பணிவு என்னும் இனிய பாதை

பணிவு என்னும் இனிய பாதை

16. நிறைய கேளுங்க... கொஞ்சமா பேசுங்க...

அருள்பணி. மகுழன், 

பூண்டி மாதா தியான மையம்

ஆற்றுப்படுத்துதல் (Counsellin) நம் அன்றாட வாழ்வில் அண்மைக் காலமாக அதிgகரித்து விட்டது என்று சொல்லலாம்.  ஆற்றுப்படுத்துதலில் முக்கியமான படி (Step) என்னவென்றுத் தெரியுமா? அதை சற்று விபரமாகக் காணலாம். குடும்பப்பிரச்சனை உள்ள ஒருவர் (Client) உங்களிடம் வருகிறார் என்று வைத்துக்கொள்வோம். அவர் உங்களிடம் வந்து இவ்வாறு சொல்கிறார், ‘என் கணவர் குடிகாரர். தன் சம்பளம் முழுவதையும் குடித்தே தீர்த்து விடுகிறார். தினமும் வீட்டில் சண்டைதான். நாங்கள் சண்டை போடுவதால் என் இரண்டு பிள்ளைகளும் என் பேச்சை கேட்பதில்லை. பிள்ளைகள் சரியாக படிப்பதில்லை. குடும்பத்தில் நிம்மதி இல்லை. எனவே எனக்கு வாழவே பிடிக்கவில்லை’ என்று  சொல்லி அழுகிறார். உங்களுடைய பதில் எப்படி இருக்க வேண்டும் தெரியுமா? ‘சரிம்மா, உங்கள் பிரச்சனை எனக்குப் புரிகிறது. உங்கள் கணவர் குடிகாரர். அதனால் உங்களுக்கு பணப்பிரச்சினை மனஉளைச்சல். அதுமட்டுமல்ல வீட்டில் சமாதானம் இல்லாததால் உங்கள் பிள்ளைகள் உங்களுக்கு மதிப்பு கொடுப்பதில்லை. படிப்பிலும் கவனம் இல்லை. எந்த அளவிற்கு நீங்கள் மனஉளைச்சளில் இருக்கிறீர்கள் என்றால் தற்கொலை செய்து கொள்ளலாமா என்று கூட நினைக்கிறீர்கள். என்னம்மா நான் சொல்வது சரிதானே?’ இவ்வாறு அவர் சொன்னதையே திரும்பச் சொல்லி நீங்கள் அவரது பிரச்சனையை உற்று கவனித்தீர்கள். அவர்கள் மேல் அன்பு, மிகுந்த இரக்கம் (Empathy) கொண்டுள்ளீர்கள். அவர்கள் பிரச்சனையை மதிக்கிறீர்கள் என்பதை வெளிப்படுத்த வேண்டும். சுருக்கமாக சொல்ல வேண்டுமென்றால் அவர்கள் பிரச்சனையை நன்கு கவனித்து கேட்டு அவர்களின் உணர்வுகளைப் புரிந்து கொண்டீர்கள் என்பதை தெளிவுப்படுத்த வேண்டும்.

ஆற்றுப்படுத்துதலுக்கு மட்டுமல்ல நம் வாழ்விற்கு நம் வாழ்வின் வெற்றிக்கு, நம் வாழ்வின் மகிழ்ச்சிக்கு சிறந்த காரணி பிறருக்கு செவிமடுப்பதாகும். இந்த உலகில் மிகவும் எளிதான காரியம், இயல்பானக் காரியம் எதுத் தெரியுமா? பிறருக்கு அறிவுரைக் கூறுவதுதான். இந்த உலகில் மிகவும் கடினமானக் காரியம் எது தெரியுமா? பிறர் கூறும் அறிவுரைகளுக்கு செவிமடுப்பதுதான். நாம் அறிவுரைக் கூறும் ஒவ்வொரு முறையும், பிறர் நமக்கு அறிவுரை கூறும்போது நமக்கு எவ்வளவு கடினமாக இருக்கிறது என்பதை நினைத்துப்பார்க்க வேண்டும். நாம் பிறருக்கு அறிவுரை  கூறுவதற்கு முன்னால் அவர்களுடைய சூழ்நிலை, அவர்களுடைய இயல்புகள், அவர்களுடைய இயலாமைகள் அனைத்தையும் கருத்தில் கொள்ள வேண்டும்.

ஒரு பங்கில் நான் பங்குத்தந்தையாக இருந்த போது அந்தப்பங்கில் கிறிஸ்மஸ் ஜோடனையை இளைஞர்கள் செய்துக்  கொண்டிருந்தார்கள். அந்த ஊரில் உள்ள பெரியவர்கள் ஜோடனை முடிந்தவுடன் அப்படி செய்யலாம், இப்படி செய்யலாம் என்று ஆலோசனை சொல்வது வழக்கம். அதனால் அந்த ஆண்டு ஜோடனை செய்யும்போது ஒரு காரியத்தை இளைஞர்கள் செய்தார்கள். ஜோடனைக்கு முன்பு ஒரு போர்டு வைத்து அதில், ‘தயவு செய்து கருத்து வேண்டாம்’ என்று எழுதி வைத்தார்கள். அறிவுரைகளை வாரி வழங்குவதற்கு ஒரு முக்கியக் காரணம் இருக்கிறது தெரியுமா? அதாவது பிறருக்கு என்ன தெரியும்? இளைஞர்களுக்கு என்ன  தெரியும்? வயதானவர்களுக்கு என்ன தெரியும்? என்ற ஆணவ எண்ணம்தான். ஒவ்வொருவருக்கும் ஒரு சிறப்பு இருக்கிறது. நம்மிடம் உள்ள சிறப்புகள் மற்றவரிடம் இல்லாமல் இருக்கலாம். ஆனால் மற்றவரிடம் உள்ள சிறப்புகள் நம்மிடம் இல்லை என்பதையும் மனதில் வைப்போம். பொதுவாக வலது என்பதை விட இடது என்று சொல்லும்போது கொஞ்சம் தாழ்வாக நினைக்கிறோம். ஆனால் இடது பக்கத்திற்கும் ஒரு சில சிறப்புகள் இருப்பதைக் கவனித்தீர்களா? ஆம், நாம் போன்னை  எடுப்பது பொதுவாக நம் இடக்கையினால். நாம் போன்னை வைப்பது பொதுவாக நம் இடக்காதில். நம் இதயம் இருப்பது நம் இடதுப்பக்கம்தான். நாம் பயணம் செய்வதும் இடதுபுறம்தான். 

ஒரு         Taxi Driverஐ விட நாம் சிறப்பாக காரை ஓட்டுவது கடினம். ஏனென்றால் அதில் அவர் அதிக பயிற்சிப் பெற்றிருக்கிறார். ஒரு நல்ல விவசாயியைவிட நாம் நன்கு பயிரிடுவது கடினம். ஏனென்றால் அவர் வானிலை, காலமாற்றம், மண்வளம் போன்றவற்றில் நம்மைவிட அதிகம் ஞானமிக்கவர். சாதாரண வேலை செய்யும் துணி துவைப்பவர்கள், தட்டச்சு செய்வோர், கார் மெக்கானிக் இவர்களைவிட நாம் அதிகமாக பணம் வைத்திருக்கலாம். கெளரவமான வேலையில் இருக்கலாம். ஆனால் அவர்கள் வேலையில் அவர்கள்தான் திறமைசாலிகள்.  அவர்கள் பணிகளில் 50% சதவீதத்தை கூட நாம் அறிந்து கொள்வது கடினம். அப்படி இருக்கின்றபோது நாம் அறிவுரைகளை எல்லாருக்கும் வாரி வழங்க நமக்கு என்ன உரிமை இருக்கிறது என்பதை சற்று நினைவில் கொள்ள வேண்டும்.  

நான் பணிபுரிந்த ஒரு பங்கில் மணி என்ற பெயருடைய ஒருவர் இருந்தார். அவர் பெயரே  Idea மணி. ஏனென்றால் அவர் எல்லாருக்கும் Idea க்களை வாரி வழங்குவார். ஒரு முறை எனக்குத் தெரிந்த ஓவியர் (Artist) ஒருவரை அந்தப் பங்கிற்கு வரவழைத்து பீடத்திற்கு மேல் சிலுவையைச் சுற்றி கல்வாரி நிகழ்வை வரையுமாறு கேட்டுக் கொண்டேன். அவர் திறமையான ஓவியர். மாதா, யோவான் மற்றும் கள்வர்கள் அனைத்தையும் சிறப்பாக வரைந்திருந்தார். அதற்கு பின்னணியாக மரங்களையும், பறவைகளையும் வரைந்திருந்தார். அவர் முடித்த பிறகு Idea மணி  வந்தார். என்னிடம் சொன்னார்.  Father  எல்லாம் நன்றாக இருக்கிறது. ஆனால் இதில் ஒரு சிறிய குறை இருக்கிறது. சிலுவையின் இடதுபுறம் மூன்றுப் பறவைகள், வலதுபுறம் இரண்டு பறவைகள் என்று இருந்தால் சிறப்பாக இருக்கும் என்றார். மனிதரை திருத்தவே முடியாது என்று நினைத்துக் கொண்டேன்.

  இன்னொருப் பங்கிலே ஈஸ்டரின் போது ஆலயத்தில் தண்டமாலைகளை இளைஞர்கள் கட்டிக்கொண்டு இருந்தார்கள். நான் அந்தப்பக்கமாக போனேன். அப்போது உயரம் சரியாக இருக்கிறதா என்று பார்க்கச் சொன்னார்கள். வலதுபக்கம் உள்ள மாலையை 2 இன்ச் தூக்குங்கள் என்றேன். தூக்கிக்கட்டி விட்டு இப்போது சரியாக இருக்கிறதா? என்றுக் கேட்டார்கள். இல்லை, இல்லை 2 இன்ச் இறக்குங்கள் என்றேன்.  Father  முன்பே அங்குதானே கட்டி இருந்தோம் என்றார்கள். ‘அதுசரி என்னிடம் ஆலோசனை கேட்டபிறகு நான் எதுவும் சொல்லாமல் இருந்தால் நன்றாக இருக்காது. அதற்காகத்தான் சொன்னேன்’ என்றேன். என் நகைச்சுவை உணர்வை எண்ணி சிரித்தார்கள்.

அறிவுரையும், ஆலோசனையும் கேட்டால் கொடுங்கள் அல்லது கொடுப்பதற்கு முன்பு இது தேவையா என்று பலமுறை யோசியுங்கள். ஆனால் மற்றவர்கள் தரும் ஆலோசனைகளை கூர்ந்து கவனியுங்கள். சாதாரண மனிதர்கள் மூலமாகக் கூட ஆண்டவர் நமக்கு ஆலோசனைகளைத் தருவார்.

                                                                                                                                                 (தொடரும்...) 

   

ஆலோசனை நேரம் வேதியரிடம் கேளுங்கள் - 12

ஆலோசனை நேரம்

வேதியரிடம் கேளுங்கள் - 12

- நல்லை.இ. ஆனந்தன்

1. வெற்றிக்கும், தோல்விக்கும் என்ன வித்தியாசம்?
- திருமதி. கலாவதி, கம்பம்

வெற்றி என்பது நாம் பெற்றுக் கொள்வது. தோல்வி என்பது நாம் கற்றுக் கொள்வது. அதுசரி, நீங்கள் 2016 சட்டமன்ற தேர்தல் முடிவுகளை மனதில் வைத்துத்தானே இந்த கேள்வியைக் கேட்டீர்கள். சிலர் ஆள்வதற்கும், நாம் வாழ்வதற்கும் தேர்தல் அவசியம். அதில் வெற்றியும் தோல்வியும் மிகவும் ரகசியம்.

2. மார்த்தா, நீ பல காரியங்களைக் குறித்துக் கவலைப்படுகிறாய். தேவையானது ஒன்றே என்றார் இயேசு. அந்த ஒன்று எது?
- செல்வி. ராணி மேரி, காரைக்குடி

இறை உறவு (இறைவனுக்குச் செவிமடுத்தல்). மார்த்தா பிறரன்புக்கும், மரியா இறையன்புக்கும் எடுத்துக்காட்டாக விளங்கும் பகுதி இதுதான். பிறரன்பு பணி செய்ய சக்தி தேவை. அந்த சக்தி இறைவேண்டலில்தான் நிறைவாக நமக்குக் கிடைக்கும் என்று சொன்ன புனித அன்னை தெரசாவுக்கு என் மனமார்ந்த நன்றி.

3. அங்கிள், என்னை ஒரு பெண் ரொம்ப இம்ப்ரஸ் செய்கிறாள். நான் அவளைக் காதலிக்கலாமா? வேண்டாமா?
- திரு. பவுல்தாஸ், மதுரை

பன்னிரண்டு வயது வரையிலும் ஒருவர் குழந்தைதான் என்கிறது உளவியல். பதிமூன்று வயதிலே டீன்ஏஜ் ஆரம்பிக்கிறது. இப்போது வருவது காதல் அல்ல. பாலினக் கவர்ச்சி. மணமுடித்தபின் மனைவிமேல் வருவதற்குப் பெயர் காதல் எனலாம். ஐம்பதிலும் சிலருக்கு ஆசை வரும். அது காதலல்ல, காமம். உனது கையயழுத்தைப் பார்க்கும்போது நீ மேனிலைப்பள்ளி படிக்கும் பையனாகத் தெரிகிறது. மருமகனே, வாழ்க்கைப் புத்தகத்திலே காதல் ஒரு சிறு பக்கம்தான். காதலே வாழ்க்கைப் புத்தகம் என நீ வாழ்ந்தாய் என்றால் சில காலம் கடந்தபின் திரும்பிப் பார்த்தால், நீ இழந்தவை ஏராளமானவை என்பதை உணர்வாய். எனவே படிப்பிலே தீவிர கவனம் செலுத்தவும். ஏனெனில் உன் எதிர்கால வாழ்வு உன் கையில்தான் உள்ளது.

4. உனக்கு இருப்பதை விற்று ஏழைகளுக்குக் கொடுத்துவிட்டு என்னைப் பின்செல் என்கிறார் இயேசு. எனக்கு இருப்பதை எவ்வளவு காலம் நான் ஏழைகளுக்குக் கொடுக்க வேண்டும்?
- திரு. பிரான்சிஸ், கொடைரோடு

இறைவன் உங்களுக்கு கொடுக்கும் வரை நீங்கள் அதை பிறருக்குக் கொடுத்தல் வேண்டும். இறைவன் உங்களுக்கு தொடர்ந்து கொடுத்துக் கொண்டேயிருக்கிறார் என்பதை முதலில் உணர்ந்து கொள்ளுங்கள். உங்களிடம் இருப்பதை (பணம் மட்டுமல்ல, நேரம், ஆற்றல், சக்தி, அன்பு, சேவை) ஏழைகளுக்கு (அதாவது இல்லாதவர்களுக்கு) நீங்கள் கொடுத்துக் கொண்டே இருங்கள். நீங்கள் கொடுப்பதால் குறைவுபடமாட்டீர்கள். மாறாக அபரிமிதமாக ஆண்டவரிடமிருந்து ஆசீர்வாதங்களைப் பெற்றுக் கொள்வீர்கள். பதுக்கல் செய்தவர்கள் உலகில் படும்பாடுகளை உற்றுப் பார்த்தாலே உணர்ந்து கொள்ளமுடியும்.

