அரசின் கொள்கை விளக்கங்கள்

அரசின் கொள்கை விளக்கங்கள்

வழக்குரைஞர். பு.அருள்தாஸ், 

கும்பகோணம்

மத்தியிலாகட்டும், மாநிலத்திலாகட்டும் ஓர் அரசு என்னென்ன கொள்கைகளை தலையாயக் கடமைகளாகக் கொண்டு ஆட்சி செய்ய வேண்டும் என்பதை இந்தப் பகுதி  சுட்டிக்காண்பிக்கிறது. அனைவருக்கும் நல் ஆட்சி தருவதற்கும் ஏற்றத்தாழ்வற்ற சமூகம் காண்பதற்கும் வித்திடப்பட்டிருக்கிறது. ஆணானாலும், பெண்ணானாலும் வேலைக்கு ஏற்ற ஊதியம் சமமாக வழங்கல், குறிப்பிட்ட நபர்களிடம் செல்வம் தங்கிவிடாமல் பார்த்துக்கொள்வது. குழந்தைகள், இளைஞர்கள் நல்ல குடிமக்களாக உருவாகி வாழ வழி வகுத்தல், இலவச சட்ட உதவி, கிராமிய பஞ்சாயத்துக்களை உருவாக்கி அதன் மூலம் நாட்டின் கடைக் கோடியிலுள்ள சாமானியர்களுக்கும் நிர்வாகத்தின் நலத்திட்டங்கள் சென்றடைய வேண்டும் போன்றவை முன்னிலைப்படுத்தப்பட்டுள்ளது.

இளமையில் கல், கல்லாதவன் முகத்தில் இருப்பது கண்களல்ல இரு புண்கள். கேடில் விழுச்செல்வம் கல்வி, ஏன்றெல்லாம் முழங்கிவிட்டால் போதுமா? அதற்கு வழி வகுக்க வேண்டும் என்ற பெரு நோக்கோடு குழந்தைகள் 14 வயது வரை இலவசமாகக் கல்வி கற்கவும், அதைக் கட்டாயமாக்கவும் அரசு முனைய வேண்டும் என குறிப்பிடப்பட்டுள்ளது. இது பின்னர் அடிப்படை உரிமையாக்கப்பட்டது. மக்களின் வாழ்க்கை தரத்தை மேன்மையடையச் செய்வது அரசின் கடமை, நம் வீட்டாரும் அண்டை அயலாரும் தூய்மையுடன் வாழச் சுற்றுச் சூழல் மற்றும் காடுகள் பாதுகாப்பும் வலியுறுத்தப்பட்டுள்ளது. ஒரு நாடு என்பது  உலகின் ஒரு கிராமம் ஆக குறுகி உள்ளது என்பது உண்மை. எனவே, நமது நாடு, பிற நாடுகளிலும் உள்ள மக்களுடன் அமைதியுடனும் ஒற்றுமையுடனும் வாழ்வதற்குப் பாடுபடவேண்டும் என கோடிட்டுக் காட்டப்பட்டுள்ளது. அண்டை வீடு பற்றி எரியும்பொழுது நாம் வீணை வாசிக்க முடியுமா? சுருங்கச் சொன்னால் நமது ஒட்டுமொத்த கனவுகளின் கூட்டுத்தொகை இந்த கொள்கை விளக்கப்பகுதி என அறியலாம்.

