடி உதவி கேட்பார். ‘போய்யா, தொந்தரவு செய்யாதே’ என்று பழைய மாணவர் விரட்டுவார். ஆனால் ஒரு குடும்பத்தில், ஒருவர் இராணுவத்தில் வேலை செய்கிறார், மற்றவர் ஆசிரியர், எல்லோருக்கும் பெரியவர், விவசாயி. தம்பிகள் வாங்கும் சம்ளத்தை அண்ணணிடம் கொடுத்து, அவர் வரவு ‡ செலவு செய்வார். ஒன்றித்த ஒப்புரவான குடும்பமாக அது வளர்ந்தது. ஒளவையார் பகிராத செல்வத்தினால் வரும் தீமைகளை அழகாக சொல்கிறார்.

நம்பன் அடியவர்க்கு நல்காத்  திரவியங்கள்

பம்புக்காம், பேய்க்காம், பரத்தையர்க்காம் ‡ வம்புக்காம்

கொள்ளைக்காம், கள்ளுக்காம், கோவுக்காம், சாவுக்காம்

கள்ளர்க்காம், தீக்காய் காண்

(பம்புக்காய் - ஆரவாரத்திற்கு)

முன்வந்து பகிர்வோம், இறைவன் பின் நின்று வாழ்த்துவார்.

பொதுக்காலம் 23ஆம் வாரம் 4 - 9 - 2016

பொதுக்காலம் 23ஆம் வாரம்   4 - 9 - 2016

சாஞா 9 : 13 - 18;  பில 9 - 10, 12 - 17;  லூக் 14 : 25 - 33

- அருள்பணி. ச.இ.அருள்சாமி, 

பொருள்கள், உறவுகள் மீது விருப்பமில்லா நிலை என்ற பண்பு ஒரு செல்வமாகும். அதற்கு ஈடானது ஒன்றுமில்லை

என்கிறார் வள்ளுவர். 

“வேண்டாமை அன்ன விழுச்செல்வம்  ஈண்டில்லை

ஆண்டும் அஃதொப்பது இல்” (குறள் - 363)

பொருள்களை பிள்ளைகளுக்கென்று சேர்ப்பதால், பெற்றோர்கள் பிள்ளைகளின் வாழ்வினையே அழித்து விடுகிறார்கள் என்றார் ஒரு சொற்பொழிவாளர். வாழ்வு என்பது நிலைத்திருப்பது. பொருள் கைமாறி செல்வது. பொருள் பைத்தியம் பெற்றோர்களிடமிருந்து பிள்ளைகளையும் பிடித்துவிடும்.

ஓரு காவலர் குடும்பம். ஒரே பையன். செல்லம் கொடுத்து வளர்த்தார்கள். நாம் பட்ட கஷ்டம் பிள்ளைகள் படக்கூடாது என்பது பெற்றோர்களின் கொள்கை. வேண்டியதெல்லாம் வாங்கிக் கொடுத்தார்கள். சைக்கிள், பிறகு பைக். வீட்டில் பெரிய தொலைக்காட்சி பெட்டி, குளிரூட்டும் பெட்டி (ரெப்ரிஜிரேட்டர்), குளிரூட்டி (ஏசி) எல்லாம் இருந்தன. பண வசதியால் பையன் தீய நண்பர்களுடன் சேர்ந்தான். போதை பொருள்களுக்கு அடிமையானான். எனக்கு கார் வாங்கிக் கொடுங்கள் என்று அடம்பிடித்தான். ‘இப்போது அது முடியாதப்பா’ என்றனர் பெற்றோர்கள். சில நாள்கள் தொடர்ந்து கேட்டான். பிறகு ஒருநாள் குடித்து விட்டு வந்து, ‘கார் வாங்கிக் கொடுக்க வக்கில்லாத நீ, ஏன் என்ன பெத்த?’ என்று சொல்லி தொலைக்காட்சி பெட்டி, கண்ணாடி பொருள்கள் அனைத்தையும் அடித்து  உடைத்தான்.