5. உங்கள் வயது என்ன? ஆலோசனை நேரம் நிறுத்தப்பட்டால் பல புதிய தொடர்கள், புதுச் சிந்தனைகள் அன்னையின் அருட்சுடரில் வரலாம். ஏனெனில் இக்காலத்து மக்கள் பிறர் அட்வைஸ் பண்ணுவதை விரும்புவதில்லை. அதனால்தான் நிறைவு செய்யக் கேட்கிறேன்.

- திரு. ஜான் ராபர்ட், திருப்பூர்

தங்களுக்கும், தங்களைப் போல மனதில் இதே கருத்தை வைத்திருக்கும் பலருக்கும் நன்றி தெரிவித்துக் கொள்கிறேன். வாசித்த, நேசித்த, பதில்களை ஆசித்த, அனைவருக்கும், அனைத்திற்கும் நன்றிகூறி நிறைவு செய்கிறேன். நன்றி, வணக்கம். வாழ்க வளமுடன்.

(நிறைவு பெற்றது

ஆலோசனை நேரம்

ஆலோசனை நேரம்

வேதியரிடம் கேளுங்கள் - 14

- நல்லை.இ.ஆனந்தன்

 உண்மையைச் சொல்லுங்கள். நீங்கள் ஓட்டுப்போட பணம் வாங்கினீர்களா? இல்லையா?

-திரு.அண்ணாசெல்வம்,சின்னாளப்பட்டி

அய்யா, கும்பகர்ணன் வீட்டுக்குப் பக்கத்து வீட்டுக்காரரே, ஓட்டுப்போட்டு, ரிசல்ட் வந்து, ஆட்சி அமைத்து மூன்று மாதம் கழித்து இப்போதுதான் கண் முழிச்சீங்களோ? தமிழக வாக்காளர்கள் ஓட்டுப்போட பணம் கேட்குமளவிற்கு இன்னும் தரம் தாழ்ந்து விடவில்லை. வேட்பாளர்கள்தான் ஓட்டுக்குப் பணம் கொடுக்க அலைந்தார்கள். கண்டெய்னர் லாரியை வைத்துக் கொண்டு பிலிம் காட்டினார்கள். சில இடங்களில் பணம் கொடுத்தும் டெபாசிட் காலியானார்கள். செய்தித்தாள்களில் வாக்காளர்களுக்கு பணம் விநியோகிக்கப்பட்டது என்று தான் படித்திருப்பீர்கள் (ஒரு தாழ்மையான வேண்டுகோள். ரகசியமாகக் கேட்கவேண்டியதைப் பகிரங்கமாகக் கேட்காதீர்கள். எல்லாருமே மாட்டிக்கொள்வோம்.)

2. ஒரு சிலர் நான் எது பேசினாலும் தவறாகப் புரிந்துகொள்கிறார்கள். இதனால் வெளியில் ஏதாவது பேசவே பயமாக இருக்கிறது?

- அமலாதேவி, பொள்ளாச்சி

உங்கள் பிரச்சனை இயேசுநாதருக்கே இருந்தது. பலர் அவரது கருத்துக்களைத் தவறாகவே புரிந்து கொண்டார்கள். ஒரு காலம் வரும். அப்போது உண்மையை உணர்ந்துக் கொள்வார்கள். எனவே அதிகம் பயப்பட வேண்டாம். கதை சொல்கிறேன். கவனமாய்க் கேளுங்கள். ஒரு தந்தை சாகும் வேளையில் தனது மகனிடம் சொன்னார். நான் சொல்லும் மூன்று அறிவுரைகளை மட்டும் செயல்படுத்து. வாழ்வில் வெற்றியடைவாய்.

1; பெற்றோர்க்கும், பெரியோர்களுக்கும் சோறு போடாதே. 2. கடன் கொடுத்தவரிடம் சென்று கடனைத் திருப்பிக் கேட்காதே.  3. விவசாய நிலத்தைச் சுற்றி வேலி போடாதே. அப்பாவின் மறைவிற்குப் பின் அவன் தப்பாது அதன்படி நடக்க, ஊராரின் ஏச்சும், பொருளாதாரச் சிக்கலும், விவசாயத்தில் பேரழிவும் நடந்தது. பிறகு முனிவரிடம் சென்று ஆலோசனை கேட்டான். அதற்கு அவர் சொன்னது. பெற்றோருக்கும், பெரியோருக்கும் செரிமான பிரச்சனை இருக்கும். அவர்களாகவே தேவைக்கேற்ப போட்டு சாப்பிடும்படி விட்டுவிட வேண்டுமே தவிர தட்டு நிறைய அள்ளிப் போட்டு நீட்டக்கூடாது. கடன் கொடுக்கும்போது, வாங்கிய கடனை ஒழுங்காகத் திருப்பித் தரும் நல்லவரிடம் மட்டுமே கடன்தரவேண்டும். அயோக்கியனிடம் கொடுத்தால் அலைய வேண்டி வரும். தரமானவர்களுக்கு மட்டுமே கடன் கொடுக்கவும். 3. விவசாயம் செய்யும் போது பக்கத்துத் தோட்டக்காரனிடம் பாசத்தோடு பழகினால் அவன் நமது தோட்டத்தையும் நாம் இல்லாதபோது ஒருகண் பார்த்துக் கொள்வான். வேலி போட அவசியமில்லை. இப்போதுதான் மகளுக்குப்புரிந்தது. அப்பாமேல் தப்பு இல்லை. அவரை தப்பாகப் புரிந்து கொண்டதுதான் தன் தவறு என்பதை உணர்ந்து கொண்டான்.

3. முதுமை ஒரு வரமா அல்லது சாபமா?

- திரு. முத்துச்சாமி, தூத்துக்குடி

வரம். ஏனெனில் பல பேருக்கு அது வாய்ப்பதில்லை. இளமையிலேயே போய் விடுகிறார்கள். சாபமாக மாற்றுவதும், வரமாக ஆக்குவதும் முதியவர்கள் கையில் இருக்கிறது. வயதான காலத்தில் வாழ்க்கையை ஓட்ட வழிவகைகளை திட்டமிட்டுச் செயல்படும் முதியோர்கள் சற்று நிம்மதியுடன் இருக்கிறார்கள். இருப்பது எல்லாவற்றையும் தாரை வார்த்துவிட்டு மற்றவரிடம் அஞ்சுக்கும், பத்துக்கும் கையேந்துகிற ஆசாமிகளும் இருக்கிறார்கள். இன்றைய இளையோர், நாளைய முதியவர்கள். எனவே இளையோரே, உங்கள் எதிர்காலத்தைச் சந்திக்கத் தயாராக இருங்கள். வாழ்க்கை வசப்படும்.

04. விபச்சாரத்தில் பிடிபட்ட பெண் நிகழ்வில் இயேசு குனிந்து தரையில் என்ன எழுதினார்?

- திருமதி. சகாயமேரி, தஞ்சாவூர்.

யோவான் தனது நற்செய்தியில் இயேசு தரையில் குனிந்து எழுதினார் என்று எழுதினாரே தவிர, என்ன  எழுதினார் என்பதுபற்றி குறிப்பு இல்லை. ஒரு யூகம்தான். சொல்கிறேன். பத்துக்கட்டளைகளைத் தரையில் எழுதியிருக்கலாம். கொலை செய்யாதே என்று அந்த மகளுக்கும் எழுதியிருக்கலாம். எப்படியோ... இயேசு அந்த மகளின் தலையயழுத்தை மாற்றி எழுதிவிட்டார். சாவைச் சந்திக்க இருந்த அவள் வாழ்வைப் பெற்றுக்கொண்டாள். மரண தண்டனையை இயேசு மாற்றி எழுதிவிட்டு போனசாக ஓர் அட்வைஸ் செய்தார். இனி பாவம் செய்யாதீர்.

05. தமிழ்ப் பெண்கள் கொலை செய்யப்படுவதையும், தற்கொலை செய்துக் கொள்வதையும் பற்றி என்ன நினைக்கிறீர்கள்?

- செல்வி. அகிலா, கன்னியாகுமரி.

அணுசக்தி ஆக்கத்திற்கும், அழிவுக்கும் பயன்படும் என்பது அறிவியல் உண்மை. அலைப்பேசியும் அதேபோலதான். அதை ஆக்கத்திற்கு மட்டுமே பயன்படுத்தியிருந்தால் இத்தகைய அவலங்கள் நேர்ந்திருக்காது. விஞ்ஞானத்தோடு அதிகமாக விளையாட ஆரம்பித்தால் விளைவுகள் விபரீதமாகும் என்பதை முதலில் பெற்றோர்கள்தான் புரிந்துக்கொள்ள வேண்டும். விலையுயர்ந்த செல்போன் வாங்கித் தரும் போதே.... சில அறிவுரைகளை கண்டிப்புடன் கூற வேண்டியது பெற்றோரின் கடமை. ‘எந்தக் குழந்தையும் நல்லக் குழந்தைதான் மண்ணில் பிறக்கையிலே. அது நல்லவராவதும். தீயவராவதும் பெற்றோர் வளர்ப்பிலே’. எனவே வாழ்க்கையை வாழ்வதெப்படி என்று வளரும் சமுதாயத்திற்குப் புரிய வையுங்கள் பெற்றோர்களே! இதுதான் தற்போதைய அவசர, அவசியத் தேவையாகும்.

06. என் குடும்பம் கைராசிக் குடும்பமாகத் திகழ ஆலோசனைகள் கூறவும்?

- வர்றே, வா.... இதைத்தான் எதிர்பார்த்தேன். ஒரு வீட்டில் மனைவி தெய்வமகளாக இருக்கும் பட்சத்தில் அவள் என் கணவன் என் தோழன் என்று வாழ்வாள். அந்த வீடும் தெய்வம் தந்த வீடு ஆக இருக்கும். சண்டை சச்சரவின்றி மெளன ராகம் இசைத்தால் வீட்டில் மகிழ்ச்சி தாண்டவமாடும். உள்ளம் கொள்ளை போகுதே என்று ஒவ்வொரு நிமிடமும் வாழலாம். தேவையான சமயத்தில் தம்பதியர் மனம் விட்டு நெஞ்சம் பேசுதே என்று உரையாடினால், உறவே .... உயிரே என்று வாழ்வீர்கள். இறைவன் மழலைச் செல்வம் அளித்தால் அவை இனிய இருமலர்கள் ஆகத் திகழும். பிறகு உங்கள் குடும்பம் கைராசிக் குடும்பமாகத் திகழும் (தயவுசெய்து தொலைக்காட்சித் தொடர்களில் படங்களை மட்டும் பார்க்கவும். பாடங்களை கற்றுக் கொள்வதில் கவனமாக இருக்கவும். வாழ்த்துக்கள்!).

ஆலோசனை நேரம், நல்லை. இ. ஆனந்தன்

ஆலோசனை நேரம்

நல்லை. இ. ஆனந்தன்

1. திண்டுக்கல்லுக்குப் புதிய ஆயர் கிடைத்துவிட்டாரே....

- திருமதி. சுகன்யா, உடுமலைப்பேட்டை.

ஆமாங்க்கா, இருபது மாதங்கள் காத்திருப்புக்குப் பின் இறைவன் தந்த கொடைதான் மேதகு. ஆயர். தாமஸ் பால்சாமி. திண்டுக்கல் பகுதி பங்குகளில் பங்குத்தந்தையாகப் பணியாற்றியவரே அதன் ஆயராக உயர்த்தப்பட்டிருப்பது எத்துணை மேலானது. இருபது மாதங்களும் அப்போஸ்தலிக்கப் பரிபாலகராக மறைமாவட்டத்தை வழிநடத்திய அருட்திரு. கே. எஸ். ஆரோக்கியசாமி அடிகளாரும் பாராட்டுக்குரியவரே. கடவுள் தாமதமாகத் தந்தால் தாராளமாகத் தருவார் போலும்.

2. நான் திருமணம் ஆகாத இளம்பெண். மிக மிக அழகானவள். ஆனால் வெளியே செல்லும்போது பிறரின் பார்வைகளும், பேச்சுக்களும், செயல்களும் என்னை மனவருத்தமடையச் செய்கின்றன. நான் என்ன செய்வது?

- செல்வி. சுந்தரிமேரி, மதுரை.

அன்புத் தங்காய்... உன் வயதில் உள்ள அனைத்துப் பெண்களும் சந்திக்கும், சாதாரண பிரச்சனை இது. அழகை ரசிப்பது உலகின் இயல்பு. ஆனால் பெண்களை கேலி செய்வது. அவர்களிடம் வெறி கொண்டவர் போல் செயல்படுவது, பாலியல் வன்முறையில் ஈடுபடுவது ஆகியவை இந்திய கலாச்சாரத்தின் கோடுகளாக, கேடுகளாக விளங்குகின்றன. இதனை தொலைக்காட்சிகளிலும், திரைப்படங்களிலும் வெளிச்சமிட்டு காட்டி அதற்கு தூண்டுதலைப் போல் அமைந்துள்ளன. ஆனால் உங்களை மிக அழகாகப் படைத்த இறைவனுக்கு நன்றி கூறுங்கள். ஆணவம் தலையில் ஏற அனுமதிக்காதீர்கள். ஏனெனில் அழகு என்பது மிகவும் தற்காலிகமானது, ஆபத்தானது. விபத்து, நோய், முதுமை இவைகள் அழகை சிதைத்துவிடக் கூடும். உங்கள் திருமணத்திற்கு பிறகு எல்லாம் சரியாகிவிடும். எனவே கவலைப்பட வேண்டாம்.

3. உலகில் அதிக ஆலயங்கள் உள்ள புனிதர் யார்? 

- திரு. செபாஸ்டின், திருச்சி.

புனிதர் அல்ல, புனிதை. அவர்தான் மரியா. சனவரி முதல் டிசம்பர் வரை அவருக்குத்தான் அதிக விழாக்களை திருச்சபை எடுத்து மகிழ்கிறது. சனவரி முதல் தேதி, மரியா இறைவனின் தாய் ‡ விழா. மே மாதம் அன்னையின் மாதம், ஆகஸ்ட் 15 மரியாவின் விண்ணேற்பு விழா. செப்டம்பர் 8 மரியாவின் பிறப்பு விழா. டிசம்பர் 8 அமல உற்பவி மரியாள் விழா. எனவே ஆண்டு முழுவதுமே அன்னைக்கு விழாக்கள் எடுப்பதில் திருச்சபை பெருமகிழ்ச்சி அடைகிறது. பழங்காலத்தில் மாதாக் கோவில் எங்கே என்றுதான் வழிகேட்டுச் செல்வார்கள்.