நமது கடமை

அரசியலமைப்புச் சட்டத்தின் முக்கிய பிரிவுகளில் சிலவற்றைத்தான் சுட்டிக்காட்டி  உள்ளேன். சொல்லப்போனால் நமது அரசியலமைப்புச் சட்டம் மிகவும் உன்னதமான போற்றுதற்குரிய கட்டமைப்புகளை உருவாக்கி உள்ளது. எடுத்துக்காட்டாக எந்தவித குறுக்கீடும் இல்லாமல் அச்சமின்றி நீதித்துறை மற்றும் தேர்தல் ஆணையம் செயல்பட பாதுகாப்பு வழங்கப்பட்டிருக்கிறது. நமது  உரிமைகளைக் காக்கின்ற அதே நேரத்தில் நமது கடமைகளும் சுட்டிக்காட்டப்பட்டுள்ளது. சட்டம் தன் கடமையைச் சரிவர செய்யவேண்டுமெனில் மக்களாகிய நாம் முனைப்புடனும், விழிப்புடனும் நாள்தோறும் செயல்படவேண்டும். ராமன் ஆண்டால் என்ன? ராவணன் ஆண்டால் என்ன? ‡ என்ற மனப்போக்கை மாற்றிக்கொள்ள  வேண்டும். இது  நமது நாடு. நாம் அதன் புதல்வர் என்பதை மனதில் நிறுத்த வேண்டும். நாம் தேர்ந்தெடுக்கின்ற மக்கள் மன்ற உறுப்பினர்கள் நேர்மை உள்ளவர்களா? நீதியின் மீது பசி, தாகம் உள்ளவர்களா? தன்னலத்தைக் கருத்தில் கொள்ளாது சமூக நலத்தை முன்னிறுத்துபவர்களா? பண்பாளர்களா? பதவி சுகம் கண்டதும் பாதை மாறிப் போவார்களா? தொலை நோக்குள்ளவர்களா? என்பதையயல்லாம் ஆய்ந்தறிய வேண்டும்.

அமெரிக்காவின் முன்னாள் ஜனாதிபதி  ஜான் எஃப் கென்னடி சொன்னது போல் ‘நாடு எனக்கு என்ன செய்தது?’ என்ற கேள்வியை மாற்றி ‘நான் நாட்டிற்கு என்ன செய்தேன்?’ என்ற கேள்வி நம்முன் எழுந்து நமது செயல்பாடு ஒரு வேள்வியாக அமைந்திடல் வேண்டும். சும்மா பெற்றதா சுதந்திரம்? எத்தனையோ இன்னுயிர்களை இழந்திருக்கின்றோம். பொங்கி எழும் உணர்வுகளுடன் சிறைச்சாலைக்குள் சென்ற இளைஞர்கள் நீண்ட சிறைவாசத்திற்குப் பின் அழகொழிந்த ஓவியங்களாக, பிணிகளின் கூட்டுக் கலவையாக வெளியே வர வேண்டியிருந்தது.  உடைமைகளை, உரிமைகளை, மனைவி மக்களை இழந்தவர்கள் ஏராளம், ஏராளம். அந்தத் தியாகச் சீலர்கள் நமக்குத் தந்த கருணைமிகு காணிக்கையல்லவா இந்த சுதந்திரம். அன்னாரது தியாகம்  வீண்போகலாமா? வாராது போல் வந்த மாமணியைத் தோற்கலாமா? முண்டாசுக் கவி பாரதி  சொன்னது போல் நல்லதோர் வீணைசெய்தே அதை நலங்கெடப் புழுதியில் எறிவதுண்டோ! சிந்திப்போம்! செயல்படுவோம். உயர்வடைவோம்.

அனைத்து மதத்தினரும் திருமணங்களை கட்டாயமாக பதிவு செய்ய வேண்டும்

அனைத்து மதத்தினரும் திருமணங்களை கட்டாயமாக 

பதிவு செய்ய வேண்டும்

- A. அருள்தாஸ், M.A.; B.L.., கும்பகோணம்

இந்திய உச்ச நீதிமன்றம் 2009ம் ஆண்டிலிருந்து அனைத்து திருமணங்களையும் கட்டாயமாக பதிவு செய்யவேண்டும் என்று தீர்ப்பு வழங்கியது. அதன் அடிப்படையில் அனைத்து மதத்தினரும் திருமணங்களை கட்டாயமாக பதிவு செய்யவேண்டும் என்று தமிழக அரசு தெரிவித்துள்ளது. 24.11.2009ம் தேதி முதல் இந்த உத்தரவு அமுலுக்கு வந்துள்ளது.