இன்றைய நற்செய்தி  பகுதியில், இயேசுவின்  சீடராக, அவரின் கொள்கைகளைப் பின்பற்ற வேண்டுமென்றால், பற்றற்ற நிலை வேண்டும் என்கிறார் இயேசு. தன் சீடர்கள் பற்றற்ற நிலையில் வாழ வேண்டும் என இயேசு கூறுவதை லூக் 9 : 23 - 27, 57 - 62 என்ற பகுதியிலும் பார்க்கிறோம். உறவுகள் (தாய், தந்தை, பிள்ளைகள், உடன் பிறந்தவர்கள்), ஒருவரின் தன் நலம் ஆகியவை இயேசுவின் வழிகளுக்கு அடுத்த நிலையில்தான் நிற்க வேண்டும். உறவுகளுக்கு முதலிடம் கொடுக்கக் கூடாது என்று தமிழ் மொழிபெயர்ப்பில் கொடுக்கப்பட்டுள்ளது. ஆனால் கிரேக்க மூலத்தில், உறவுகளை வெறுக்க வேண்டும் என்று கொடுக்கப்பட்டுள்ளது. உறவுகள், தன்நலம் ஆகியவற்றை ஒதுக்கிவைத்து, இயேசுவின் வழியில் செல்லும்போது வருகின்ற சுமைகளை, எதிர்ப்புகளை சிலுவையாக தாங்கிக் கொள்ள வேண்டும் என்கிறார்.

இத்தகைய கொள்கை, மனிதருக்கு புரிந்துக் கொள்ள முடியாத ஒன்று. ‘தானாடாவிட்டாலும் தன் சதை ஆடும்’ என்று உறவின் ஒன்றிப்பைக் கூறுவார்கள். ஆனால் பற்றற்ற நிலையில் வாழ்வது இறைவனின் திட்டமாகிறது. இதனைத்தான் முதல் வாசகத்தில், சாலமோனின் ஞானம், ‘கடவுளின் திட்டத்தை அறிபவர் யார்?’ என்றும், ‘மண்ணுலகில் உள்ளவற்றேயே நாம் உணர்வது அரிது, விண்ணுலகில் இருப்பவற்றை தேடி கண்டுபிடிப்பவர் யார்?’ என்றும் ’ஞானத்தாலும், தூய ஆவியாரின் உதவியாலும் தான் உண்மைகளைக் காணமுடியும்’ என்றும் கூறுகிறது.

இரண்டாம் வாசகத்தில், பவுல், ஒனேசிமு  என்ற அடிமையை, “உன் சகோதரனாக ஏற்றுக் கொள்” என்று பிலோமோனுக்கு அறிவுரைக் கூறுகிறார். சமத்துவம் என்பது பழமையிலிருந்து விடுபட்ட பற்றற்ற நிலையினால் ஏற்படுகிறது.

நுகர்வோர் கலாச்சாரத்தில், பொருள்கள் நமது தலைமை பீடமாகின்றன. எனவே மனித மாண்புகள் வெறுமையாகின்றன. ஏமாற்றமும், விரக்தியும் பலனாக நம் கைகளில் வந்து விழுகின்றன.

“இலலம் இளமை எழில் வனப்பு மீக்கூற்றம்

செல்வம் வலிஎன் றிவை எல்லாம் - மெல்ல

நிலையாமை கண்டு நெடியார் துறப்பர்

தலையாயார் தாம் உய்யக் கொண்டு” 

                                                          - நாலடியார் 53.

18 ஆம் ஞாயிறு 31 - 07 - 2016

18 ஆம் ஞாயிறு  31 - 07 - 2016

ச உ 1 : 2; 2 : 21 - 23; கொலோ 3 : 1 - 5,  9 - 11; லூக் 12 : 13 - 21

ஆசையே துன்பத்திற்கு காரணம்

வந்தவர் : வாழைப்பழம் எவ்வளவுங்க?

கடைக்காரர் : ஒரு ரூபாய் தாங்க.

வந்தவர் : ஐம்பது பைசாவுக்கு தர்றீங்களா?

கடைக்காரர் : ஐம்பது பைசாவுக்கு தோல் மட்டும்தான் கிடைக்கும்.