4. கானாவூர் திருமணத்தில் எனது நேரம் இன்னும் வரவில்லை என்று இயேசு சொன்னபிற்பாடு மரியா அமைதியாக இருக்க வேண்டியதுதானே? அவர் உங்களுக்குச் சொல்வதை எல்லாம் செய்யுங்கள் என்று பணியாளர்களை அதிகாரம் செய்தது ஏன்?

- திரு. மனோகர், பாளையங்கோட்டை.

ரயில் நிலையத்தில் ரயில் வந்து நிற்கிறது. எல்லாரும் ஏறி அமர்கிறார்கள். ஓர் அம்மா மட்டும் வெளியே நிற்கிறார்கள். பெட்டிக்குள் உள்ள பயணிகள் பதைபதைக்கிறார்கள். அம்மா சீக்கிரம் ஏறி உள்ளே வாருங்கள். வண்டி இரண்டு நிமிடம்தான் நிற்கும். ரயில் கிளம்பிவிட்டால் ஆபத்தாகிவிடும் என்று அனைவருமே எச்சரிக்கிறார்கள். திடீரென்று ஒருவர் வந்து அவரை ஏற்றி உள்ளே அமர வைக்கிறார். அந்த அம்மா, நான் அமர்ந்துவிட்டடேன், நீ போய் வண்டியை எடு என்கிறார். ஏனெனில் அவர்தான் அந்த ரயிலின் டிரைவர். அந்த டிரைவர்தான் அந்த தாயின் ஒரே மகன். எல்லா காலத்திலும் மகனை அதிகாரம் செய்ய அம்மாக்களுக்கு உரிமை உண்டு. தாய்க்குக் கீழ்படிய மகன்களுக்கும் கடமை உண்டு மனோகரண்ணே. ரயில் கதை புரிந்ததா?

5. நான் கல்லூரி இளைஞன். நான் சாமியாராகப் போவதா அல்லது கல்யாணம் முடிப்பதா? எனக்கு எது நல்லது?                  

- திரு. ரெனால்டு, சென்னை.

இல்லறம், துறவறம் (குருத்துவம்) இரண்டுமே அருட்சாதனங்கள். ஆனால் ஏதாவது ஒன்றைத்தான் திருச்சபையில் பெறமுடியும். கற்பு, ஏழ்மை, கீழ்ப்படிதலை துறவறத்தார் வார்த்தைப்பாடு கொடுத்து வாழ்ந்து வருகிறார்கள். இல்லறத்திலும் அதேதான். இன்பத்திலும், துன்பத்திலும், உடல்நலத்திலும், நோயிலும் (ஏழ்மை) நான் உனக்குப் பிரமபணிக்கமாயிருந்து (கற்பு), என் வாழ்நாளெல்லாம் உன்னை நேசிக்கவும், மதிக்கவும் (கீழ்ப்படிதல்) வாக்களிக்கிறேன் என மணமக்கள் வார்த்தைப்பாடு கொடுக்கிறார்கள். இரண்டு வாழ்க்கையிலும் வாக்குறுதிகளைக் கடைப்பிடித்தால்தான் வாழ்வு இனிக்கும், செழிக்கும். யோசித்து, செபித்து முடிவெடுக்கவும். வாழ்த்துக்கள்.

ஆலோசனை நேரம். வேதியரிடம் கேளுங்கள் - 12

ஆலோசனை நேரம்.

வேதியரிடம் கேளுங்கள் - 12

- நல்லை.இ. ஆனந்தன்

இயேசு புதுமைகள் எதுவும் செய்யத் தொடங்காத நிலையில், கானாவூர் திருமணத்தில் மரியா எப்படி இயேசு புதுமை செய்வார் என்று நம்பினார்?

- திருமதி. மலர்செல்வி, தஞ்சாவூர்

ரொம்ப சிம்பிள், கபிரியேல் தூதர் மரியாவுக்கு மங்கள வார்த்தை சொன்னபோதே ‘இயேசு பெரியவராயிருப்பார், கடவுளின் மகன் எனப்படுவார்’ என்று இயேசுவைப் பற்றிய இரகசியங்களைச் சொல்லியிருந்தார். சிமியோன்கூட ’உமது உள்ளத்தை ஒரு வாள் ஊடுருவும்’ என்று எச்சரித்திருந்தார். ஆக, இயேசுவைப் பற்றிய உண்மைகளும் மரியாவுக்குச் சொல்லப்பட்டது. மரியா கேட்டார், கேட்டதை நம்பினார். அதனால்தான் சிலுவையடியில் நின்றபோதும் நம்பிக்கையில் உயர்ந்திருந்தார். அந்த நம்பிக்கைதான் கானாவூரிலும் வெளிப்பட்டது. தண்ணீர் இரசமான மகா அற்புதத்தைப் பெற்றுத்தந்தது. ஏனெனில் இயேசுவின் திரு இருதயமும், மரியாவின் மாசற்ற இதயமும் இரக்கம் என்னும் தீயால் பற்றி எரிந்தது. இப்போது புரிந்ததா மலர்செல்வி அக்கா?

2. நமது நாட்டில் கல்வித்திட்டம் எந்த அளவுக்கு மாற்றம் கண்டுள்ளது?

- திரு. சேவியர், ஆசிரியர், மாணாமதுரை

வாத்தியாரய்யா, உலக அறிவைவிட ஒழுக்க அறிவே மேல் என்பதை இபபோதைய கல்வியாளர்கள் வலியுறுத்துகிற அளவுக்கு கல்வித்திட்டம் மாறியுள்ளது. நன்னெறி வகுப்புகள் இல்லையயன்றால், ஆசிரியர்களைக் கொல்லும் மாணவர்களையும், நேர்மையான அதிகாரிகளைக் கொல்லும் ரவுடிகளையும், கோடிகளில் ஊழல் செய்யும் அரசியலார்களையும் கல்வித்திட்டம் உருவாக்கும்நிலை வரக் கூடும் என்று அஞ்சுகின்றனர். நமது கத்தோலிக்க கல்வி நிறுவனங்கள் நன்னெறிக்கும், மறைக்கல்விக்கும் ஆதிமுதல் முக்கியத்துவம் அளிப்பதால், தங்கள் பிள்ளைகளை நமது பள்ளிகளில் சேர்க்க பெற்றோர்கள் பெரிதும் முயற்சிக்கின்றனர்.

3. தம்பி, எனக்கு வயது 63, ஓய்வு பெற்ற அரசு ஊழியர். இன்னும் சில காலம் நலமுடன் வாழ ஆலோசனை கூறவும்?

- திரு. ராஜ், கொடைரோடு.

அன்புள்ள ராஜ் அப்பா, சில காலம் அல்ல, பல காலம் நீங்கள் நலமுடன் வாழ, எளிமையான ஒரே வழி, நடைப்பயிற்சி (வாக்கிங்) மேற்கொள்வது தான். காற்றோட்டமான இடத்திலே, காலையோ / மாலையோ 5 மணி முதல் 7 மணி வரை தினமும் நடைப்பயிற்சி செய்யவும். வெறுங்காலோடு ஒருபோதும் நடக்காதீர்கள். காலணி அவசியம். வெறும் வயிற்றில் நடக்காதீர்கள். பாலோ அல்லது பழச்சாறோ ஒரு டம்ளர் அருந்திவிட்டு நடக்கவும், சுவாசிக்க சிரமம், உடலின் சில பகுதிகளில் வலி, அதிக வியர்வை, படபடப்பு ஏற்பட்டால் உங்கள் மருத்துவரிடம் உடனே சென்று ஆலோசனை கேட்கவும். பல்லாண்டு வாழ வாழ்த்துக்கள்.

4. என் மகனுக்கு மூன்று வயதாகிறது. எந்த வயதிலிருந்து அவனுக்கு மறைக்கல்வி ஆரம்பிக்கலாம்?

- திருமதி. ஜெயக்கொடி, தஞ்சாவூர்

என்ன? எந்த வயதிலா? ஏற்கனவே மூன்றுவருடம் லேட்டாக்கி விட்டீர்கள் ஜெயக்கொடியம்மா. தாயின் கருவறையிலே கற்றல் ஆரம்பித்துவிடுகிறது என்கிறார்கள் அறிஞர்கள். மரியா எலிசபெத்தைச் சந்தித்தபோது, “உம் வாழ்த்துரை என் காதில் விழுந்ததுமே என் வயிற்றுனுள்ளே குழந்தை பேருவகையால் துள்ளிற்று” என்றார் எலிசபெத்தம்மாள். ஆறு மாதக் கருக்குழந்தை யோவான் துள்ளிக் குதித்தார். மரியா கருத்தரித்த உடனே அவர் பாடிய இறைபுகழ்ச்சிப் பாடல் மிக உயர்ந்தது, உன்னதமானது. எனவே, கருத்தாங்கிய தாயின் பக்தி, செப ஆர்வம், இறைபுகழ்ச்சிப் பாடல்கள் பாடுவது வயிற்றுக் குழந்தைக்கு ஒரு வரப்பிரசாதமாக அமையும் என்பதில் சிறிதளவும் சந்தேகமில்லை. எனவே, இன்றே, இப்போதே, உடனே, வீட்டிலே அவனுக்கு மறைக்கல்வியை ஆரம்பித்துவிடுங்கள்.

5. பசுமையான மலை, நீர் நிரம்பியோடும் ஆறுகள், பாடும் பறவைகள், மாதம் மூன்று மழை, அதிக விளைச்சல் இதுவெல்லாம் இனி உலகில் எப்போது சாத்தியமாகும் அய்யா?

- திருமதி. தமிழரசி, கன்னியாகுமரி.

கதை சொல்ல வைத்துவிட்டீர்களே தமிழரசியம்மா. ஒரு பக்தர் உங்கள் கேள்வியையே கடவுளிடம் கேட்டுவிட்டு உறங்கச் சென்றார். அவர் கனவில் வந்த கடவுள் பக்தர், ஆசைப்பட்ட மாதிரியான பசுமையான உலகத்தைக் காட்டினார். ஆண்டவரே, இதுவா மோட்சம்? என்றார் பக்தர். அதற்கு கடவுள் சொன்னார், “படைப்பின் தொடக்கத்திலேயே பூமியை இப்படித்தான் உருவாக்கினேன். உங்கள் கையில் அதைக் கொடுத்தேன். நீங்கள்தான் இப்படி ஆக்கிவிட்டீர்கள். வறண்ட ஓடைகள், கடும் வறட்சி, அதிக வெப்பம், குடிநீர் பிரச்சனை, வெள்ளப் பெருக்கு, பனிச் சரிவுகள், சுனாமி அதிர்வுகள், உலகத்தில் ஏற்படுத்தியதுதான் உங்கள் சாதனை” என்றாராம் கடவுள்.

6. இந்த ஆண்டாவது நமக்கு நல்ல மழைபெய்யுமா?

- திரு. செல்வமணி, திருச்சி.

நிச்சயமாக, இறை இரக்க ஆண்டைக் கொண்டாடுகிறோம். அவரின் அளவற்ற இரக்கத்தால் நமக்கு நல்ல மழை உறுதியாகக் கிடைக்கும். கடந்த ஆண்டும் அவர் நமக்கு மழைதான் தந்தார். சென்னையில் பெய்த மழைநீரை மட்டும், நாம் சேமித்து வைத்திருந்தால் தமிழ்நாடு முழுவதும் தண்ணீர் சப்ளை செய்திருக்க முடியும் அய்யா. கடவுள் நமக்கு எல்லாவற்றையும் தாராளமாகத்தான் தந்துகொண்டு இருக்கிறார். நாம்தான் அவற்றை வீணாக்கிக் கொண்டிருக்கிறோம். இனியாவது விழித்துக் கொள்வோம். அப்போது பிழைத்துக் கொள்வோம்.

ஆலோசனை நேரம் வேதியரிடம் கேளுங்கள் - 11

ஆலோசனை நேரம்

வேதியரிடம் கேளுங்கள் - 11

- நல்லை.இ. ஆனந்தன்

1. விளங்க முடியாத கவிதை எது?

- திருமதி. அகிலா, சென்னை

உங்கள் கேள்வியிலேயே பதிலும் இருக்கிறவிதைக்குள் எப்படி ஒடுக்கிச் சேமிக்கிறது? மண்ணில் நட்டு உயிர்த்தவுடன் எப்படி பரந்து விரிந்து அகலமாக பரவுகிறது? மரங்களில் மட்டுமல்ல. மனிதரிலும் இதுதானே நடக்கிறது. கண்ணுக்குத் தெரியாத நுண்ணிய உயிரணு எப்படி குழந்தையாகிறது? அது பிறந்த வளர்ந்து, ஆஸ்கார் விருது வாங்குவதும், ஆயிரம் படங்களுக்கு இசையமைப்பதும், இருபதாயிரம் பாடல்களை இனிமையாகப் பாடுவதும் எப்படி சாத்தியமாகிறது என்பதுதான் உலகில் விளங்க முடியாத, ஏன் விளக்கமுடியாத கவிதை.

2. பாதம் கழுவும் சடங்கு ‡ பெரிய வியாழனன்று எதற்காக?

‡ திரு. ஆல்பர்ட், நிலக்கோட்டை

பாலஸ்தீன் நாடு பாலைவன நாடு. மணற்பரப்பு அதிகம். அந்த மணல் நொய் மணல். (கடற்கரையில் உள்ளது போல) காற்றடித்தால் அது பறந்து வந்து உடல் முழுவதும் ஒட்டிக் கொள்ளும் என்பதால் யூதர்கள் தலைமுதல் கால் வரை துணிகளால் மூடியிருப்பார்கள். நடந்து வரும்போது காலில் ஒட்டியிருக்கும் மணல்துகள்களோடு வீட்டிற்குள் நுழைவது சரியல்ல என்பதால் பாதங்களைக் கழுவிவிட்டு உள்ளே நுழைவார்கள். பணியாளர்களோ அல்லது வீட்டினரோ இச்சடங்கை வீட்டிற்கு வருவோர்க்கு நிகழ்த்துவதுண்டு. நமது தமிழ்நாட்டிலும் வயலில் வேலை செய்த விட்டு வருவோர் மற்றும் விவசாயப் பெருங்குடிமக்கள் வாசலில் உள்ள தொட்டியில் நீர் மொண்டு கால்களைக் கழுவிய பின்னரே வீட்டிற்குள் நுழைவார்கள். தலைகுனிபவர்களால் மட்டுமே பாதங்களைக் கழுவ முடியும். தலைக்கனம் பிடித்தவர்களால் அதைச் செய்ய இயலாது. தாழ்ச்சியுடன் பிறருக்கு பணிபுரிய நாம்  அழைக்கப்பட்டிருக்கிறோம் என்பதை பாதம் கழுவும் சடங்கு கற்பிக்கிறது. மேலும், விண்ணக வீட்டிற்குள் நுழைவதற்கும், இறைவன் தரும் விருந்தை  உண்பதற்கும் நாம் தூய்மையாக இருக்க வேண்டும் என்பதையும் உணர்த்தும் நிகழ்வே அது.