இது தொடர்பாக திருமணங்களின் தலைமைப் பதிவாளர் மற்றும் பத்திரப்பதிவுத் துறைத் தலைவர் வெளியிட்ட செய்தியில் கூறப்பட்டு இருப்பதாவது :-

திருமணப் பதிவு கட்டாயம் :

தமிழக அரசு தமிழ்நாடு திருமணங்களின் பதிவுச் சட்டம் 2009 இயற்றி அதன்படி கடந்த 24.11.2009 தேதியில் இருந்து தமிழகத்தில் நடைபெறும் பல மதங்களைச் சார்ந்த இந்திய குடிமக்களின் அனைத்து திருமணங்களையும் கட்டாயமாக பதிவு செய்ய வேண்டும் என உத்தரவிட்டு உள்ளது. இந்து திருமணங்கள் சட்டம் 1955, இந்திய கிறிஸ்தவ திருமணச் சட்டம் 1872 சிறப்புத் திருமணச் சட்டம் 1954, முகம்மதியர்கள் ­ரியத் திருமணச் சட்டம் மற்றும் வேறு எந்த தனிப்பட்ட சட்டங்களின் கீழ் திருமணம் செய்திருந்தாலும் இச்சட்டத்தின் பிரிவு 3‡ன் கீழும், கட்டாயமாக பதிவு செய்யப்பட வேண்டும்.

இலவச விண்ணப்பம் :

இச்சட்டத்தின்படி பதிவுத் துறைத் தலைவர் தலைமைத் திருமணப் பதிவாளராகவும், மாவட்டப் பதிவாளர்கள் அனைவரும் மாவட்ட திருமணப் பதிவாளர்களாகவும் மற்றும் சார்பதிவாளர்கள் அனைவரும் திருமணப் பதிவாளர்களாகவும் நியமிக்கப்பட்டுள்ளனர். இத்தகு திருமணப் பதிவுக்கான குறிப்பாணை படிவம் 1 மற்றும் இதனுடன் இணைக்கப்பட வேண்டிய விண்ணப்பப் படிவம் 2 இலவசமாக அனைத்து பதிவு அலுவலகங்களிலும் வழங்கப்படும்.

கட்டாய திருமணப் பதிவுக்கான விவரங்கள் மற்றும் படிவங்கள் துறையின் இணையதளத்தில் (ழழழ.மிஐreஆஷ்ஐer.ஐeமி) வெளியிடப்பட்டுள்ளன. இதனிலிருந்து விபரங்கள் அறிந்து படிவங்களை பயன்படுத்திக் கொள்ளலாம்.

90 நாட்களுக்குள் பதிவு :

திருமணப் பதிவுக்கான குறிப்பாணை படிவம் மற்றும் விண்ணப்பத்தினை இரட்டையில் (இரு விண்ணப்பங்கள்) எவ்வித விடுதல்களோ அல்லது பிழைகளோ இன்றி பூர்த்தி செய்து மணமக்கள், திருமணம் நடத்தி வைத்தவர் மற்றும் இரு சாட்சிகளின் கையயாப்பத்துடன் திருமணம் நடைபெற்றதற்கான ஆதாரம், இருப்பிடம் மற்றும் வயது தொடர்பாக வரையறுக்கப்பட்ட ஆதார ஆவணங்களுடன் திருமணம் நடைபெற்ற 90 நாட்களுக்குள் ரூ.100 கட்டணத்துடன் (90 நாட்களுக்கு மேற்பட்டு ரூ.150) திருமணம் நடைபெற்ற இடம் அமைந்துள்ள எல்லைக்குட்பட்ட திருமணப் பதிவாளரிடம் (சார் பதிவாளர்) அளிக்கப்பட வேண்டும். அல்லது அஞ்சல் வழியாக அனுப்பப்பட வேண்டும். மேலும் திருமணத்திற்கான சாட்சிகளின் முகவரி மற்றும் ஆளறி அடையாளச் சான்று நகல்கள் இணைக்கவேண்டும்.

இந்த விண்ணப்பம் மற்றும் இணைக்கப்பட்ட ஆதாரங்கள் முறையாக இருப்பின் சம்மந்தப்பட்ட திருமணப் பதிவாளர் மனுதாரருக்கு ஒப்புதல் அளிப்பார். உரிய படிவத்தில் இல்லாத, ஆதார ஆவணங்கள் தாக்கல் செய்யாத, உரிய கட்டணம் செலுத்தப்படாத கோரிக்கை மனுக்கள், திருமணப் பதிவாளரால், குறை சரி செய்து, திரும்ப அளிக்க மனுதாரருக்கு திருப்பப்படும்.