வந்தவர் : அப்ப இந்தாங்க, 50 பைசா. தோலை உரிச்சுகிட்டு பழத்தை மட்டும் தாங்க.

மண்ணே மனித உடலை திண்ண போகுது, மனித உடலை காக்க என்னென்ன வழிமுறைகள் கிடைக்கும் என மனிதன் அங்கலாய்க்கிறான். ஆசைகள் இருந்தால்தான் முயற்சியும், உழைப்பும் இருக்கும். அதே வேளையில் உழைக்காமல் உண்ணும் ஆசை அபத்தமானது. இந்த ஆசைகள் சுயநலத்தோடு ஒட்டிக்கொண்டால் மற்றவர்களின் நலனைப் பற்றியோ, பிறருடைய வளர்ச்சிப் பற்றியோ சிந்திக்காமல் தீமையே பிரதானம் என மனிதர் வாழ ஆரம்பித்துவிடுகிறார்.

பிற்கால வாழ்வின் பயனை அடைய நாம் பொதுவாக முன்னேற்பாடுகளை செய்து கொள்வது வழக்கம். பணம், பொருள், பதவி, வசதிகள் தேவைதான். ஆனால், அவைகளை பேராசையுடன் தேடிச் சேகரித்து வைக்கவேண்டாம் என்பதை இயேசு நமக்கு போதிக்கிறார். உலகப் பொருட்கள் நமக்கு உண்மையான மனநிறைவும், மகிழ்ச்சியும் தரப்போவதில்லை. அவைகள் சிறிது காலத்திற்குத்தான் நம்முடையதாக இருக்கும். இறந்தப் பிறகு நமக்குக் கிடைப்பது 5 அல்லது 6 அடி நிலம். அது கூட நமக்கு நிரந்தரமானதல்ல. ஆகவேதான் இன்றைய நற்செய்தியில், ‘முட்டாளே இன்று உனது ஆன்மாவை இழப்பாயே’ என்று செல்வந்தனிடம் இறைவன் எச்சரித்தாக சொல்லப்படுகிறது.

உலக செல்வம் நமது ஆன்மாவை அடிமையாக்க முடியும். இத்தகைய அடிமை கடவுளையும், அயலாரையும் நேசிக்க முடியாதபடி மாபெரும் தடையாக மாறிவிடும். நாம் விரும்புகின்ற சுதந்திர வாழ்வை பறித்துவிடும். நாம் இறக்கும்போது நமக்கு பயன்படப் போவது, நாம் இவ்வுலகில் சேர்த்து திரட்டி வைத்திருக்கும் ஆன்மீகச் செல்வங்கள்தான். இச்செல்வம்தான் நமக்கு முழு விடுதலையைத் தரும்.

“மண்ணுலகில் செல்வம் சேகரிக்க வேண்டாம். மாறாக விண்ணுலகில் உங்கள் செல்வத்தை சேமித்து வையுங்கள். அது நிலையானது” (மத் 6 : 19 ‡ 24). இருப்பதைக் கொண்டு நிறைவுடன் வாழவும், இருக்கும் செல்வத்தை தகுந்த முறையில் பயன்படுத்தவும், பிறரோடு பகிர்ந்து வாழவும் ஆசைப்படவேண்டும்.

தன்னதுசாயை தனக்கு உதவாது கண்டு

என்னதுமாடு என்று இருப்பர்கள் ஏழைகள்

உன்னுயிர் போமுடல் ஒக்கப் பிறந்தது

கண்ணது காணொலி கண்டு கொளீரே (திருமந்திரம்)

“உயிரோடு உடன் பிறந்த உடலே பிணமாய் ஒழிகிறது. இதனை நேரே கண்டும் புறமான பொருளை என்னுடையது என்று மடையர்கள் எண்ணி களிக்கின்றனர்” என்கிறார் திருமூலர்.