3. மே மாதத்தில் என்ன செய்வது?

- செல்வி. உதயா, திருச்சி

ஏராளமாய் செய்யலாமே. உறவினர்கள் இல்லங்களுக்கு சென்று வரலாமே. விடுமுறை விவிலியப் பள்ளிக்கு செல்லலாமே. பாடல், இசை, கணிணி கற்றுக் கொள்ளலாமே. சுற்றுலா சென்று வரலாமே. பொருட்காட்சிகளுக்குப் போய் வரலாமே. நூலகம் சென்று வாசிக்கலாமே. உடற்பயிற்சி, நடைப்பயிற்சி செய்யலாமே. வீட்டுத் தோட்டம் மற்றும் பூந்தொட்டிகள் அமைக்கலாமே. பயனுள்ள நிகழ்ச்சிகளை டிவியில் பார்க்கலாமே. இப்படி பல மேக்களை மே மாதத்தில் செய்யலாமே. அதோடு மே மாதம் மேரியின் மாதம். அன்னைக்கு அர்ப்பணிக்கப்பட்ட மாதம். அன்னையின் திருத்தலத்திற்குச் சென்று செபித்துவிட்டு வாருங்கள். அப்புறம் வீட்டில் நடக்கும் நன்மைகளைப் பாருங்கள்!

4. குருத்து ஞாயிறு வருத்த ஞாயிறு அல்லவே? பிறகு ஏன் நற்செய்தியில் அன்று இயேசுவின் பாடுகள் அனைத்தையும் வாசிக்கிறோம்?

‡ திரு. சேவியர், கோவில்பட்டி

குருத்து ஞாயிறு, திருப்பாடுகளின் ஞாயிறு என்றும் அழைக்கப்படுகிறது. இயேசு எருசலேம் சென்றது பாடுகளை ஏற்க. எனவேதான் இயேசுவின் பாடுகள், அன்றும் வாசிக்கப்படுகிறது. மனிதரில் எத்தனை நிறங்கள். எத்தனை ஆளுமைகள் என்பதை படம் பிடித்துக் காட்ட இயேசுவின் பாடுகள் அனைத்தையும் புனித வார துவக்க நாளிலே நாம் வாசிக்கின்றோம். ஓசான்னா பாடியவர்கள், ஒழிக கோ­ம் போட்டவர்கள், பண ஆசையால் காட்டிக் கொடுத்தவர், உயிர் பயத்தால் மறுதலித்தவர், பதவிக்காக கடமை தவறியவர், சக மனிதரின் துன்பம் கண்டு தோள் கொடுத்தவர், வார்த்தைகளால் காயப்படுத்தியவர்கள், அழுகையால் ஆறுதல் தந்தவர்கள், வேதனையின் உச்சத்தில் இருப்போரைக் கண்டு வேடிக்கை பார்த்தவர்கள், இறந்த பின்னும் ஈட்டியால் குத்தியவர்கள், ... இப்படி அதில் வருகிற அனைவருமே அன்று மட்டுமல்ல இன்றும் நம்மில் இருக்கிறார்கள். இயேசுவின் பாடுகளை அன்று வாசிப்பது வருந்த வேண்டும் என்பதற்காக அல்ல! திருந்த வேண்டும் என்பதற்காகவே.

5. வழக்கம்போல ஒரு கதை சொல்லவும் :

- திருமதி. நான்சி, கன்னியாகுமரி

சரிதான். சொல்லிட்டாப் போச்சு. கதை முக்கியமல்ல, அதன் கருத்துதான் முக்கியம். சரியா?

கிறிஸ்துவ ஆலயத்தில் குரு திருப்பலி நிறைவேற்றுகிறார். நூற்றுக்கணக்கில் விசுவாசிகள் பூசை காண்கிறார்கள். திடீரென தீவிரவாதிகள் துப்பாக்கிகளோடு உள்ளே நுழைகிறார்கள். இறைவழிபாடு செய்ய தடை போடுகின்றனர். எல்லோருக்கும் அதிர்ச்சி. கடவுளைத் தொடர்ந்து வழிபடுவோம் என்பவர்கள் எழுந்து வெளியே செல்லுங்கள். ஆனால் அவர்களை நாங்கள் கொன்றுவிடுவோம் என்று எச்சரிக்கின்றனர். குரு முதலில் ஆலயத்தைவிட்டு வெளியே செல்ல அவரைத் தொடர்ந்து வெகுசிலர் ஆலயம் விட்டு வெளியேறுகின்றனர். சற்று தூரம் சென்றதும் துப்பாக்கி சத்தம் கேட்கின்றது. பின் நீண்ட அமைதி. ஆலயத்தில் உள்ளவர்கள் மைதானத்திற்கு ஓடி வர குருவும் அந்த வெகு சிலரும் உயிருடன் அமர்ந்திருந்தார்கள். தீவிரவாதிகளின் தலைவன் அப்போது சொன்னான், இறப்பினும் இறைவழிபாடு தொடர்வோம் என்ற இவர்களே ஆலயத்தில் செபிக்க அருகதை  உள்ளவர்கள். ஆனால் உயிருக்குப் பயந்து கடவுளைத் துறந்த நீங்கள் அனைவருமே ஆலயத்தினுள் சென்று செபிக்கத் தகுதியற்றவர்கள். எனவே அவர்கள் மட்டுமே  ஆலயத்திற்குள் மீண்டும் செல்லலாம் என்றனராம்.

6. எங்களுக்குப் பிறக்கப்போகும் குழந்தைக்கு க வரிசையில் பெயர் வைத்தால் அமோகமாக வாழ்வோம் என்று ஜோதிடர் கூறினார். ஏதாவது பெயர் சொல்லுங்கள்?

- திரு. ரெத்தினசாமி, திண்டுக்கல்

அட்ரா சக்கை. பிறப்பது ஆண்குழந்தை எனில் காக்கா என்றும், பெண் குழந்தை  எனில் கீக்கீ என்றும் பெயர் வையுங்கள். உங்கள் ஆலோசகர் பெரிதும் மகிழ்வார். அல்லது புனிதர்கள் பெயரை உங்கள் பிள்ளைக்குச் சூட்டுங்கள். கடவுள் மகிழ்வார். வேதியரிடமும், சோதிடரிடமும் தயவுசெய்து ஒரே நேரத்தில் ஆலோசனை கேட்க வேண்டாம்.

$$$$$$

வேதியரிடம் கேளுங்கள் - 10, நல்லை.இ.ஆனந்தன்

ஆலோசனை நேரம்

வேதியரிடம் கேளுங்கள் - 10

நல்லை.இ.ஆனந்தன்

திரு. அலெக்சாண்டர், குளத்தூர் :

1. வீட்டில் அம்மாவுக்கும், மனைவிக்கும் எப்போதும் சண்டை. எப்படி தீர்ப்பது?

உங்களைக் கருவில் சுமந்தவர் உங்கள் அம்மா. உங்கள் கருவைத் தன் வயிற்றில் சுமந்தவர் உங்கள் வீட்டுக்கார அம்மா (அதாவது மனைவி). எனவே, இருவருமே முக்கியமானவர்கள். அவர்களிடையே எழும் முக்கிய பிரச்சனைகளுக்கு அடிப்படைக் காரணம் நீங்களாக இருக்கும் பட்சத்தில் தயவுசெய்து உங்களை முதலில் மாற்றிக் கொள்ளுங்கள். அம்மாவுக்குரியதை அம்மாவுக்கும், மனைவிக்குரியதை மனைவிக்கும் கொடுங்கள். பிரச்சனைகள் தானாகத் தீர்ந்துவிடும்.

திருமதி. அமலாதேவி, கொடைரோடு :

2. வரும் தேர்தலில் எந்த கட்சிக்கு ஓட்டுப் போடுவது நல்லது என நினைக்கிறீர்கள்?

உங்கள் கேள்வியில் சிறிய பிழை உண்டு. இந்த முறை தேர்தலில் எந்த கட்சியும் தனித்து நிற்காது. ஆகவே, கேள்வியினை எந்த கூட்டணிக்கு ஓட்டுப் போடுவது நல்லது என்று கேட்டிருந்தால், நானும் பதில் சொல்ல முயற்சி செய்திருக்கலாம்.

திருமதி. ராணிச்சந்திரா, உடுமலைப்பேட்டை :

3. அன்னை மரியா மாதாவா? தாயா?

மா என்றால் பெரிய என்பது பொருள். தா என்றால் தருபவர். பெரிய காரியங்களை இயேசுவிடமிருந்து பெற்றுத் தருவதால் அவர் மாதாதான். தா என்றால் கொடு என கேட்பது. ஈ என்றால் ஈதல் ‡ கொடுப்பது. எனவே கேட்டவுடனே தருவதால் அவள் தாய். எனவே அன்னை மரியா மாதாதான். தாய்தான்.

செல்வி. இதயா, திருப்பூர் :

4. எனக்கு எதிரிகள் பெருகிக் கொண்டே வருகிறார்கள். என்ன செய்வது?

எதிரிகள் என்று யாருமே பிறப்பதில்லை. நாம்தான் எதிரிகளைப் பிறப்பிக்கின்றோம். நமக்குப் பிடித்ததைச் சொன்னால், செய்தார்கள் எனில் நண்பர்கள் என்கிறோம். அவ்வாறு செய்யாவிடில் எதிரிகள் என நாம்தான் முத்திரை குத்துகிறோம். எல்லோரும் நல்லவரே என்பதை மனதில் வைத்துக் கொள்ளவும். தன்னைக் காட்டிக் கொடுக்கத் துடித்தவனையும் நண்பா என்று அழைத்தவர் இயேசு. கிறிஸ்து இயேசுவின் மனநிலையே உங்களிலும் இருப்பதாக.

திரு. இராபர்ட், மணப்பாறை :

5. மாதா தொலைக்காட்சி பார்ப்பதுண்டா?

உண்டு. நல்ல முயற்சி. அருமையான நிகழ்ச்சிகள். பொதுநிலையினருக்கு இன்னும் தாராளமாக இடமளித்தால் அபார வளர்ச்சி நிச்சயம்.

திருமதி. மார்க்கிரேட், விழுப்புரம் :

6. மனிதருக்கு வியாதிகள் வரக் காரணம் என்ன? சுலபமாக சுகம்பெற ஏதாவது வழி உண்டா?

மனிதருக்கு 4449 வியாதிகள் வருவதாக இதுவரையிலும் கணக்கிட்டுள்ளார்கள். காரணங்கள் பல. அவற்றுள் சில: 1. சுகாதாரக் குறைவு, 2. சுற்றுப்புறச் சூழல் சீர்கேடு, 3. நம்மில் இருக்கும் எதிர்மறை எண்ணங்கள். 4. பிறரை மன்னிக்காத தன்மை, 5. குற்றப்பழி உணர்வுகள், 6. புறக்கணிப்புகள், 7. அடங்காத கோபம், மனக்கசப்பு, 8. சில தீய பழக்க வழக்கங்களை மாற்றிக்கொள்ளாதது, 9. வயது முதிர்ச்சி, 10. உணவுக் கட்டுப்பாடு இல்லாதது. சுலபமாக சுகம்பெற ஒரே வழி... மனதில் உள்ள பேய்களை விரட்டியடியுங்கள். நோய்கள் தானாக ஓடிவிடும். மருந்தில்லாத மருத்துவம் இது ஒன்றுதான்.

திரு.பாக்கியராஜ், வேலூர் :

7. இசையில் யார் பெரியவர்? இசைப்பவரா? அல்லது ரசிப்பவரா?

மனிதருக்கு இரு கண்கள் போல இசைக்கு இருவருமே மிக மிக முக்கியமானவர்கள். இசைப்பவரால் இசைக்கவும் முடியும், ரசிக்கவும் முடியும். ஆனால் ரசிப்பவரால் சில நேரங்களில் இசைக்க இயலாத நிலையில் இருக்கக்கூடும். அதுசரி, நீங்கள் (ஆலயத்தில்) இசைப்பவரா? ரசிப்பவரா?

இதயம் கனிந்த ஈஸ்டர் நல்வாழ்த்துக்கள்!

ஆலோசனை நேரம் வேதியரிடம் கேளுங்கள் - 9 நல்லை . இ . ஆனந்தன்

ஆலோசனை நேரம்

வேதியரிடம் கேளுங்கள் - 9

நல்லை . இ . ஆனந்தன்

1. தற்போதுள்ள அரசியலைப் பற்றி விமர்சிக்கவும் :

திருமதி. பவுலின் மேரி, திருச்சி

அதுசரி! அரசியல்பற்றி தற்சமயம் விமர்சிப்பது நல்லதல்ல என்பதை பட்டிமன்ற பேச்சாளர்களும், நகைச்சுவை நடிகர்களும் உணர்த்தும் நேரம் இது. சின்னக் கதை சொல்கிறேன். கேளுங்கள். மரத்தில் இருந்த ஆயிரக்கணக்கான தேனீக்கள் வருத்தத்தில் இருந்தன. சிட்டுக்குருவி ஒன்று காரணம் கேட்டது. ஒரு மனிதன் வந்தான். மரத்தில் ஏறி எங்கள் அனைவரின் உழைப்பையும், உணவையும், சேமிப்பையும் சுரண்டிக் கொண்டு ஓடிவிட்டான். அவனால் எங்கள் தேனை மட்டும்தான் திருடமுடியும். ஆனால் மலர்களில் இருந்து தேன் சேகரிக்கும் எங்கள் திறமையை ஒருபோதும் திருடவே முடியாது. மறுபடி கடினமாக உழைத்து, கூடு அமைத்து, தேன் சேர்க்க எங்களால் நிச்சயம் முடியும் என்றன தேனீக்கள். ஆகவே ... என் உயிரினும் மேலான அன்பான வாக்காளர் பெருமக்களே ...........

ஜாக்கிரதை, ஓட்டுக்களை விற்க வேண்டாம். அரசியல்வாதிகளுக்கு அடிமையாக வேண்டாம்.

2. உயிர்ப்பு என்றால் என்ன?

செல்வி. நான்சி, காரைக்குடி 

விதை புதைக்கப்படுகிறது. தளிர்விட்டு எழுகிறது. சூம்பிய விதைகளை மண் தின்றுவிடுகிறது. வீரிய விதைகள் மண்ணைத் தின்று கொண்டே வீறு கொண்டு எழுந்து செடியாக, மரமாக மாறுகிறது. செடியும், மரமும் அழிவை உணர்த்துகின்றன. தன் உயிர்சக்தியை வாழும் நாட்களில் விதைக்குள் சேமிக்கின்றன. கடின ஓட்டினால் கவனமாக வைத்திருக்கின்றன. உங்கள் ஆன்மாவும் அவ்வாறே. வீரியமுள்ள விதையாக இருப்பின் மண்ணைப் பிளந்து முளைப்பீர்கள். அதாவது உயிர்ப்பீர்கள். (காண் 1 கொரி 15 : 35 ‡ 38).