மேல்முறையீட்டுக்கு வாய்ப்பு :

தமிழ்நாடு திருமணப் பதிவு விதிகளின்படி மணமக்களின் அல்லது சாட்சிகளின் அடையாளங்கள் குறித்தும், அவர்கள் அளித்த தகவல்களின் சரித்தன்மை குறித்தும் சந்தேகம் ஏற்படின், மணமக்களுக்கு வாய்ப்பளித்து விசாரணைக்குப்பின் திருமணப் பதிவாளர் திருப்தி அடையாவிட்டால் அத்தகைய திருமணப் பதிவுகள் அவரால் மறுக்கப்படும்.

இந்த மறுப்பு ஆணை மீது, சம்மந்தப்பட்ட நபர்கள், ஆணை பெற்ற 30 நாட்களுக்குள், சம்மந்தப்பட்ட மாவட்டப் பதிவாளரிடம் மேல்முறையீடு செய்யலாம். அவ்வாறு செய்யப்பட்ட மேல்முறையீடு மீது, மாவட்டப் பதிவாளரால் பிறப்பிக்கப்படும் ஆணை, திருப்தி இல்லையயனில் இதன் மீது ஆணை பெற்ற 30 நாட்களுக்குள் பதிவுத் துறை தலைவருக்கு மேல்முறையீடு செய்யலாம். பதிவுத் துறைத் தலைவரின் ஆணையே இறுதியானது.

குற்ற வழக்குத் தொடரப்படும் :

தமிழ்நாடு திருமணங்கள் பதிவு விதிகள் 2009 அமலுக்கு வந்த நாளான 24.11.2009 முதல் நடைபெறும் திருமணங்களும், எந்த சாதி மற்றும் மதமாயிருப்பினும் மேற்குறிப்பிட்டவாறு உரிய நாளில் பதிவு செய்யாவிடில் அல்லது தவறான தகவல் அளிக்கப்பட்டுள்ளதாக தெரிய வந்தால் அல்லது விதி மீறல் இருப்பின் சம்மந்தப்பட்ட நபர்கள் மீது குற்ற வழக்குத் தொடரப்பட்டு நிரூபிக்கப்படின் அபராதம் விதிக்கப்படும்

சட்ட ஆலோசனை

சட்ட ஆலோசனை

ஒவ்வொரு நாட்டிற்கும் ஒரு தேசியமொழி. ஒவ்வொரு நாடும் கிறிஸ்தவ நாடு, முஸ்லிம் நாடு என வரையறுக்கப்பட்டு செயல்படுகிறது. இந்திய நாடு மத சார்பற்ற நாடு என்று 1947க்கு பிறகு முடிவு செய்யப்பட்டு செயல்படுகிறது. இது சீக்கியருக்கோ, சமணர்களுக்கோ, பார்சிக்கோ, முஸ்லிம்களுக்கோ, கிறிஸ்தவர்களுக்கோ சொந்தமானதல்ல. இதன் அடிப்படையில் கீழ்க்கண்ட தீர்ப்பு வழங்கப்பட்டுள்ளது.

திண்டுக்கல் மாவட்டத்தின் பாலசமுத்திரம் கிராமத்தில் ஒரு பொது வழியில் முஸ்லிம்கள் தங்களது பிணத்தை எடுத்துச் செல்வதை இந்துக்கள் தடுத்தனர். பாதிக்கப்பட்ட முஸ்லிம்கள் சென்னை உயர் நீதிமன்றத்தில் வழக்குத் தொடுத்தனர். அவ்வழக்கின் தீர்ப்பை தலைமை நீதிபதி மார்கண்டேய கட்சி நீதிபதி இப்ராகிம் கலிபுல்லா ஆகியோர் அடங்கிய முதல் பெஞ்ச் அளித்துள்ளது.