17 ஆம் ஞாயிறு (24 - 07 - 2016)

17 ஆம் ஞாயிறு  (24 - 07 - 2016) 

                  

தொ. நூ. 18 : 20 - 32; கொலோ 2 : 12 - 14;  லூக் 11 : 1 - 13

செபத்தால் ஜெயமாக்கு

ஐந்து வயது மகன் தனது தந்தையிடம் தனக்கு யானை வேண்டும் என்று அடம்பிடிக்கிறான். தந்தை அவனது பிடிவாத குணத்தை மாற்ற முடியாமல் அவனுக்கு விலையுயர்ந்த பெரிய யானையை வாங்கிக் கொடுத்தார். மகன் மறுபடியும் தனது தந்தையை நோக்கி, தனக்கு ஒரு பானை வேண்டும் என்று வற்புறுத்திக் கேட்கிறான். பானையையும், தந்தை வாங்கிக் கொடுத்தார். அதோடு, விடவில்லை. மகன் தன் தந்தையிடம், அப்பா, இந்த யானையை இந்த பானைக்குள் போடுங்கள் என்றானாம். பெற்றோரிடம் அடம்பிடித்தால் எதையும் வாங்கலாம் என குழந்தை நம்புகிறது.

இன்றைய நற்செய்தி பகுதி, செபத்தின் பண்புகளைப் பற்றி பேசுகிறது. இதில் இயேசு கற்று கொடுத்த செபம் இடம்பெறுகிறது. பிறகு செபத்தில் இறைவன் ‡ அடியார் உறவு, உடன் நண்பர்கள், பெற்றோர் ‡ பிள்ளை போன்ற உறவு என்று விளக்குகிறார் இயேசு. இறைவன் நாம் கேட்பதைத் தருகிறார். சில வேளைகளில் நாம் கேட்கும் முன்பே தருகிறார். சில வேளைகளில் நாம் கேட்கும்பொழுது  தருகிறார்; சில வேளைகளில் நாம் கேட்ட பிறகே தருகிறார். வாழ்வை வளமாக்கி, பலவீனத்திலிருந்து பலப்படுத்த, மகிழ்ச்சியில் திளைத்திட, அனைத்திலும் வெற்றி பெற இறைவனது (அருள் ஆற்றல்) அருளாற்றல் மனித குலத்திற்கு அதிகமாகவே தேவைப்படுகிறது. இறை அருளாற்றல்தான் ஜெபத்தின் வழியாக மனிதனுக்கு பொழியப்படுகிறது.

இறைவனது அன்பையும், பரிவையும், இனிமையையும், இரக்கத்தையும், உறவையும், உடனிருப்பையும், மன்னிப்பையும், மாட்சிமையையும் நன்கு உணர்ந்த, அனுபவித்த இயேசுவின் சீடர்கள், தாங்களும் ஜெபிக்க வேண்டும் என்ற ஆசையினால் இயேசுவிடம் கற்றுத்தர சொல்கிறார்கள். எரே 33 : 3 என்னிடம் மன்றாடு உனக்கு நான் செவி சாய்ப்பேன்.

செபிப்பது ஒரு பிரச்சனை அல்ல, விடாமுயற்சியுடன் செபிப்பதுதான் பிரச்சனை. சோதோம் நகரை அதன் பாவங்களுக்காக தண்டிக்க வேண்டும் என்று கடவுள் முடிவு செய்தபோது, ஆபிரகாம் கடவுளிடம் அந்த நகர மக்களை மன்னிக்குமாறு விடாது கெஞ்சினார். பத்து நல்லவர்களாவது அந்நகரத்தில் இருந்தால் (தொ. நூ. 18 : 32) மன்னித்து விடுவதாக கடவுள் ஏற்றுக் கொள்கிறார்.

ஏழைக்கைம்பெண் நம்பிக்கையோடு தொடர்ந்து மன்றாடியபோது நீதிக்கேட்டபோது, கடின இதயம் கொண்ட பொல்லாத நடுவனைக்கூட இரக்கப்பட வைத்தது இக்கைம்பெண்ணின் விடாமுயற்சி. இந்த விடாமுயற்சி என்பது தளரா நம்பிக்கை. இத்தகைய செபம்தான் இறைவனுக்கு உகந்த செபம்.

