விவிலியத்தில் சிறுவர்கள்

விவிலியத்தில் சிறுவர்கள்

தயாரிப்பு: வேதியர் A.  சகாயராஜ்

 1. சிறுவன்  ஈசாக் - தொடக்கநூல் 

22/ 6 அ) தந்தைக்கு கீழ்படியும் மகனாக இருந்தார்.
22/ 9 ஆ) கடவுளுக்கு தன்னையே பலியாக்க சம்மதித்தார்.
22/ 8 இ)  தந்தையின் சொல்லை நம்பினார்.

2. சிறுவன் யோசேப்பு - தொடக்கநூல் 

37/ 2 அ) தீச்செயல்களை வெறுத்தவன்.
37/ 5-9 ஆ) கனவின் வழியாக இறைவெளிப்பாட்டை அறிந்தவன்.
37/ 28 இ)        சகோதர்களால் அடிமையாக விற்கப்பட்டவன்.
39/ 2 ஈ)       யோசேப்புடன் ஆண்டவர் இருந்துசெயல்பட்டார்

3. சிறுவன் சாமுவேல் 1 சாமு

3/ 1 அ) சிறுவயதிலேயே ஊழியத்திற்கு எனஅர்ப்பணமானான்.
ஆ) ஆலயத்தின் பணிகளில் அக்கறை காட்டினவன்.
3/ 2 இ)        ஆலயத்தில் ஆண்டவர் ன்னிதானத்தில்உறங்கிப்   பழகியவன்.
3/ 6 ஈ)  ஆண்டவரின் குரலைக் கேட்டவன்.
3/ 10 உ) ஆண்டவரது குரலுக்கு செவி கொடுத்தான்.
3/ 18 ஊ) இறைவாக்கை அறிவிக்கப் பயப்படவில்லை.
3/ 19 எ) சிறுவன் சாமுவேலுடன் ஆண்டவர் இருந்தார். அவனை        உருவாக்கி வந்தார்.

4. சிறுவன் தாவீது 1 சாமு

13/ 22 அ) கடவுளுக்கு பிரியமானவன்.
16/ 13      ஆ) சாமுவேலால் திருப்பொழிவு பெற்றவன்.
        இ) ஆண்டவரின் ஆவியை நிறைவாகப் பெற்றவன்.
16/ 18 ஈ) யாழ் மீட்டுபவன்/ வீரன்/ பேச்சுத்திறன்/ அழகு உள்ளவன்.
16/ 18 உ) ஆண்டவரின் உடன் இருப்பை உடையவன்.

5. சிறுமி ஒறுத்தி 2 அரசர் 

5 / 3 அ) நாமான் நலம் பெற வழி காட்டியவள்.
ஆ) இஸ்ரவேலில் இறைவாக்கினர் உள்ளனர் என்ற செய்தியை     பரப்பியவள்.

6. 2 மக்கப்பேயர் ஆகமத்தில் வரும் 7 சிறுவர்கள்

7ம் இயல்அ) கடவுள் பெரியவர்.
ஆ) கடவுள் கொடுத்த கட்டளை பெரியது.
இ) கடவுளை மகிமைப்படுத்தும்படி / உயிர்கொடுக்கவும் தயங்க மாட்டோம்.

7. தானியேல் ஆகமத்தில் வரும் (3 சிறுவர்கள்) 

3/ 18 அ) சிலையை வணங்க மாட்டோம்‡கடவுள்பற்று.
ஆ) எங்கள் கடவுள் வல்லவர் ‡ வாழ்கிறவர்.
இ) நெருப்புக்குள் இறை உதவியை பெற்றனர்.

8. அசுத்த ஆவியால் தொல்லைபட்ட சிறுவன்

மத் 17/ 14 - 29.

9. இயேசுவின் போதகத்திற்குத் துணை நின்ற சிறுவர்கள்
மாற் 10/ 13 - 16.

10. சிறுவனான இயேசு. லூக்.

2/ 43 அ) தன் விருப்பத்தை நிறைவேற்றும்படி தானே முடிவு செய்தார்.
ஆ) இளம் வயதிலேயே ஆலயத்தில் இருந்தார்.
2/ 46 இ) ஆண்டவரைப் பற்றிய காரியங்களை அறிவதில் அக்கறை    காட்டினார்.
2/ 47 ஈ)  புத்தி கூர்மையும், சாதூர்யமான பேச்சும் உடையவராக இருந்தார்.
2/ 49 உ) பெற்றோரின் ஆதங்கத்திற்கு ஒரு பதில்வைத்திருந்தார்.
2/ 51 ஊ) பெற்றோருக்கு பணிந்து நடந்தார்.
2/ 52 எ)  கடவுளுக்கும், மனிதருக்கும் பிடித்தமான சிறுவனாக விளங்கினார்.