இந்தியா ஒரு ஜனநாயக, மதச்சார்பற்ற நாடு, அனைத்து மதங்களும், ஜாதிகளும் சமமானவை. அவரவர் விருப்பப்படி மதத்தைப் பின்பற்ற அவர்களுக்கு உரிமை உள்ளது. இந்துக்களுக்கு மட்டுமே இந்தியா சொந்தமல்ல. முஸ்லிம்கள், கிறிஸ்தவர்கள், புத்த மதத்தைச் சேர்ந்தவர்கள், சமணர்கள், பார்சி சீக்கியர்கள் போன்ற அனைத்து மதத்தவர்களும் சட்டத்தின் முன் சமம். இந்துக்கள் மட்டுமே இந்த நாட்டில் முதல் தர குடிமக்களாக வாழவேண்டும் என்றும், மற்றவர்கள் இரண்டாம் தர குடிமகன்தான் என்பதும் சரியல்ல. நமது நாட்டில் வாழும் அனைவரும் முதல் தர குடிமகன்கள்தான்.

நமது நாடு சுதந்திரம் அடையும்போது இந்தியத் துணை கண்டத்தில் மதப் பிரச்சனை இருந்தது. நமது முன்னோர்கள் நமது நாட்டை இந்து நாடாக அறிவிக்கக்கூடாது என்றும், மதச்சார்பற்ற நாடாகத்தான் இருக்க வேண்டும் என்றும் வலியுறுத்தினர். அப்போது இதை செய்வதற்கு மிகவும் கஷ்டமான காரியம். பாகிஸ்தானை முஸ்லிம் நாடாக அறிவித்த  நிலையில் இந்தியாவையும் இந்து நாடாக அறிவிக்க வேண்டும் என்று நமது முன்னோர்களுக்கு கடுமையான நிர்பந்தம் இருந்திருக்க வேண்டும்.  

ஆனால் அவர்கள் அந்த நிபந்தனைகளை எல்லாம் தடுத்துவிட்டனர்.

இந்தியாவில் பல மதங்கள், ஜாதிகள், மொழிகள், இனங்கள் உள்ளன. இருந்தாலும் நம்மை எல்லாம் ஒன்றுபடுத்தி வளர்ச்சிப் பாதைக்கு அழைத்துச் செல்வது என்னவென்றால் மதச்சார்பற்ற கொள்கைதான். அனைவரையும் சமமாக மதிக்கும் தன்மையும் உள்ளது. இல்லையயன்றால் நமது நாடு நிலைத்து நிற்க முடியாது. சீனாவில் 125 கோடி பேர் உள்ளனர். இவர்களில் 96 கதவிகிதம் பேர் ஒரே குரூப்பைச் சேர்ந்தவர்கள். ஆனால் இந்தியாவில் 105 கோடி பேர் உள்ளனர். இங்கு பல மதங்கள், ஜாதிகள் பண்பாடு குரூப்கள் உள்ளன. இருந்தாலும் நம்மை  எல்லாம் ஒன்றுபடுத்தி முன்னேற்றப் பாதைக்கு அழைத்துச் செல்வது மதச்சார்பற்ற கொள்கையும் அனைவரையும் மதிக்கும் தன்மையும்தான். இந்தப் பாதையை தான் அசோகர், அக்பர் போன்ற பேரரசர்கள் காட்டினர்.

இந்த கிராமத்தில் முஸ்லிம்கள் சிறுபான்மையினராக  உள்ளனர். இந்தியாவில் எந்த பகுதியில் இருந்தாலும் சிறுபான்மை மக்களைப் பாதுகாக்க வேண்டிய கடமை பெரும்பான்மையினருக்கு உள்ளது. சிறுபான்மை மக்கள் தாங்கள் பாதுகாப்பாக மரியாதையுடன் வாழ்வதாக  உணரவேண்டும். அவர்களை துன்புறுத்தக் கூடாது. சிறுபான்மையினரை மதிப்பது என்பது நாகரீக சமூகத்தின் அடையாளம் ஆகும் என்று அத்தீர்ப்பு கூறுகிறது.