படைத்த ஆண்டவரைப் போற்றுவது நமது கடமை. படைக்கப்பட்டவைகளின் தேவையை அறிந்து நிறைவேற்றுவது அவரது உரிமை. எனவே நமது ஜெபம் தொடர் ஜெபமாக மாறட்டும்.

மூச்சு நின்றால் மட்டும் மரணமல்ல

முயற்சி நின்றாலும் மரணம்தான்.

16 ஆம் ஞாயிறு (16 - 07 - 2016 )

16 ஆம் ஞாயிறு      (16 - 07 - 2016 ) 

 தொ. நூ. 18 : 1 - 10;  கொலோ 1 : 24 - 28;  லூக் 10 : 38 - 42

செவி கொடு

23 வயது இளம்பெண் ஒருவரின் கடிதத்தில் இவ்வாறு எழுதப்பட்டிருந்தது. “‘வாழப் பிடிக்கவில்லை, தற்கொலை செய்து கொள்ள விரும்புகிறேன். எவரையும் காரணமாக குறிப்பிட விரும்பவில்லை. எனக்கென்று யாருமில்லை. என்னில் புதைந்துள்ள எத்தனையோ ஏக்கங்கள், மன அழுத்தங்கள், யாரிடமும் எதையும் பகிர்ந்து கொள்ள முடியாமை... எனக்கு செவிமடுக்க யாருமில்லை. நேரத்தை ஒதுக்க, எனது பிரச்சனைகளுக்கு காது கொடுத்து கேட்க யாருமில்லை. எனவேதான் இந்த தற்கொலை முடிவை எடுக்கிறேன்’

.

இன்று மனித வாழ்வு சிக்கல்கள் நிறைந்ததாக மாறிவிட்டது. மன அழுத்தமும், மன உளைச்சலும் அதிகரிப்பு, பணம் சம்பாதிக்க வேண்டிய கட்டாயம், இடியாப்ப சிக்கலாகி வரும் குடும்ப வாழ்க்கை, சிதைந்து போகின்ற குடும்ப உறவுகள், பெருகி வருகின்ற மண முறிவுகள் இவை அனைத்தையும் உள்ளத்தில் அழுத்தி வைத்துக்கொண்டு வெறுமனே நாட்களை நகர்த்தும் மனிதர்கள் ஏராளம்.

இதற்கு தீர்வு என்ன?  ஆற்றுப்படுத்துதல் என்பது இன்று அதிகம் பேசப்படுகிறது. இதன் அடிப்படையில் செவி மடுத்தல், நெறிப்படுத்துதல், வழிகாட்டுதல், ஆலோசனை கூறுதல், அறிவுரை வழங்குதல் - இவைகளையயல்லாம் தாண்டி ஒரு மனிதனுடைய உள்ள குமுறல்களை யாராவது உட்கார்ந்து கேட்டாலே போதுமானது. 

நடைமுறை வழியில்  ‘என்ன வேண்டும் உனக்கு, சீக்கிரமாக சொல், எனக்கு நேரமில்லை ... நீ சொல்வதையயல்லாம் கேட்க எனக்கு பொறுமை இல்லை, சொல்ல வேண்டியதை சுருக்கமாக சொல்’. இந்த அவசர செய்திகள் தான் மனித பிரச்சனைகளுக்குக் காரணம்.

இன்றைய நற்செய்தியில் சமாரியர்கள் இயேசுவை ஏற்றுக் கொள்ளாத ஒரு சூழ்நிலையில் வரப்போகும் பாடுகளை மனதில் வைத்து எருசலேமுக்கு இயேசு பயணம் செய்கிறார். அப்போது பெத்தானியாவிலுள்ள மார்த்தா ‡ மரியா வீட்டிற்கு செல்கிறார். இருவரும் இயேசுவின் நலனில் அக்கறையுடையவர்கள்.

மார்த்தா விருந்தோம்பலில் கவனம் செலுத்துகிறார். மரியா இயேசுவின் காலடியில் அமர்ந்து, அவர் சொல்வதை  கேட்கிறார். 