3. சென்னை இன்னொரு பெருமழையைத் தாங்கமா?

திரு. ஆல்பர்ட், குரோம்பேட்.

நிச்சயம் தாங்கும். ஏனெனில் மழை தோற்றுப் போய் மனிதம் இந்த ஆண்டு வெற்றி பெற்றதை நீங்கள் அறிவீர்கள். இனி மக்கள் முன்னெச்சரிக்கையாக இருப்பார்கள். புதுவருட காலண்டர்களை வீடுகளுக்கு வினியோகிக்கச் சென்றேன். ஒரு வீட்டில் சோகம், காரணம், பிழைப்பதற்காக சென்னைக்குச் சென்ற வீட்டுத் தலைவன் நாற்பது நாட்களாக வீடு திரும்பவில்லை. அவரைப் பற்றிய தகவல் ஏதும் இல்லை. மழை, சென்னையில் வாழ்ந்த மக்களை மட்டுமல்ல, வாழ வந்த உயிர்களையும் அழித்தது. என் கணவர் வருவாரா? என்ற அந்த வீட்டுத் தலைவியின் வினாவிற்கு பதில் கூற முடியாமல் பேச்சற்று நின்றேன்.

4. நவநாகரீக காலத்தில் பாஸ்கா நாடகங்கள் தேவையா?

திரு. மனோகர், திண்டுக்கல்.

ஆண்டவரே... தேவரீர் வருமளவும் உமது மரணத்தை அறிக்கையிடுகிறோம். உமது உயிர்ப்பையும் எடுத்துரைக்கின்றோம் என்று நாம் வார்த்தைகளில் சொல்கிறோம். அவர்கள் செயலில் செய்கிறார்கள். எனவே மனதாரப் பாராட்டுவோம்.

5. நான் கடவுளை நம்புவதால் எனக்கு என்ன லாபம்? நம்பாவிட்டால் என்ன நட்டம்?

திரு. செல்வநாதன், வேடசந்தூர்.

ஆத்திகம்பற்றி அமெரிக்காவில் நடந்த சமீபத்திய ஆய்வை நெட்டில் பார்க்கவும். கடவுளை நம்புகிறவர்களின் வாழ்நாள் ஐந்து முதல் பத்து ஆண்டுகள் அதிகமாய் உள்ளன. கடவுளை நம்புவதால் கவலைகள் பாதிப்பதில்லை. கவலை, பயம் இல்லாததால் கொடிய நோய்கள் தாக்குவதில்லை. அவர்கள் முகத்தில் தெளிவும், அழகும் மிளிரும். ஆனால் இறைநம்பிக்கை இல்லாதோர் அச்சத்திலே இருப்பர். ஆயுளும் குறைவு. கவலை நோயை உருவாக்குகிறது. நோய் பயத்தை மிகுதியாக்குகிறது. முகமும் தன் பொலிவை இழக்கிறது. இருள் சூழ்ந்திருப்பதை அவர்களைப் பார்த்தவுடன் புரிந்துகொள்ளலாம்.

6. மகா கோபக்காரியான நான் மனம்மாற வழிகாட்டவும்?

திருமதி. தமிழரசி, நத்தம்

கோபத்தில் செய்கின்ற காரியங்கள் எல்லாம் ஆபத்தில் முடியும். கோபத்தைக் கட்டுப்படுத்தபழகிக் கொள்ளுங்கள். உங்களால் முடியும்.

7. தீமையும், பாவமும், சாத்தானும், சோதனையும் நிறைந்த இந்த உலகத்தில் நான் எப்படி நல்லவராக வாழ முடியும்?

திரு. மலர்மன்னன், பாண்டிச்சேரி.

சேறும், சகதியும் நிறைந்த குளத்தில்தான் தாமரைப்பூ நிற்கிறது. ஆனால் எதுவுமே தன்னை ஒட்டாமல் தூய்மையின் உருவாகக் கிடக்கிறது. தாமரைப்பூ சூரிய ஒளி கண்டு விரிகிறது. இருள் வருவதைக் கண்டு குவிகின்றது. ஒளியாம் இறைவனைக் கண்டு விரிந்துக் கொள்ளவும் (ஜெபம்). இருள் வரும்போது குவிந்துக் கொள்ளவும் (தவம்) தெரிந்தால் போதும், பாவம் நிறைந்த இவ்வுலகில் நாம் பரிசுத்தமாகவும் வாழ முடியும். தவக்காலம் உணர்த்திய செய்தியும் இதுதான். ஈஸ்டர் நல்வாழ்த்துக்கள்.

ஆலோசனை நேரம், வேதியரிடம் கேளுங்கள் - 8 - நல்லை.இ. ஆனந்தன்

ஆலோசனை நேரம்

வேதியரிடம் கேளுங்கள் - 8

- நல்லை.இ. ஆனந்தன்

அடைக்கல மேரி - திருப்பத்தூர்

1. ஆலோசனை நேரத்தில் நீண்ட பதில்கள் தேவையில்லை. சுருங்கச் சொல்லி விளக்கினால் நல்லது. செய்வீர்களா?

கண்டிப்பாகச் செய்வேன். நன்றி.

குழந்தைராஜ் - காரைக்குடி

2. மின் மயானம் வந்தபின் மனிதன் இறப்பிற்குப் பின் சாம்பல் என்று ஆகிவிட்டதே?

மனிதன் முதன்முதலில் கண்திறந்தால் அது பிறப்பு. நிரந்தரமாக கண்களை மூடினால் அது இறப்பு. சாம்பல் ஆகிப் போவதல்ல. மனித வாழ்வு. சேம்பிள் (றீபுனிPஸிசி) ஆவதே மனிதருக்குப் பெருமை. இயேசு முதல் அன்னை தெரசா, அப்துல் கலாம் வரை இறப்புக்குப் பின் அவர்கள் சாம்பலாகி விடவில்லை. சேம்பிள் (முன் உதாரணமாகிப் போனார்கள், நீங்களும் ‘உங்கள் பின்னோருக்கு சேம்பிள் ஆகலாம்’. முயற்சி செய்யுங்கள். வாழ்த்துக்கள்.

 சலோமி - மதுரை

3. பலர் என் முதுகுக்குப் பின்னே கேவலமாகப் பேசுகிறார்கள். அது எனக்குத் தெரிய வரும்போது அப்செட் ஆகிறேன். என்ன செய்வது?

முதுகுக்குப் பின் பேசுபவர்கள் கோழைகள். முகம் பார்த்து பேசுபவரே வீரர்கள். கோழைகள் புறணி பேசும்போது அவர்களுக்கு ‘முன்னே’ நீஙகள் இருக்கிறீர்கள். பர்ஸ்ட் நீங்கள் நெக்ஸ்ட் அவர்கள். எனவே அவர்களைப் பொருட்படுத்தாதீர்கள். திருத்தந்தை பிரான்சிஸ் அவர்களின் புத்தாண்டுச் செய்தி ‘வாட்ஸ் அப்’ பில் வந்ததைப் பார்க்கவும். அதில் முதல் செய்தி (ம்நுஹி’ வீ றூபுறீறீணூP). புறணி பேச வேண்டாம் என்பதே. திருத்தந்தைக்கு கீழ்ப்படியவும்.

வடினிலா மேரி - நத்தம்

4. பத்தாம் வகுப்பு படிக்கிறேன். எனது டீச்சர் என்னை ஓவராகத் திட்டுகிறார். சில நேரங்களில் கோபம், பல நேரங்களில் எரிச்சலாக இருக்கிறது?

தங்கச்சி, உன் டீச்சர் உன்னைத் திட்டவில்லை, தட்டி  எழுப்பிக் கொண்டு இருக்கிறார்கள். உனது மேற்படிப்பை, எதிர்காலத்தை நிர்ணயிக்கப் போவது பத்தாம் வகுப்பு அரசுத் தேர்வு. உன் வளமான எதிர்காலத்திற்காகத் தான் இவ்வாறு செய்கிறார்கள். இப்போது உனக்குப் புரியாது. பின்னரே விளங்கும். மார்ச்சில் தேர்வு. கவனமாகப் படிக்கவும். இலக்கு வைத்து முன்னேறவும். வாழ்த்துக்கள்!

பாஸ்கரன் - சென்னை

5. தவக்காலம் தேவைதானா?

கண்டிப்பாகத் தேவை. தவக்காலம் பெரிய வெள்ளியுடன் முடிவதில்லை. உயிர்ப்பு ஞாயிறில் நிறைவடைகிறது. இயேசுவின் பாடுகளை நினைக்கும் போது மனம் துன்புறும். ஆனால் உயிர்ப்பை நினைக்கும் போது மனம் தெம்படையும். எல்லா துன்பங்களுக்கும் முடிவு உண்டு என்பதை வலியுறுத்தும் தவக்காலம் நமக்குத் தேவைதான்.

விண்ணரசி - தூத்துக்குடி

6. புகழ், போதை தரக்கூடிய ஒன்றா?

நிச்சயமாக, குட்டி ஒட்டகம் தன் தாயிடம் நடத்திய உரையாடல்.

அம்மா, நமக்கு ஏன் நீண்ட கால்கள்?

தாய் சொன்னது, பாலைவனத்தில் மணலில் நடப்பதற்கு கடவுள் கொடுத்தார்.

தடித்த நாக்குகள் நமக்கு ஏன் அம்மா?

பாலைவனத்தில் முட்செடிகளைத் தின்பதற்காகக் கடவுள் கொடுத்தார். 

முதுகு ஏன் நமக்கு வீங்கியுள்ளது அம்மா?

பாலைவனத்தில் தண்ணீர் கிடைக்காது. எனவே கடவுள் நமக்குக் கொடுத்த ஓவர் டேங்க அது.. அப்போது குட்டி ஒட்டகம் கேட்டது. அப்போ, நாம் பாலைவனத்தில் இல்லாமல், இந்த சர்க்கசில் ஏன் வித்தை காட்டிக் கொண்டிருக்கிறோம்?

அதற்கு தாய் ஒட்டகம் சொன்னது : ஒவ்வொரு காட்சியிலும் மக்கள் நமக்கு கைத்தட்டுகிறார்கள்.

வேதியரிடம் கேளுங்கள்

வேதியரிடம் கேளுங்கள் -  8

- நல்லை.இ. ஆனந்தன்

குழந்தைராஜ் - காரைக்குடி

 மின் மயானம் வந்தபின் மனிதன் இறப்பிற்குப் பின் சாம்பல் என்று ஆகிவிட்டதே?

மனிதன் முதன்முதலில் கண்திறந்தால் அது பிறப்பு. நிரந்தரமாக கண்களை மூடினால் அது இறப்பு. சாம்பல் ஆகிப் போவதல்ல. மனித வாழ்வு. சேம்பிள்  (SAMPLE)  ஆவதே மனிதருக்குப் பெருமை. இயேசு முதல் அன்னை தெரசா, அப்துல் கலாம் வரை இறப்புக்குப் பின் அவர்கள் சாம்பலாகி விடவில்லை. சேம்பிள் (முன் உதாரணமாகிப் போனார்கள், நீங்களும் ‘உங்கள் பின்னோருக்கு சேம்பிள் ஆகலாம்’. முயற்சி செய்யுங்கள். வாழ்த்துக்கள்.

 சலோமி - மதுரை

 பலர் என் முதுகுக்குப் பின்னே கேவலமாகப் பேசுகிறார்கள். அது எனக்குத் தெரிய வரும்போது அப்செட் ஆகிறேன். என்ன செய்வது?

முதுகுக்குப் பின் பேசுபவர்கள் கோழைகள். முகம் பார்த்து பேசுபவரே வீரர்கள். கோழைகள் புறணி பேசும்போது அவர்களுக்கு ‘முன்னே’ நீஙகள் இருக்கிறீர்கள். பர்ஸ்ட் நீங்கள் நெக்ஸ்ட் அவர்கள். எனவே அவர்களைப் பொருட்படுத்தாதீர்கள். திருத்தந்தை பிரான்சிஸ் அவர்களின் புத்தாண்டுச் செய்தி ‘வாட்ஸ் அப்’ பில் வந்ததைப் பார்க்கவும். அதில் முதல் செய்தி (DON’ T GASSIP). புறணி பேச வேண்டாம் என்பதே. திருத்தந்தைக்கு கீழ்ப்படியவும்.

வடினிலா மேரி - நத்தம்

 பத்தாம் வகுப்பு படிக்கிறேன். எனது டீச்சர் என்னை ஓவராகத் திட்டுகிறார். சில நேரங்களில் கோபம், பல நேரங்களில் எரிச்சலாக இருக்கிறது?

தங்கச்சி, உன் டீச்சர் உன்னைத் திட்டவில்லை, தட்டி எஎழுப்பிக் கொண்டு இருக்கிறார்கள். உனது மேற்படிப்பை, எதிர்காலத்தை நிர்ணயிக்கப் போவது பத்தாம் வகுப்பு அரசுத் தேர்வு. உன் வளமான எதிர்காலத்திற்காகத் தான் இவ்வாறு செய்கிறார்கள். இப்போது உனக்குப் புரியாது. பின்னரே விளங்கும். மார்ச்சில் தேர்வு. கவனமாகப் படிக்கவும். இலக்கு வைத்து முன்னேறவும். வாழ்த்துக்கள்!

பாஸ்கரன் - சென்னை

 தவக்காலம் தேவைதானா?

கண்டிப்பாகத் தேவை. தவக்காலம் பெரிய வெள்ளியுடன் முடிவதில்லை. உயிர்ப்பு ஞாயிறில் நிறைவடைகிறது. இயேசுவின் பாடுகளை நினைக்கும் போது மனம் துன்புறும். ஆனால் உயிர்ப்பை நினைக்கும் போது மனம் தெம்படையும். எல்லா துன்பங்களுக்கும் முடிவு உண்டு என்பதை வலியுறுத்தும் தவக்காலம் நமக்குத் தேவைதான்.

விண்ணரசி - தூத்துக்குடி

 புகழ், போதை தரக்கூடிய ஒன்றா?

நிச்சயமாக, குட்டி ஒட்டகம் தன் தாயிடம் நடத்திய உரையாடல்.

அம்மா, நமக்கு ஏன் நீண்ட கால்கள்?

தாய் சொன்னது, பாலைவனத்தில் மணலில் நடப்பதற்கு கடவுள் கொடுத்தார்.

தடித்த நாக்குகள் நமக்கு ஏன் அம்மா?

பாலைவனத்தில் முட்செடிகளைத் தின்பதற்காகக் கடவுள் கொடுத்தார். 