11. ஐந்து அப்பம், 2 மீன் தந்த சிறுவன் யோ 6/ 1 - 15:

அ) தன்னிடம் இருப்பதைக் கொடுக்க முன் வந்தான்.
         ஆ) சிறுவனின் பகிர்வு மனப்பான்பை பெரியபுதுமைக்கு வழியானது.

12. பவுலின் பேச்சைக் கேட்டபடி தூங்கிய யூத்திகு சிறுவன் தி.பணி.20/ 9:

அ) இறையனுபவ பேச்சைக் கேட்டவன்.
ஆ) விளையாட்டாக சன்னல் விளிம்பில் அமர்ந்தவன்.
இ) தூங்கினான். எனவே கீழே வீழ்ந்தான்.அதனால் இறந்தான்.
ஈ)  பவுலின் செபத்தால் மறுபடி உயிர் பெற்றான்.

13. பவுல் தப்புவதற்கு உதவிய சிறுவன் 

தி.பணி 23/ 14 - 22.

நறுக்கு வார்த்தைகளில் இறைவார்த்தை

நறுக்கு வார்த்தைகளில் இறைவார்த்தை

- ச.இ.அ

 நீ என்னைக் கண்டதால் நம்பினாய், காணாமலே நம்புவோர் பேறுபெற்றோர்  (யோவா 20 : 29).

உடல் பார்வைக்கு தூரம் உண்டு.
உணர்வு பார்வைக்கு உறவு உண்டு.

 நீர் எங்களை ஓட்டுவதாயிருந்தால் அப்பன்றிக் கூட்டத்திற்குள் எங்களை அனுப்பும் (மத் 8 : 28 - 34).

தீமைகள் நாற்றத்தின் கடல்.
தீயவர் இழிவினில் எழில் காண்பர்.

 உங்கள் பகைவரிடம் அன்பு கூறுங்கள்; உங்களை வெறுப்போருக்கு நன்மை செய்யுங்கள் (லூக் 6 : 27)

பகைக் கோடுகள் தருவது சுகக் கேடுகள்

 ஒருவர் முதல்வராக இருக்க விரும்பினால் அவர் அனைவரிலும் கடைசியானவராகவும் அனைவருக்கும் தொண்டராகவும் இருக்கட்டும் (யோவா 13 : 15)

பணிவு  தலைமையின் முதல் எழுத்து

நறுக்கு வார்த்தைகளில் இறைவார்த்தை

நறுக்கு வார்த்தைகளில் இறைவார்த்தை

உன் பெயர் பேதுரு, இந்த பாறையின் மேல் என் திருச்சபையைக் கட்டுவேன் (மத் 16 : 13 - 19)

மணல் துளிகள்
சேர்ந்தது பாறை.
உணர்வுகளின்
ஒன்றித்த உறுதிப்பாடு
நம்பிக்கை.

ஐயா, நீர் என் வீட்டிற்குள் அடியயடுத்து வைக்க நான் தகுதியற்றவன் (மத் 8 : 15 - 17)

மற்றவரை
வலிமை பெற்றவராக
உற்று நோக்குவதே
நம்பிக்கை.

கலப்பையில் கை வைத்தப்பின் திரும்பிப் பார்ப்பவர் எவரும் இறையாட்சிக்கு உட்பட தகுதியுள்ளவர் அல்ல (லூக் 9 : 62).

பின்நோக்கிப்
பார்த்தல்
பலகீனத்தின் பண்பு.

நரிகளுக்குப் பதுங்குக் குழிகளும், வானத்துப் பறவைகளுக்கு கூடுகளும் உண்டு (மத் 8 : 20)

வீடில்லா பாதை
தொண்டர்களின் நாடு.
கரையில்லா உறவு
பணியாளரின் மரபு.

திவெ 5 : 12, விவிலிய விளக்கம்

திவெ 5 : 12, விவிலிய விளக்கம்

திவெ 5 : 12இல் கொல்லப்பட்ட ஆட்டுக்குட்டியைப் போற்றி ஒரு வாக்கியம் வருகிறது. “கொல்லப்பட்ட ஆட்டுக்குட்டி வல்லமையும், செல்வமும், ஞானமும், ஆற்றலும், மாண்பும், பெருமையும், புகழ்ச்சியும் பெற தகுதி பெற்றது” என்பது அந்த வாக்கியம். இதில் ஏழு பண்புகள் கொடுக்கபட்டுள்ளன. இதனின் பின்னனி என்ன என்று புரியாத புதிராயிருக்கும். இந்த ஏழு புகழ்ச்சி வார்த்தைகளும் அக்காலத்தில், உரோமைய அரசர்களை சந்திக்கும் போது சொல்லப்படும் வார்த்தைகள். அரசருக்குரிய பெருமையை தன் தியாகத்தினால் உலகிற்கு வாழ்வு தந்த இயேசுவிற்கு திருவெளிப்பாடு நூல் பொறுத்தி காட்டுகிறது. இந்த வாழ்த்தொளி, அக்காலத்தில் இயேசுவை புகழ்ந்து வழிபாட்டிலும் பயன்படுத்தப்பட்டிருக்கிறது. இதில் பயன்படுத்தப்படும் வார்த்தைகளின் பின்னணியை காணலாம்.