உணவு உண்பதைக் காட்டிலும், மன உணர்வுகளை பகிர்ந்து கொள்ளவே இயேசு அவ்வீட்டிற்கு செல்கிறார். அவருடைய மன உணர்வுகளை புரிந்து கொண்டு, செவிமடுக்கின்ற பணியை செய்த மரியாவை இயேசு பாராட்டுகிறார். இயேசுவுக்கு ஆலோசனை மற்றும் அறிவுரை கூறுகின்ற அளவுக்கு மரியா பெரிய ஆள் இல்லைதான். ஆனால் உணர்வுகளை புரிந்து கொண்டு, இயேசுவுக்கு செவிமடுத்த மரியா உண்மையிலேயே நல்ல பங்கை தேர்ந்து கொண்டாள்.

மார்த்தா பணியில் மூழ்கி, இறைவார்த்தையைக் கேட்டு மகிழ்ந்திருக்க முன் வரவில்லை. அன்றாட நடைமுறை வாழ்க்கைப் பிரச்சனைகளில் ஒரேயடியாக மூழ்கி, ஆன்மீக காரியங்களை முற்றிலும் மறந்து விடுவது நல்லதல்ல என்றும்,  உடலைவிட ஆன்ம வாழ்வு முக்கியமானது என்றும் மார்த்தாளுக்கும், நமக்கும் இயேசு உணர்த்துகிறார்.

பரப்பான உலகில் நாம் நேரத்தை ஒதுக்கி, பொறுமையோடும், பரிவோடும் மற்றவர்களின் எண்ணங்களை, ஏக்கங்களை புரிந்துக் கொண்டு, செவிமடுக்க நாம் தயாராக இருக்க வேண்டும்.

15 ஆம் ஞாயிறு (10 - 07 - 2016)

15 ஆம் ஞாயிறு (10 - 07 - 2016) 

                       

இச 30 : 10 - 14, கொலோ 1 : 15 - 20, லூக் 10 : 25 - 37

துளிர்க்கும் மனித நேயம் 

“மனித நேயம், இரக்க குணம், உதவி செய்யும் மனநிலை உடையவர்கள் மட்டும்தான் காயத்திற்கு கட்டு போடுவார்கள்”. நற்செய்தியில் வரும் பல கதாபாத்திரங்களை அலசிப் பார்க்கும்போதுதான் உண்மையான அயலான் யார்? அவர் எப்படிப்பட்டவராக இருக்க வேண்டும் என்ற பதில் கிடைக்கிறது.

பயணம் செய்பவர்கள்: எருசலேமிலிருந்து எரிக்கோ வரை பயணிக்க வேண்டும். திருடர்கள் நடமாடும் ஆள் அரவம் இல்லா, நவீன காலத்திலுள்ள சாலைகள் போன்றல்லாமல் கரடு, முரடான பாதை அது. தனி நபர் பயணிப்பது மிகவும் ஆபத்தானது.

பாதையில் பயணித்தவர்கள்

1. கள்வர்கள்:  மற்றவர்களுடைய பொருட்களை சந்தர்ப்பம் பார்த்து கவரக் கூடியவர்கள்; இதற்காக உயிரையும் துட்சம் என கருதி, எதையும் செய்ய துணிந்தவர்கள்; தவறு செய்கிறோம் என உணராதவர்கள்.

2. தெரிந்தோ, தெரியாமலோ பயணம் செய்த எளிய யூதர். கள்வர் கையில் அகப்பட்டு, உடைமைகளை இழந்து, காயப்பட்டு நடக்க முடியாமல் முடங்கியிருப்பவர். மற்றவரின் உதவியை நாடியிருப்பவர்.

3. குரு: உயிருக்குப் போராடிக் கொண்டிருப்பவனைப் பார்க்கிறார். ஆனால் ஒதுங்கிப் போகிறார். இறந்த உடலை தொட்டுவிட்டால் 7 நாட்களுக்குத் தீட்டுபட்டவனாக இருப்பான் (எண் 19 : 11). இதுவே ஆலயத்தில் வழிபாடு நடத்தத் தடையாகும் என்ற உணர்வு. அவரைத் தடுத்தது இவருக்கு மனிதனை விட ஆலய வழிபாடு முக்கியமாக தெரிந்தது.