முதுகு ஏன் நமக்கு வீங்கியுள்ளது அம்மா?

பாலைவனத்தில் தண்ணீர் கிடைக்காது. எனவே கடவுள் நமக்குக் கொடுத்த ஓவர் டேங்க அது.. அப்போது குட்டி ஒட்டகம் கேட்டது. அப்போ, நாம் பாலைவனத்தில் இல்லாமல், இந்த சர்க்கசில் ஏன் வித்தை காட்டிக் கொண்டிருக்கிறோம்?

அதற்கு தாய் ஒட்டகம் சொன்னது : ஒவ்வொரு காட்சியிலும் மக்கள் நமக்கு கைத்தட்டுகிறார்கள்.

ஆலோசனை நேரம் வேதியரிடம் கேளுங்கள் - 5

ஆலோசனை நேரம்

வேதியரிடம் கேளுங்கள் - 5

- நல்லை ஆனந்தன்

திரு.ஆரோக்கியதாஸ், திண்டுக்கல் :

நான் தனியாரில் வேலை செய்கிறேன். கடந்த ஆண்டுகளில் என் முதலாளி தீபாவளிக்கோ, கிறிஸ்மஸ்க்கோ, புதுவருசத்துக்கோ, பொங்கலுக்கோ போனசு எதுவுமே தரவில்லை. ஒவ்வொரு முறையும் கேட்கும் போதெல்லாம் 12 மாதங்கள் வேலை செய்தாய், 12 மாதமும் தந்தேன். நீ என்ன 13 மாதங்களா வேலை செய்தாய்? என்று கேட்கிறார். நான் இந்த ஆண்டு என் முதலாளியிடம் போனசு வாங்க தயவுசெய்து ஆலோசனை கூறுங்கள்.

பதில் :

தாசண்ணே, வருடம் முழுதும் உண்மையாக உழைத்தும், உங்களை மதிக்காத, போனசு தராத முதலாளியிடம் நீதி கேட்டுப் போராடியதற்காக நான் உங்களைப் பாராட்டுகிறேன். வாழ்த்துகிறேன். நீதியை நிலைநாட்டும் வேட்கை கொண்டோர் பேறுபெற்றோர். ஏனெனில் அவர்கள் நிறைவு பெறுவர் என்கிறார் இயேசுசாமி. எனவே கவலைப்படாதீர்கள், நிறைவடைவீர்கள்.

ஞாயிறு தொடங்கி சனி வரை வாரத்திற்கு 7 நாட்கள். ஒரு மாதத்திற்கு 4 வாரங்கள். அப்போது நாலேழு இருபத்தியயட்டு நாட்கள் ஒரு மாதம். ஆண்டிற்கு 12 மாதங்கள். அப்போது 12 $ 28 ஆகமொத்தம் 336 நாட்கள். ஆனால் காலண்டர் பிரகாரம் ஓர் ஆண்டிற்கு 365 நாட்கள். ஆக நீங்கள் 30 நாட்கள் அதிகமாக உழைத்திருக்கிறீர்கள். எனவே பண்டிகையின்போது ஒரு மாத சம்பளத்திற்கு ஈடாக அல்லது அதற்கு அதிகமாகக் கொடுப்பதுதான் உங்கள் முதலாளிக்கு தகுதியும் நீதியுமாகும். அவரது கடமையும் மனித நேயச் செயலுமாகும். எனவே, உங்களுக்குரிய நியாயமான பங்கை அஞ்சி, கெஞ்சி கேட்காதீர்கள். அஞ்சாமல், தயங்காமல் கேளுங்கள். உங்கள் உழைப்பைச் சுரண்டும் அவர் கடவுளிடம் கண்டிப்பாகக் கணக்கு கொடுக்க வேண்டும்.

மத்தேயு நற்;செய்தி 20ஆம் அதிகாரத்திலே வேலையாட்கள் மட்டில் முதலாளி எப்படி நடக்க வேண்டும் என்பதை ஓர் உவமை வழியாக இயேசு சுட்டிக் காட்டுகிறார். திராட்சைத் தோட்ட முதலாளி விடியற்காலையிலும் 9 மணி, 12 மணி, பிற்பகல் 3 மணி, 5 மணி என்று பலமுறை அலைந்து வேலையாட்களை அழைத்து வருகிறார்; ஏனெனில் திராட்சை பழுத்தவுடன் வெட்டிவிட வேண்டும். மழை விழுந்தால் பழங்கள் வெடிக்கும், அழுகிவிடும், துர்நாற்றம் கிளம்பும், பயனற்றதாகிவிடும். எனவே அந்த முதலாளி நாள் முழுவதும் அலைகிறார்.

மாலை 5 மணிக்கு வேலையாட்களைச் சந்திக்கும்போது அவர்கள், எவரும் தங்களை வேலைக்கு அமர்த்தவில்லை என்கிறார்கள். முதலாளிகள் யாரை வேலைக்கு அமர்த்துவதில்லை? முதியோர்கள், உடல் ஊனமுற்றோர், நோய்வாய்ப்பட்டு மெலிந்து கிடப்போர், கர்ப்பிணிகள், பாலூட்டும் தாய்மார்கள், ஏழைச் சிறுவர்கள் இவர்களை முதலாளிகள் கழித்து விடுவார்கள். ஆனால் இயேசு காட்டும் முதலாளி அனைவரையும் தம் தோட்டத்திற்கு அழைத்துப்போகிறார். ஆறுமணிக்கு வேலை முடிகிறது.

கடைசியாய் வந்து ஒரு மணி நேரம் வேலை செய்தவர்க்கு ஒருநாள் சம்பளம். காலையிலே வந்து நாள் முழுவதும் வேலை செய்ததற்கு ஒருநாள் சம்பளம். ஏனெனில் அந்த முதலாளி உழைப்பைப் பார்க்கவில்லை. அந்த ஒதுக்கப்பட்ட மக்களின் பிழைப்பையும் பார்த்தார். மணிக்கணக்கை அவர் பார்க்கவில்லை. மனிதத்தை பார்த்தார்.

தாசண்ணே, உங்கள் முதலாளியும் விரைவிலே மனந்திருந்துவார். இந்த ஆண்டு நிச்சயம் உங்களுக்கு போனசு கிடைக்கும் என்று நம்புகிறேன். கவலை வேண்டாம். கடவுள் செயலாற்றுவார். வாழ்த்துக்கள்!

செல்வி. அருள்மேரி, தஞ்சாவூர் :

எனக்கு 20 வயது. இன்னும் திருமணம் ஆகவில்லை. எங்கும் எதிலும் உலகத்தில் எப்போதும் காதல் என்ற பேச்சுத்தான். இந்த காதலில் அப்படி என்னதான் இருக்கிறது.? ஏன் காதலுக்காக தற்கொலை செய்கிறார்கள்? அல்லது பிறரைக் கொலை செய்கிறார்கள்? கடவுள் இந்த காதலை உலகத்திலே ஒழித்துவிட்டால் எவ்வளவு நல்லது?

பதில் :

அருளக்கா, சமூகப் பொறுப்புணர்வோடு தாங்கள் கேட்டிருக்கும் கேள்விக்கு என் மனமார்ந்த பாராட்டுக்கள். காதலுக்காகத் தற்கொலைகள், கெளரவக் கொலைகள் என்ற செய்திகளைப் படித்து கவலை கொண்ட தங்கள் உள்ளத்திற்கு எப்படி ஆறுதல் கூறுவது என்று தெரியவில்லை.

கடவுள் உலகப் படைப்புகள் அனைத்தையும் ஆண் ‡ பெண் என்று பிரித்துப் படைத்து அவற்றிற்கிடையே ஓர் ஈர்ப்புசக்தியை வைத்தார். அந்த ஈர்பபினால்தான் இனப்பெருக்கம் நடைபெறுகிறது. அதனால் இந்த உலகம் தொடர்ந்து இயங்குகிறது. அந்த ஈர்ப்பு சக்தியே காதல் என்று கொள்க. கடவுள் இந்த காதலை உலகிலே ஒழித்துவிட்டால், ஈர்ப்பு சக்தி இழந்த படைப்புகள், இனவிருத்தி அடையாமல் அழிந்து கொண்டே போய் அடுத்த நூற்றாண்டிலேயே இந்த பூமி ஒரு வெற்று மண் உருண்டையாகத்தான் சுற்றிக் கொண்டிருக்கும்.

இந்த உலகத்திலே காதல் முதன்முதலில் எப்போது தோன்றியது தெரியுமா? விவிலியத்தில் தொடக்கநூல் 2 : 22இல் ஆரம்பமாகிறது. ஆண்டவராகிய கடவுள் தாம் மனிதரிடமிருந்து (ஆதாம்) எடுத்த விலா எலும்பை ஒரு பெண்ணாக உருவாக்கி மனிதனிடம் அழைத்து வந்தார் (ஏவாள்). இப்போது காதல் வயப்பட்டு முதல் காதல் கவிதையை வடிவமைத்தான். “இவள் என் எலும்பின் எலும்பும் சதையின் சதையுமானவள்”. (இதற்கு என்ன அர்த்தம்?) ஆதாம் ஏவாளால் ஈர்க்கப்படுகிறான். காதல் வயப்படுகிறான் என்பதைக் கடவுள் புரிந்துக்கொண்டார். இதைத்தான் அவர் எதிர்பார்த்தார். அது அன்று அப்படியே “ஒர்க்அவுட்” ஆகிவிட்டது.

இந்த உலகில் ஆண்களுக்கு ரோல் மாடல் அப்பாதான். அப்பா போலவே நடை, உடை, பாவனைகள், பழக்க வழக்கங்களை மகன் பின்பற்றுவான். ஆனால் மகனின் லவ் ஆப்ஜெக்ட் அம்மாதான். அவன் அதிகம் அன்பு செய்வது அம்மாவைத்தான். அதேபோல் பெண்களுக்கு ரோல் மாடல் அம்மாதான். லவ் ஆப்ஜெக்ட் அப்பாதான். இதுதான் உளவியல் பாடம்.

தனது லவ் ஆப்ஜெக்ட் போல யார் செயல்படுகிறார்களோ, அவர்கள் மேல்தான் சட்டென்று காதல் முளைத்துவிடுகிறது. அருளக்கா, உங்கள் அப்பாவைப்போல தோற்றத்தில், பேச்சில், கவனிப்பில், உபசரிப்பில், அன்பில், பழகுவதில், செயல்படுவதில் ஒப்புமை உள்ள ஒருவர் உங்கள் வாழ்வில் வரும்போது நீங்கள் அவர்மேல் காதல் வயப்படுவீர்கள். அப்படி ஒரு நிகழ்வை இயற்கையும் இறைவனும் நிகழ்த்துவார். ஏனெனில் இந்த உலகம் தொடர்ந்து இயங்க வேண்டும் அல்லவா?

“காதல் போயின் சாதல்” என்பது போன நூற்றாண்டின் காலாவதியான தத்துவம். காதல் போயின் வாழ்தல் என்பதே என் ஆலோசனை. ஏனெனில் வாழ்க்கை என்னும் புத்தகத்தில் காதல் ஒருபக்கம் மட்டுமே. காதலைத்தவிர வேறு எதுவுமே வாழ்க்கையில் இல்லை என்று உயிர்களைக் கொல்லவும், தம் உயிரை மாய்க்கவும் முன்வருவது இறைவன் விரும்பும் செயல் அல்ல! இயற்கையின் நோக்கமும் அதுவல்ல! எனவே உலகத்தை வாழவைக்கும் காதலை வரவேற்பு செய்யுங்கள். கண்மூடித்தனமான காதல் செயல்பாடுகளை மண்மூடிப் போகவிட்டு, வாழ்வை அழகாக்குங்கள். காதல் மிக அழகானது. வாழ்தல் மிகமிக அருமையானது. எனவே வாழுங்கள், என் வாழ்த்துக்கள்.

ஆலோசனை நேரம், வேதியர் நல்லை. இ. ஆனந்தன்

ஆலோசனை நேரம்

வேதியர் நல்லை. இ. ஆனந்தன்

திருமதி. பூங்கொடி. கரூர் :

திருமணமான ஓர் ஆண்டிலேயே கடவுள் எங்களுக்கு ஆண் குழந்தையைத் தந்தார். அவனுக்கு இரண்டு வயதாகிறது. இரவில் படுக்கையிலே சிறுநீர் கழிப்பதும் எப்போதும் விரல்களைச் சூப்புவதுமாக இருக்கிறான். பலர் அவனை டேய் சூப்பி என்று கூப்பிடும்போது அவமானமாக இருக்கின்றது. அவனை நான் எப்படித் திருத்துவது. வழிகாட்டுங்கள்.

பதில் : பூங்கொடியம்மா, தம்பதியருக்குக் கடவுள் தரும் மிகப்பெரிய பரிசு குழந்தைச் செல்வம் என்கிறது விவிலியம். எனவே கடவுளிடம் இருந்து ஆண் குழந்தையைப் பரிசாகப் பெற்ற உங்களுக்கு என் வாழ்த்துக்கள். பாராட்டுக்கள். உங்கள் மகன் நூறு ஆண்டுகள் வாழ்வான். எனவே அவனுக்கு இன்னும் 98 ஆண்டுகள் இருக்கின்றன. எனவே அவன் திருந்த மிகவும் அவசரப்பட வேண்டாம்.

ஒரு குழந்தைக்கு பன்னிரெண்டு வயதாகும் வரை அது சிறுவர்தான் என்கிறது உளவியல். லூக்கா நற்செய்தியாளரும் பன்னிரெண்டு வயதில் காணாமற் போன இயேசுவை சிறுவன் இயேசு என்றே குறிப்பிடுகிறார். எனவே சிறு குழந்தைகளிடம் சில குணநலக் குறைபாடுகள் வரலாம். அவற்றில் ஒரு சிலவற்றை மட்டும் சொல்ல விழைகிறேன்.

1. அடிக்கடி நோய்வாய்ப்படுதல் : அப்பா, அம்மா வேலைக்கு செல்லும்போது பாட்டியிடமோ. ஆயாவிடமோ. நர்சரியிலோ, வேலைக்காரரிடமோ அதை விட்டுச் செல்லும்போது குழந்தைகள் அடிக்கடி நோய்வாய்ப்படும். ஏனெனில் குழந்தைகள் தங்கள் மன அழுத்தங்களை வெளியே சொல்லமாட்டார்கள். அப்படிச் சொல்லவும் அவர்களுக்குத் தெரியாது.

உங்களின் நீண்ட கடிதத்தில் உங்கள் குடும்ப சூழ்நிலைப்பற்றி குறிப்பிடவில்லை. குடும்ப பிரச்சனைகள், கணவன், மனைவி உறவுகள் ஆகியவை குழந்தைகளின் குணநலன்களில் பாதிப்பை உண்டாக்கும்.