1. வல்லமை :

‘துனாமிஸ்’ என்ற கிரேக்க வார்த்தைத்தான் இங்கு பயன்படுத்தப்பட்டுள்ளது. ‘டைனமோ’ என்ற ஆங்கில வார்த்தையும் இதிலிருந்து பிறந்ததுதான். ‘துனாமிஸ்’ என்ற வார்த்தைக்கு நேரடி பொருள் சக்தி, ‘செய்ய முடியும்’ என்ற திறமை என்பதாகும். இறைவன் வல்லமையுடையவர் என்று பல குறிப்புகளில் காண்கின்றோம் (மத் 22 : 29, உரோ 1 : 16). இயேசுவின் புதுமைகளை குறிக்கவும் இவ்வார்த்தைப் பயன்படுத்தப்பட்டது (மத் 7 : 22, 11 : 20).

2. செல்வம் :

‘புளுதோஸ்’ என்ற கிரேக்க வார்த்தைதான் ‘செல்வம்’ என்று மொழிபெயர்க்கப்பட்டுள்ளது. உலக செல்வங்கள் நிறைந்த நிலையைத்தான் இச்சொல் குறிக்கும் (உ.ம் மத் 13 : 22)

3. ஞானம் :

‘சோபியா’ என்ற கிரேக்க வார்த்தைத்தான் இங்கு பயன்படுத்தப்பட்டுள்ளது. உலகு சார்ந்த ஞானம் (உ.ம் 2 கொரி 1 : 12), கடவுளின் ஞானம் (உ.ம் 1 கொரி 1 : 21) என்ற வேறுபாடு உண்டு. இறைவன் தன் ஞானத்தை, தான் விரும்புபவருக்கு அளிக்கிறார் (மத் 12 : 42

4. ஆற்றல் :

‘இஸ்குஸ்’ என்ற கிரேக்க வார்த்தை  பயன்படுத்தப்பட்டுள்ளது. பிரிவினை சபையினரின் மொழிபெயர்ப்பில் ‘பெலம்’ என்று கொடுக்கப்பட்டுள்ளது. மனிதரின் சொந்த பலம் என்றும் (உ.ம் மாற் 12 : 30, 33), இறைவனின் ஆற்றல் என்றும் (உம் எபே 1 : 19) வேறுபடுத்தி காண்பிக்கப்படுகிறது. திவெ 5 : 12இல் இறைவனின் ஆற்றல் குறப்பிடப்படுகிறது.

5. மாண்பு :

‘திமே’ என்ற கிரேக்க வார்த்தை இங்கு பயன்படுத்தப்பட்டுள்ளது. ஒருவரின் மதிப்பு, பெருமை ஆகியவைகளை இவ்வார்த்தை குறிப்பிடுகிறது. பிரிவினை சபையினர் மொழி பெயர்ப்பில் ‘கனம்’ என்று மொழிபெயர்க்கப்பட்டுள்ளது.

6. பெருமை :

‘தொக்ஸா’ என்ற கிரேக்க வார்த்தைத்தான் ‘பெருமை’ என்று இங்கு மொழி பெயர்க்கப்பட்டுள்ளது. ‘தொக்ஸா’ என்றால் பேரொளியைக் குறிக்கும். புனிதர்களைச் சுற்றி வரையப்படும் கதிரொளியை குறித்துக் காட்டும். பிரிவினை சபையினரின் மொழிபெயர்ப்பில் ‘மகிமை’ என்று குறித்துள்ளார்கள்.

7. புகழ்ச்சி :

‘யுலோகியா’ என்ற கிரேக்க வார்த்தை பயன்படுத்தப்பட்டுள்ளது. ஒருவரின் உயர்வைப் பற்றி பேசுவதையும், இறைவனின் ஆசீரை ஒருவர்மேல் எழுந்துவர வாழ்த்துவதையும் இச்சொல் குறிக்கும்.

எனவே இயேசுவின் தியாகம், வல்லமையுள்ளது, ஆற்றலுள்ளது, பெருமைக்குரியது. அதுவே ஒருவர் தேடவேண்டிய செல்வம், அறிவின் உச்சக்கட்டம்  என்று  இவ்வாழ்த்தொலி தெரிவிக்கிறது. தியாகம் ஏமாந்தவர்களின் செயல் என்றும், அதனால் பயன் வராது என்றும் மனிதர் கருதுகின்றனர். ஆனால் தியாகம் தெய்வீகம் என்பதைத் தான் திவெ 5 : 12 தெளிவுபடுத்துகின்றது. தியாகத்தை ஏற்போர் தெய்வீக ஒளிவீசுவர்.