4. லேவியர்: துடிதுடிக்கும் வழிபோக்கன் அருகிலே சென்று பார்த்துவிட்டு ஒதுங்கி செல்கிறான். தன்னை தற்காத்துக் கொள்ள அவ்விடத்திலிருந்து சென்றுவிடுகிறான். குருவிற்கு உதவி செய்பவர். இவரும் தீட்டு அடிப்படையில் ஒதுங்கி செல்கிறார்.

5. சமாரியன்: ஒதுக்கப்பட்ட வகுப்பை சேர்ந்தவன். தன்னை ஒதுக்கும் யூதருக்கு உதவ அவன் இதயத்தில் இரக்கம் சுரக்கிறது. மருந்திட்டு, கட்டுப்போட்டு, சாவடிக்கு கொண்டு வந்து, மருத்துவச் செலவு செய்து, மீண்டும் தேவையான பணம் கொடுத்து, தனது பணிக்கு திரும்பும் இந்த மனிதன் ஒரு மாமனிதன். ஒரு மனிதன் மீது உண்மையான அக்கறையும், அவனது துன்பத்தில் பங்கெடுத்தலும், எதையும் எதிர்பாராமல் தன்னிடம் இருப்பதை கொடுத்து உதவி புரிதலும்தான் இந்த மனிதர், சட்டத்தை வாழ்வாக்குபவர் என்று இயேசு விவரிக்கிறார்.

அறிவியல் முன்னேற்றமடைந்த இக்காலத்தில் நகரங்களிலும்,கிராமங்களிலும் வாழக்கூடிய மனிதர்கள் மத்தியில் - “கண்டு கொள்ளாமை”, “இரக்கமற்ற உணர்வு”, “தெரிந்தும் தெரியாதவர்களைப் போல வாழும் மனநிலை” போன்ற மாறுபட்ட குணாதிசயங்கள் அதிகமாக முளைத்துள்ளன. இவைகளை வேறுஅறுத்தால்தான் நல்ல சமாரியர்களை இந்த சமூகத்தில் காண முடியும். மனித நேயம், மனிதாபிமானம் என்ற உணர்வு நிலைக்கு வந்து, வாழ்வில் இவைகளை செயலாக்கத்திற்கு கொண்டு வருவோம். சீனிவாசன் என்பவர் மருத்துவப்படிப்பு படித்துவிடடு, கானகத்தில் வாழும் பழங்குடியினருக்கு அங்கே தங்கி மருத்துவ உதவி செய்கிறார். இவர் இன்றைய நல்ல சமாரியர்  எனலாம். முதல் வாசகத்தில், ‘ஆண்டவரின் குரலுக்கு செவி கொடு, அவர்தம் கட்டளைகளை கடைபிடி’ என்று கூறப்பட்டுள்ளது. இயலாதவற்கு உதவி செய்தல் இறைவனை காண்கின்ற செயலாகும், இறை கட்டளைகளின் நிறைவாகும்.