2. விரல் சூப்புதல் :

பிறந்த குழந்தைக்கு ஒன்பது மாதங்கள் வரை தாயிடம் பாலருந்தும் உரிமை உண்டு. தாய்க்கும் பால்தரும் கடமை உண்டு. இதில் தாய்ப்பால் மறுக்கும் போது அது மனதில் ஏக்கமும் வெறுமை உணர்வும், பாதுகாப்பற்ற மனநிலையும் உண்டாகும். ஏனெனில் ஒருவேளை அது புகைப்பிடிக்கும் ஆணாகவும், புறணி பேசும்; பெண்ணாகவும் மாற வாய்ப்புண்டு என்கிறது உளவியல். தடுக்கும் வழியுண்டு. குழந்தைகளை தொட்டு அரவணையுங்கள். தட்டிக் கொடுங்கள், இரவில் மடியில் போட்டு பாட்டுப் பாடி, பாராட்டி, பல கதைகள் கூறி, முத்தமிட்டு, முதுகைத் தடவிக் கொடுத்து இவை போன்ற அன்பு செயல்களில் அதிகம் ஈடுபாடு காட்டி உங்களை அவர்களுக்குப் புரிய வையுங்கள். விரல் சூப்புவது விரைவிலேயே நின்றுவிடும்.

3. நகம் கடித்தல் :

சில குழந்தைகள் தங்கள் நகத்தைக் கடிப்பார்கள். சிலர் பிற குழந்தைகளைக் கடித்து வைக்க ஆரம்பிப்பார்கள். மன அழுத்தத்தின் வெளிப்பாடு அது.

4. படுக்கையை நனைத்தல் :

குழந்தைகள் பிறந்து பதினெட்டு மாதங்கள் வரை படுக்கையிலே சிறுநீர் கழித்துவிடலாம். சிறுநீரகத் தசைகள் வலுப்பெற்றவுடன் இது நின்றுவிடும். சில வீடுகளில் இரண்டாவது குழந்தை பிறந்தவுடன், முதல் குழந்தை, தன் அரியணையிலிருந்து இறக்கி விடப்பட்டது போல் உணரும். எனவே, என்னைக் கவனி என்று சொல்லவும், குழந்தைகள் இவ்வாறு செய்யலாம். சில பெற்றோர்கள் யூரின் போன படுக்கையை முகரவைப்பதும், நாவால் நக்க வைப்பதும், நீயே அலசிப் போடு என்று அடிப்பதும், பலர் முன்னிலையில் இதை வெளிப்படுத்தி குழந்தையை மனநோகச் செய்வதுமாக அவமானப்படுத்துகின்றனர். இது வருந்தத்தக்க ஒன்று. செய்யச் கூடாதது. அன்போடும், பொறுமையோடும், கவனமாகக் கையாள வேண்டிய பிரச்சனை இது. பாலியல் வன்கொடுமைக்கு ஆளாகும் சிறுவர்களும் படுக்கையிலே சிறுநீர் கழிப்பதுண்டு என்கிறது மருத்துவ உலகம்.

5. தூக்கத்தில் நடத்தல், தூங்கும் போது பேசுதல், தூக்கத்தில் பற்களைக் கடித்தல், தூக்கத்தில் சாப்பிடுவது போல அபிநயம் செய்தல் போன்ற குறைபாடுகள் சில குழந்தைகளுக்கு இரவிலே வெளிப்படலாம். இது ஒரு நோய் அல்ல! மாறிவிடும்.

6. ஆட்டிசம், பும்க்ஷிம், கவனச் சிதறல் என்று குறைபாடுகள் மேலும் பல இருக்கின்றன. பூங்கொடியம்மா, எல்லாவற்றையும் மருத்துவம் சரிசெய்து விடும். அதற்கென சிறப்பாகப் பயிற்சி பெற்ற மருத்துவர்கள் அதிகம்பேர் உலகில் உண்டு. உங்கள் மகன் மிக நன்றாக வளர்வான். வாழ்வான். கடவுள் அவனை வாழவைப்பார். வாழ்த்துக்கள்!

திரு. செல்வக்குமார், மதுரை :

தலைமுறை இடைவெளி (ஜெனரே­ன் கேப்) என்று அடிக்கடி கேள்விப்படுகிறேன். ஊடகங்களில் இந்த வார்த்தையை அடிக்கடி பயன்படுத்துகிறார்கள். அப்படி ஏற்படும் இடைவெளியை நான் எப்படிப் புரிந்து கொள்வது? வழிகாட்டுங்கள்.

பதில் :

நீண்ட பதிலைக் கொண்ட சின்னக் கேள்வி கேட்டிருக்கிறீர்கள் குமார் தம்பி. எதையும் தெளிவாக அறிந்து கொள்ளும் உங்களின் ஆர்வத்தைப் பாராட்டுகிறேன்.

மத்தேயு நற்செய்தியில் முதலாம் அதிகாரத்திலே தலைமுறைகள் பற்றிய குறிப்புகளைக் காண்கிறோம். அபிரகாம் தொடங்கி இயேசு வரையிலும் 42 தலைமுறைகளைப் பற்றிய குறிப்புகளை நாம் அறிந்து கொள்ளலாம். லூக்கா நற்செய்தியில் வரும் மரியாவின் பாடலிலும், இதோ எல்லாத் தலைமுறைகளும் என்னைப் பேறுடையாள் எனப் போற்றுமே என்று மரியா பாடுவதாகக் குறிப்பு உள்ளது.

தமிழர்கள் 30 ஆண்டுகளை ஒரு யுகம் என்று கணித்துள்ளனர். 1900 லிருந்து ஆரம்பிக்கலாம் என்று நினைக்கிறேன்.

1900 முதல் 1930 வரை ‡ இன்டர் வார் ஜெனரே­ன் ‡ என்று அழைக்கிறார்கள். போராட்ட காலம் அது. வெள்ளையர்களை நாட்டைவிட்டு வெளியேற்ற நாம் ஒருமித்து போராட முனைந்தபோது ‡ உலகிலும் உலகப் போர்கள் நடைபெற்ற காலகட்டம் அது.

1930 முதல் 1960 வரை ‡ பேபி பூமரஸ் ஜெனரே­ன் ‡ மக்கள் தொகை அதிகம் பெருக்கமடைந்த கால கட்டம் அது. ஒவ்வொரு வீட்டிலும் எட்டு அல்லது பத்து குழந்தைகள் இருந்த நேரம் அது.

1960 முதல் 1990 வரை ‡ எக்ஸ் ஜெனரே­ன் என்கின்றனர். எக்ஸ் என்பது ஜெராக்ஸ் என்பதன் சுருக்கம். இக்கால கட்டத்தில் அப்பா போல மகனும், அம்மா போல மகளும், தலைவனைப் போல தொண்டர்களும், நடிகர்களைப் போல ரசிகர்களும், உடல் உடை அலங்காரம், நடையுடை பாவனைகளை பின்பற்றிய தலைமுறையாளர்கள் இவர்கள்.

1990 முதல் 2020 வரையிலும் ஒய் ஜெனரே­ன் தலைமுறை என்கின்றனர். ஆங்கிலத்தில் ஒய் என்றால் ஏன்? என்று பொருள். அறிவு வளர்ச்சியுற்ற தலைமுறை திரைப்படம் பார்க்க தியேட்டர் ஏன் போகணும், வீட்டிற்கே திரைப்படம் வர என்ன வழி என்று யோசித்த காலம். ஏன்? எதற்கு? எப்படி? என்று கேள்வி கேட்கும் தலைமுறையில் நீங்கள் இருப்பதால்தான் கேள்வி கேட்கிறீர்கள். நானும் பதில் சொல்லிக் கொண்டிருக்கிறேன். 2020 முதல் 2050 வரை ‡ இசட் ஜெனரே­ன் வரும் என்று உலகம் கணித்திருக்கிறது. இசட் என்பது நேட் என்பதன் சுருக்கமாகும். இந்த காலத்தில் உலகமே இணைய தளம் வழியாக இயங்கும், அல்லது இயக்கப்படும் என்று கணித்திருந்தோம்.

ஆனால் 2010 லே வலைதளம் அசுர வேகம் எடுத்துவிட்டது. இன்டர்நெட் இன்றி மனிதன் இயங்க முடியாத நிலைக்கு ஆளாகி விட்டான். அதிலே நன்மைகள் எவ்வளவோ அவ்வளவு தீமைகளும் மலிய ஆரம்பித்து விட்டன. இணைய தளத்தில் சில பகுதிகளை முடக்க வேண்டிய காலகட்டத்தில் உலகம் இயங்கிக் கொண்டிருக்கிறது. எனவே நாம் கவனமாக இருக்க வேண்டிய காலகட்டம் இது.

குமார் தம்பி, இதுதான் தலைமுறை இடைவெளி என்பது. இதுபற்றித் தெளிவாக மேலும் அறிந்து கொள்ள இணைய தளத்திற்குச் சென்று பார்க்கவும். வாழ்த்துக்கள்!

ஆலோசனை நேரம், நெல்லை. இ. ஆனந்தன்

ஆலோசனை நேரம்

நெல்லை. இ. ஆனந்தன்

வேதியரிடம் கேளுங்கள்
பணத்தைப் பற்றியும், பேயைப் பற்றியும் சில தெளிவுகளைத் தருகிறது இக்கட்டுரை.

திரு. சேவியர், புதுக்கோட்டை :

நான் தனியார் கம்பெனியில் வேலை பார்ப்பவன். மாதம் ஏழாயிரம் சம்பளம். எனக்குத் திருமணம் நிச்சயமாகியுள்ளது. எனக்கு மனைவியாக வரப்போறவங்களும் தனியாரில் வேலை செய்கிறாங்க. அவங்க மாதம் ஐந்தாயிரம் சம்பளம் வாங்குகிறார்கள். நாங்கள் வெறும் பன்னிரெண்டாயிரத்தை வைத்துக் கொண்டு வாழ முடியுமா? நானும், அவங்களும் மகிழ்ச்சியாக எப்படி வாழ்வது? தயவுசெய்து வழிகாட்டுங்கள்.

பதில் :

சேவியரய்யா, வருங்கால மனைவியை வாங்க, போங்க, அவங்க, இவங்க என்று நீங்கள் எழுதியதைப் படிக்கும் போது பெருமையாகவும், மகிழ்ச்சியாகவும் இருக்கிறது. பணம் குறைவு என்றாலும் குணம் நிறைய உள்ள தங்களை வாழ்த்துகிறேன். பாராட்டுகிறேன்.

திருமணத்திற்குப் பின் உங்களின் பட்ஜெட் இவ்வாறாக அமையும் :

1. அடிப்படைச் செலவுகள் : உணவு, உடை, வீடு ‡ இதற்கான செலவுகள்.

2. ஆடம்பரச் செலவுகள் : நுகர்வு வெறியில் அவசியமற்ற பொருட்களை வாங்குதல்.

3. அறிவுச் செலவு : படிக்க, அறிவை வளர்க்க, நூல்கள், பத்திரிக்கைகள், நாளிதழ்கள் வாங்குவது.

4. அழிவுச் செலவு : குடிப்பது, புகைப்பது, போதைப் பாக்குகள் பயன்படுத்துவது.

5. எதிர்பாராத செலவு : நோய், திடீர் விபத்து, வாகனங்கள் பழுது, உறவினர்களின் இறப்பு போன்றவைகள்.

6. சேமிப்பு : சேமிப்பு என்பது செலவாகத் தோன்றினாலும் அது வரவுதான். கடன் என்ற ஆளை மட்டும் வீட்டிற்குள் நுழைய விடாமல் பார்த்துக் கொள்ளவும்.

பணம் தேவைதான். பணத்தாசை, பணவெறிதான் ஆபத்து. இயேசு பணத்தை மதித்தார். மீன் வாயில் காசு எடுத்து வரி கட்டச் சொன்னார். பணக்காரர்களையும் நேசித்தார். சக்கேயு ஒரு சுங்கவரி ஆபீசர். காசு புழங்கிய மனிதர். அவர் வீட்டிற்குச் சென்று தங்கினார். ஆனால் இயேசு பணத்தாசை மிக்கவரையும், பணக்காரத்தனத்தையும் விரும்பவில்லை. களஞ்சியங்களை இடித்து, பெரிதாகக் கட்டி உண்பேன் என்றவரையும், காலடியில் கிடந்த லாசரை மதிக்காத செல்வரையும், பணத்தாசை மிக்க யூதாசையும் பார்த்து அவர் சொன்ன வார்த்தைகளுக்கு ஆயிரம் அர்த்தங்கள் உண்டு. இயேசுவின் பார்வையில் ஏழைகளே பேறுபெற்றவர்கள்.

உங்களிடம் இருப்பதில் ஒரு சிறிய பங்கை இல்லாத ஏழைகளுடன் பகிர்ந்து கொள்ளுங்கள். இயேசு அதற்கு வட்டிபோட்டு உங்களுக்கு வாரி வழங்குவார்.

ஏழைகளுக்குச் செய்வது இயேசுவுக்குச் செய்வதாகும்.

கவலைப்படாதீர்கள். வானத்துப் பறவைகளையும், வயல்வெளி 

மலர்களையும் பாருங்கள். இருப்பது போதுமென்று வாழுங்கள். ஏனெனில் பண ஆசைதான் அனைத்து தீமைகளுக்கும் ஆணி வேர் என்பது திருவிவிலியத்தின் படிப்பினை.

என் ஆலோசனையும் அதுவே ! திருமதி. குளோரியா, நாகர்கோவில் :

சார், பேய் இருக்கிறதா? பேயை நீங்கள் பார்த்ததுண்டா? அது பெண்களை அதிக அளவில் பிடிப்பது ஏன்? பேய் பிடிக்காமலிருக்க என்ன செய்ய வேண்டும்? ஒரு வேளை பேய் பிடித்து விட்டால் அதை விரட்ட என்ன வழி இருக்கிறது? தயவுசெய்து வழிகாட்டுங்கள்.

பதில் :

குளோரியாக்கா, பேய் பற்றிய திரைப்படம், தொலைக்காட்சி, நாவல்கள், கதைகள் என்று பேய் சீசன் சக்கைபோடு போடும் நேரத்தில் இந்த கேள்வியைக் கேட்டிருக்கிறீர்கள். பாராட்டுக்கள். வரிசையாக தங்கள் கேள்விகளுக்கு பதில் கூற விளைகிறேன்.

1. கடவுள் இருக்கிறார். பேயும் இருக்கிறது. 2. பேயை நான் பார்த்ததில்லை. யாரும் பார்க்கவும் முடியாது. ஏனெனில் அதற்கு உருவம் கிடையாது. அது ஓர் ஆவி. (தீய ஆவி).

3. பெண்கள் 14 முதல் 28 வயது வரை திடீர் மாற்றங்களைத் தம் உடலிலும், உள்ளத்திலும் சந்திக்கின்றனர். கர்ப்பப்பையில் கட்டிகள், ஹார்மோன் சுரப்பு பிரச்சனைகள், ஒழுங்கில்லாத மாதவிலக்கு, கருச்சிதைவு, சிறுவயதில் ஏற்பட்ட உடல், உள்ளப் பாதிப்புகள் இவைகளால் அதிக பெண்கள் பாதிக்கப்படுகின்றனர். இவைகள் 98 சதவீதம் பேயினால் கிடையாது. அது நோய்தான் என்று 

மருத்துவம் சாதிக்கின்றது. எனவே பேய் பிடித்த பெண்களுக்கு முதலில் மருத்துவம் பாருங்கள். சிலர் பில்லி, சூனியம், காத்து, கருப்பு, சுடுகாடு, இடுகாடு 

என்று 

அச்சுறுத்தி உங்கள் பணத்திற்கு வேட்டு வைத்துவிடுவார்கள். கவனமாக 

இருங்கள்.

4. பேய் பிடிக்காமலிருக்க ஜெபம் செய்ய வேண்டும். தவம் (ஒறுத்தல், நோன்பு) செய்ய வேண்டும். இயேசு வனத்திற்கு சென்ற போதும், தூய அந்தோணியார் காட்டில் கடுந்தவம் புரிந்த போதும், பேயின் சோதனைகளுக்குத் தப்பவில்லை. பொருளாசை, உடல் ஆசை இவை தான் பேயின் நுழை வாயில்கள். 

எனவே கதவைச் சாத்துங்கள். திறக்கவே திறக்காதீர்கள்.

பேய்க்குத் தெரிந்த ஒரே பாட்டு ‘இப்போ என்ன அவசரம்? பிற்பாடு பார்க்கலாமா?’ என்பதாம். செபிக்க ஆரம்பித்தால் இப்போ என்ன அவசரம் பிறகு பார்க்கலாமே என்பான். திருப்பலிக்கு புறப்பட்டால் அதே பாட்டுதான். ஒப்புரவிற்கு 

சென்றாலும் அதே பல்லவி தான்.

எனவே, குளோரியாக்கா, ஒன்றே செய்யுங்கள். நன்றே செய்யுங்கள். அதையும் இன்றே செய்யுங்கள். ஒத்திப் போடாதீர்கள். சோம்பியிராதீர்கள். நோய்க்கு இடம் கொடேல் ! பேய்க்கும் இடம் கொடேல். நன்றாக இருப்பீர்கள். நான் 

சொன்னது புரிந்ததாக்கா?

ஆலோசனை நேரம் - வேதியரிடம் கேளுங்கள்

ஆலோசனை நேரம் - வேதியரிடம் கேளுங்கள் 

திரு. அருள்சாமி, காரைக்குடி
    அன்புள்ள மகனே, எனக்கு 65 வயதாகின்றது. வருகின்ற 2025 ஆண்டிற்குள் இறந்தவர்களை உயிர்பெற்று எழச்செய்யக்கூடிய ஊசி மருந்து மாத்திரைகளை உலகம் கண்டுபிடித்துவிடுமா? ஏனெனில் எனக்கு மரணத்தை நினைத்தாலே பயமாக இருக்கிறது. மரணம் எதனால் ஏற்படுகிறது? இறப்பிற்கு பின் என்ன நடக்கும்? மரணபயம் விலக என்ன வழி? இறக்காமல் இருக்க நான் என்ன செய்யவேண்டும் என்பதைத் தயவுசெய்து விளக்குவாயா?

பதில் :
    அன்புள்ள அருள்சாமியப்பா, வயதிலும், அனுபவத்திலும் முதிர்ச்சியடைந்த நீங்கள் தாழ்ச்சியோடு என்னிடம் கேள்வி கேட்டதற்கு பாராட்டுக்கள், வாழ்த்துக்கள். நவம்பர் மாதத்தில் இது ஒரு பொருத்தமான கேள்வி. இறக்காமல் இருக்க ஒரே ஒரு வழி உண்டு. அதுதான் பிறக்காமல் இருக்கவேண்டும். உலகில் பிறந்த அனைத்திற்கும் முடிவு உண்டு. பிறந்த அனைத்துமே கட்டாயம் இறந்து ஆக வேண்டும். இது மாற்ற முடியாதது மட்டுமல்ல, யாரும் மறுக்கவும் முடியாது.
    உடலின் இயக்கம் நிற்பதால் உயிர் பிரிகிறது. உயிர் பிரிந்தவுடன் உடல் அழிகின்றது. மரணத்திற்குப் பின் உறவுகள் கூடுவார்கள். ஒப்பாரி வைப்பார்கள். ஊர்வலம் நடத்துவார்கள். மரித்த உடலைப் புதைப்பார்கள். இது வழக்கமாக நடப்பதுதான் என்றாலும் ஒரு ஆலோசனை உங்களுக்குச் சொல்ல விழைகிறேன்.
    உலகில் உள்ள உறவுகளில் ஒரு சிலர் சுத்த சுய நலவாதிகள். அவர்களது அழுகையிலே அதை உணர்த்துவார்கள். என்னைத் தவிக்கவிட்டுப் போக உங்களுக்கு எப்படி மனது வந்தது? இனி நான் என்ன செய்வேன்? இனி யார் எங்களுக்கு ஆதரவு? பிள்ளைகளை நான் எப்படி வளர்ப்பேன்? யார் என்னை மதிப்பார்கள்? யார் எங்களை வழிநடத்துவார்கள்? என்ற அழுகைக்குரல்களில், தங்களது வாழ்விற்காக, மதிப்பிற்காக, வழிகாட்டுதலுக்காக, ஆதரவிற்காக, தங்களுக்கு இதுவரை கிடைத்த அனைத்தும் துண்டிக்கப்படுகிறதே என்ற கவலையில், அதிர்ச்சியில், கோபத்தில், ஆதங்கத்தில்தான் அவர்கள் அழுது புலம்பார்கள். மரணத்தைப் பற்றி, மரணமடைந்தவரைப் பற்றிக் கவலைப்படாமல், தங்கள் இழப்பைக் குறித்தே அவர்கள் கவலைப்பட்டு அழுவார்கள். எரியும் விளக்கில் எண்ணெய் வார்க்காத இந்த சுத்த சுயநலவாதிகள் இறந்தபின் ஆயிரக்கணக்கில் செலவு செய்து ஆடம்பரமாகப் புதைப்பார்கள். அதில் வீண்பொருமையும் அடைந்து கொள்வார்கள். அன்புள்ள அப்பா, உறவுகளின்மேல், உயிரின்மேல் அளவற்ற பற்று வைக்காதீர்கள். பணம், புகழ், பதவி, அதிகாரம், பேரன், பேத்தி, தோட்டம், துறவு என்ற கட்டுக்களை எல்லாம் அவிழ்த்து எறிந்துவிடுங்கள், சுதந்திரமாகுங்கள்.
    இறப்பு பற்றியும், மறுவாழ்வு பற்றியும் பல்வேறு மதங்களில் பல்வேறு கருத்துக்கள் கொண்டுள்ளார்கள். ஆனால் இயேசுவின் கண்ணோட்டத்தை மட்டும் விளக்கிச் சொல்ல ஆசைப்படுகிறேன். யாயீர் மகள் இறந்துபோனாள் என்கிறது உலகம். ஆனால் இயேசுவோ சிறுமி சாகவில்லை, உறங்குகிறாள் என்றார். ஊதாரி மகன் கதையில் அவன் திரும்பி வருகையில் தந்தையின் வார்த்தைகள் உன் தம்பி இறந்து போயிருந்தான். உயிர்பெற்று வந்துள்ளான் என்கிறார். தந்தையின் அன்பிலிருந்து விலகுவதுதான் இறப்பு என்பது இயேசுவின் கருத்து ஆகும்.
    வீட்டில் யாயீரின் மகள், வீதியில் நயீம் நகர் கைம்பெண் மகன், கல்லறையில் வைத்து நான்கு நாட்களானபின் இலாசர் இவர்களை உயிர்பெற வைத்த இயேசு, தாம் இறந்த மூன்றாம் நாளில் தாமே உயிர்த்தெழுந்து மரணத்திற்கு பின்பும் வாழ்வு உண்டு என்பதை உலகிற்கு எண்பித்தார். இறந்தபின் தனித்தீர்வை. அதில் இறைவனின் கேள்விகள் அனைத்தும்; அயலாருக்கு என்ன செய்தாய்? என்பதாகும். பசித்தவருக்கு உணவு கொடுப்பது படைத்தவருக்கே கொடுப்பதாகும் என்ற தத்துவத்தைக் கூறிய இயேசு, இலாசர் கதையில் வேறொரு கருத்தை வலியுறுத்துகிறார், இறப்புக்குப்பின் இலாசருக்கு அபிரகாமின்மடி. செல்வருக்கோ அக்கினியின் மடி. பசியால் தவித்த இலாசரைப் பாராமுகமாக இருந்ததால் செல்வருக்குத் தாகத்தால் தவிக்கும் அவலம் நேர்கிறது. மனித நேயத்தை வாழ்ந்து காட்டினால் இறப்புக்குப்பின் இன்பம். சுயநலத்திலே வாழ்வோருக்கு மறுமையிலே துன்பம். எனவே மனித நேயச் செயல்களில் இன்றுமுதல் ஈடுபடுங்கள்.
    மரண பயம் விலக ஒரே வழி. உயிர்த்த ஆண்டவரைப் பற்றிக் கொள்வதுதான். சாவை வென்ற இயேசுவிடம் சரணம்; அடையுங்கள். இயேசுவோடு பேசுங்கள் (செபியுங்கள்). இயேசுவைப் பற்றிப் பேசுங்கள் (நற்செய்தி அறிவிப்பு). இயேசுவுடன் பேசாமல் இயேசுவைப் பற்றிப் பேச உங்களால் மட்டுமல்ல எவராலும் இயலாது. பேசினாலும் எடுபடாது.
    மருத்துவ உலகத்தில் வாழ்நாளை நீட்டிப்பு மருந்துகள் கண்டுபிடிக்க முயற்சிகள் நடைபெறுகின்றன அப்பா. கருத்தரிக்கும் நொடியிலேயே இறப்பின் காரணிகள் கருவுக்குள் நுழைவதால் முதுமையும் முடிவும் ஏற்படுகிறது. போலியோ தடுப்பூசி போல இறப்பு தடுப்பு ஊசி எதிர்காலத்தில் கண்டுபிடிக்கப்படலாம். ஆனால்2025க்குள் கண்டிப்பாக வராது என்றுதான் சொல்ல முடிகிறது.
    பாலூட்டும் தாய் தனது குழந்தையை இடது மார்பிலிருந்து, வலது பக்கத்துக்கு மாற்றிப் பாலூட்டுவது போலவே இறப்புக்குப் பின்னும் இறைவன் பராமரிப்பு தொடரும். கருவறையில் இருக்கும்போதே பசிக்கும் குழந்தைக்கு தாய்ப் பால் சுரக்க வைத்த இறைவன், இறப்புக்குப்பின் நம்மை கைவிடமாட்டார். மரணம் என்பது தாயின் கைமாற்றும் நிகழ்ச்சிதான்.
    நீரில் கரைந்த உப்பு காணாமற் போகவில்லை. நீருக்குள்தான் கரைந்து இருக்கின்றது. உலகின் பார்வைக்கு ஒருவர் இறந்தாலும், கடவுளுக்குள் அவர் இருக்கிறார் என்பதே உண்மை. ஏனெனில் நம் கடவுள் இறப்பின் கடவுள் அல்ல! வாழும் தெய்வம்! அவரில் வாழ்பவர் இறப்பினும் வாழ்வார்! இப்போது பயம் விலகியதா அப்பா?

திருமதி. சுமதி, கோயமுத்தூர் :
    நான் எல்லோரையும் அன்பு செய்கிறேன். ஆனால் யாரும் என் அன்பைப் புரிந்துக் கொள்ளவில்லை. நான் ஒரு அனாதை போல உணர்கிறேன். என் அன்பை யாரும் அங்கீகரிக்கவில்லை. இது ஏன்? என் அன்பை மற்றவர்கள் புரிந்து கொள்ள நான் என்ன செய்யவேண்டும்?

பதில் :
    சுமதியக்கா, நல்ல கேள்வி கேட்டிருக்கிறீர்கள். பாராட்டுக்கள். 2015 ஆண்டுகளுக்கு முன் இயேசு இவ்வுலகில் பிறந்து அன்பைப் போதித்தார். அன்பாய் வாழ்ந்தார். ஆனால் அவரையே இந்த உலகம் அப்போது புரிந்து கொள்ளவில்லை. அவரது அன்பை அங்கீகரிக்கவில்லை. அவரை அடித்துக் கொலை செய்து போட்டார்கள்.
    எவ்வளவு பெரிய பிரச்சனைக்கும் தீர்வு சின்ன விசயத்தில் இருக்கும். நமது வீட்டில் இருக்கும் தலைவாசல் பெரிய கதவுக்கு, அதன் அளவுக்கு சாவி செய்வதில்லை. சின்ன சாவியைக் கொண்டே பெரிய கதவைத் திறந்துவிடலாம். எனவே பழசை நினைத்தே வருந்தவேண்டாம்.
    பொதுவாக அன்பின் மொழிகள் ஐந்து என்கிறது உளவியல். 1.மனதாரப் பாராட்டுங்கள், 2.உடனிருப்பு செய்யுங்கள், 3.பணிவிடை புரியுங்கள், 4.பரிசுப் பொருள் கொடுங்கள், 5.அரவணைத்துத் தொடுங்கள்.
    தொடுதல் ஓர் அன்பின் மொழி. உங்கள் கணவர் உங்களை தொடும்போது அது பிடிக்கவில்லை என்றால் உங்கள் அன்பின் மொழி அதுவல்ல. பரிசுப் பொருட்கள் கொடுக்கும்போது நீங்கள் மிகவும் மகிழ்ந்தால் அதுதான் உங்கள் அன்பின் மொழி. உடல்நலமற்ற தோழிக்கு பழங்கள் பரிசளிப்பதைவிட ஒருநாள் உடனிருப்பு செய்தால் நெகிழ்ந்து விடுவார்கள். ஏனெனில் அவரது லவ் லாங்வேஜ் பரிசு அல்ல உடனிருப்பே ஆகும்.
    எனவே மேற்சொன்ன 5 வழிகளில் எது உங்கள் அயலாருக்குப் பிடிக்கிறதோ அந்த வழியைச் செயல்படுத்தினால் உங்கள் அன்பை அவர்கள் புரிந்து கொள்வார்கள். ஏனெனில் அனைத்திலும் பெரியதும், சக்திவாய்ந்ததும் அன்புதான். அன்பே உயர்ந்தது. தலைசிறந்தது. ஆனால் அதை செயலாக்குவதில் சற்று எச்சரிக்கையாகச் செயல்படவேண்டிய காலம் இது. என்ன புரிந்ததா சுமதியக்கா?

- நல்லை.இ. ஆனந்தன்