14 ஆம் ஞாயிறு, 03 - 07 - 2016

14 ஆம் ஞாயிறு, 03 - 07 - 2016

எசா 66 : 10 - 14, கலா 6 : 14 - 18  லூக் 10 : 1 - 12, 17 - 20

தடயமான தழும்பு

‘இந்திய கிறிஸ்தவர்களின் தந்தை’ எனப் போற்றப்படும் புனித தோமையாரின் திருவிழாவை இன்று திருச்சபைக் கொண்டாடி மகிழ்கிறது. இவர் இயேசுகிறிஸ்து மீது அளவற்ற பற்று கொண்டிருந்தார். விசுவாசத்தில் வளர்ந்த இவர், முரடர்களான யூதர்களைப் பார்த்து அஞ்சவில்லை. யூதர்கள் இயேசுவுக்கு பல தொல்லைகளைக் கொடுத்து வந்தவர்கள். மற்ற சீடர்கள் இவர்களுக்கு அஞ்சினார்கள். ஆனால் தோமா, ‘இயேசுவோடு நாமும் யூதேயாவுக்கு போவோம், அவரோடு இறப்போம்’ என்றார். இது தோமாவின் வீரம் கலந்த உற்சாகப் பணியை காட்டுகிறது. இன்றைய சமூக பின்னனியில் நாம் சந்திக்கும் சவால்கள் பல கோணங்களில் கிறிஸ்தவர்களுக்கு வருகின்றது. இதில் நமது இறைப்பண்பு என்னவாக உள்ளது என்று சிந்திக்க வேண்டும். புனித தோமாவின் வாழ்வே மிகப் பெரிய சவாலாக நம் ஒவ்வொருவருக்கும் அமைய ¼ வண்டும். சவால் நிறைந்த புனித தோமாவின் வாழ்வில், கிறிஸ்துவிற்கு உண்மையுள்ள சாட்சியாக அவர் தொடர்ந்து வாழ, ஒரு மிகப் பெரிய தடயம் ஒன்று அவருக்கு கிடைத்தது. அதுதான் இயேசுவின் விலா தழும்புகள். இவை அவரது விசுவாச வாழ்வுக்கு விருட்சமாக கிடைத்த தடயம்.

சங்க இலக்கியத்தில் தாய் தனது மகனை போருக்கு அனுப்பும்போது, அவன் புறமுதுகு காண்பித்து போரில் பின்வாங்க கூடாது என்றும், நெஞ்சில் புண்களை அல்லது காயங்களைப் பெற்று, வீரனாக திரும்ப வேண்டும் என்றும் சொல்வாள். அந்த வீரத்தழும்பு போற்றுதற்குரியது என்பார்கள். அன்று மாடுகளையும், ஆடுகளையும் வளர்த்தவர்கள், அவைகளுக்கு சூடு போட்டு, தழும்புகளை ஏற்படுத்தி தங்களுடைய மாடுகள் அல்லது ஆடுகள் என இனம் கண்டார்கள்.

‘உயிர்த்த  ஆண்டவரைக் கண்டோம்’ என்று மற்ற சீடர்கள் கூறியபோது, தோமா இக்கருத்தை ஏற்றுக் கொள்ள தயாராக இல்லை. ‘இயேசுவின் கைகளில் ஆணிகளால் ஏற்பட்ட தழும்பைப் பார்த்து, அதில் என் விரலை விட்டு, அவர் விலாவில் என் கையை விட்டாலன்றி நான் நம்ப மாட்டேன்’ (யோவான் 20 : 25) என்று கூறுகிறார். இயேசு மீண்டும் தோன்றிய போது, ‘நீரே என் ஆண்டவர், நீரே என்கடவுள்’ என விசுவாச அறிக்கையிடுகிறார். இது இயேசுவின் தழும்பைப் பார்த்து புனித தோமாவின் உள்ளத்திலிருந்து உதிர்ந்த வார்த்தைகள். இந்த விசுவாசத் தழும்பின் தடயம்தான் புனித தோமாவின் ஐயத்தையும், சந்தேகத்தையும் சரி செய்தது.

இன்றைய சமூக சூழலில் மகாத்மா காந்தியடிகள் சொன்னதைப் போன்று, கொள்ளையில்லாத அரசியல், மனசாட்சியில்லாத இன்பம், உழைப்பில்லாத செல்வம், பண்பில்லாத அறிவு, அறநெறியில்லாத தொழில் வளர்ச்சி, மனிதாபிமானமில்லாத அறிவியல் ‡ போன்ற அனைத்துமே நமது நம்பிக்கை தடயங்களை சேதமாக்கும் தழும்புகள். மனிதனோடு உள்ள நம்பிக்கையும், இறைவனோடு கூடிய நம்பிக்கையும்தான் நமது சாட்சிய வாழ்வுக்கு தழும்பாக, தடயமாக மாற வழிவகுக்கும்.

நம்பிக்கை உள்ளவனுக்கு தடைகற்களும் படிகற்களே

இறைவன்மீது கொண்டுள்ள நமது நம்பிக்கையே தழும்பாகி தடயமாகட்டும்