ஜெப ஆற்றல், அமெரிக்கக் கடிதம்

அமெரிக்கக் கடிதம்

ஜெப ஆற்றல்

- சவரி, கேரி

அன்பு உள்ளங்களே, இந்த வாரம் உங்களுடன் செபத்தின் மகிமையை பற்றி பேச விரும்புகிறேன். அமெரிக்கா ஒரு வளர்ந்த நாடாக இருந்தாலும், பல அறிவியல் கண்டுபிடிப்புகளின் உறைவிடமாக இருந்தாலும், இங்குள்ள மக்கள் இறை நம்பிக்கையிலும், செபத்திலும் நம்பிக்கை வைத்து வருகிறார்கள். சென்ற மாதம் நிகழ்ந்த சூரிய கிரகண (Solar Eclipse) நிகழ்ச்சியை பற்றி உங்களுடன் பகிர்ந்து கொள்ள விரும்புகிறேன். பூமி தன்னை தானே சுற்றி கொண்டு, சூரியனையும் சுற்றி வருகிறதென்றும், சந்திரன் பூமியை சுற்றி வருகிறதென்றும் படித்து இருக்கிறோம். சென்ற மாதம் ஆகஸ்ட் 21, 2017 அன்று, சந்திரன் சூரியனுக்கும், பூமிக்கும் இடையில் நேர்கோட்டில் வந்தது. இது 99 வருடங்களுக்கு ஒரு முறை நடக்கும் அதிசயம். நாங்கள் இருந்த இடத்தில் மூன்று கிரகங்களும் ஒரே நேர் கோட்டில் வந்த நேரம் மதியம் 2:45 மணி. சந்திரன் கொஞ்சம், கொஞ்சமாக சூரியனை மறைத்தது. அப்போது தட்ப வெப்ப நிலை குறைந்தது, பூமியை முற்றிலுமாக இருள் கவ்வியது, மிருகங்கள் குழம்பி போய் சத்தமிட்டு, உறங்குவதற்கு தயார் ஆகின. அப்போது பலர் இறைவனின் படைப்பின் அதிசயத்தை வியந்து மண்டியிட்டு, அழுது செபித்ததை பார்த்தேன்.

இந்த பிரபஞ்சத்தில் (Universe), கோடிக்கணக்கான கிரகங்கள் சுற்றி கொண்டி ருக்கின்றன. ஒவ்வொன்றும் பல ஆயிரம் மைல்கள் வேகத்தில் சுற்றுகின்றன. உதாரணமாக, பூமி சூரியனை 1037 மைல் வேகத்தில் சுற்றுகிறது. விமானம் சராசரியாக 500 மைல் வேகத்தில் செல்லும். விமானத்தை போன்று இரண்டு பங்கு வேகத்தில் பூமி சுற்றி கொண்டுள்ளது. இவ்வளவு வேகத்தில் சுற்றி கொண்டுள்ள கிரகங்கள் ஒன்றோடு ஒன்று மோதி கொண்டால் நிலைமை என்னாகும்? இதை எல்லாம் இயக்குவது யார்? கண்காணிப்பது யார்? இருக்கும் பல கோடி கிரகங்களில் பூமியில் மட்டும்தான் மனிதர் வாழ்கிறார். எனவே நாம் அனைவரும் இறைவனால் ஆசிர்வதிக்கபட்டவர்கள், முன்குறிக்கபட்டவர்கள்.

அமெரிக்காவில் Prayer Network என்ற அமைப்பு சிறப்பாக செயல்படுகிறது. உங்கள் தேவைகளை இந்த  Prayer Network யிடம் நீங்கள் உங்கள் தேவைகளை வலைத்தளம் மூலம் சமர்ப்பிக்கலாம், உங்களுக்காக உலகம் முழுவதும் உள்ள மக்கள் செபிக்கிறார்கள். ஒவ்வொரு தலைவரும் பதவி ஏற்றவுடன், விவிலியத்தை வைத்து செபித்து, செபத்துடன்தான் தங்கள் வேலையை தொடங்குகிறார்கள். இங்குள்ள எல்லா அமெரிக்க நாணயங்களிலும் “கடவுள் மீது நாங்கள் நம்பிக்கை கொண்டுள்ளோம்” (In God We Trust) என்ற வாக்கியம் பொறிக்கபட்டுள்ளது.

  இப்போதுள்ள இளைய தலை முறையினர்கள், சமூக ஊடகத்தில் மூழ்கி மயங்கி, கடவுளையும், செபத்தையும் மறந்து வருவதை பார்த்து வருகிறேன். தலை நிமிர்ந்து வாழ வேண்டிய இளைஞர்கள், தலை குனிந்து கைபேசியில் மூழ்கி இருக்கிறார்கள். சமூக ஊடகங்கள், தொலைகாட்சிகள் நம் குடும்பத்துடன் பேசும் நேரத்தையும் சேர்த்து உணவு அருந்தும் நேரத்தை குறைத்து வருகின்றன, அழித்து வருகின்றன என்றால் அது மிகையாகாது. அமெரிக்காவில் செபிக்கும் போதும், படிக்கும் போதும், முக்கியமான வேலைகள் செய்யும் போதும், வாகனங்களை ஓட்டும் போதும், கைபேசிகளையும், தொலைக்காட்சிகளையும் நிறுத்தி விட்டு வேலை செய்கிறார்கள். தங்கள் குழந்தைகளுக்கும் சொல்லி கொடுக்கிறார்கள். தொலைகாட்சிகளே இல்லாத பல வீடுகளை நான் பார்த்திருக்கிறேன்.  குடும்பத்துடன் நேரத்தை செலவழிக்க கற்று கொடுக்கிறார்கள். இதை நாமும் பின்பற்றினால் நமக்கும் நன்மை. முதலில் நாம் சமூக ஊடகத்தையும், தொலைக்காட்சியையும் முறையாக பயன்படுத்தி நம் இளைய தலைமுறையினருக்கு வழி காட்டுவோம்.

  இறைவனின் அருளை பெற, அவர் வரும் நாளில் காத்திருக்கும் நல்ல பணியாளனாய் இருக்க, இறைவனை நோக்கி தினமும் செபிப்போம். நம்மை இறைவன் அன்பிலிருந்து பிரிக்கும் தடைகளை தகர்ப்போம்.

‘கேளுங்கள், உங்களுக்குக் கொடுக்கப்படும்; தேடுங்கள் கண்டடைவீர்கள்; தட்டுங்கள், உங்களுக்குத் திறக்கப்படும். ஏனெனில், கேட்கிற எவனும் பெறுகிறான்; தேடுகிறவன் கண்டடைகிறான்; தட்டுகிறவனுக்குத் திறக்கப்படும்’ (மத் 7:7-8).

செப வலிமை

செப வலிமை

மனிதர் உணர்வுகள் நிறைந்தவர். உணர்வுகளை நாம் ஆளுமை செய்ய வேண்டும். மனித ஆளுமைக்கு உட்படாத உணர்வுகள் காட்டு நீரைப்போல கட்டுக்கடங்காது. பயனற்று தீமைகளைத் தரக்கூடியதாயும் ஆகிவிடும். நம் உணர்வுகளை நம் ஆளுமைக்குள் கொண்டுவருவதற்கு உதவும் பெரிய வழி செபம்.

அவிலா தெரசம்மாள் ‘செபம் என்றால் இறைவனுடன் நாம் கொள்ளும் நட்புறவு’ என்கிறார். மரியாவின் வில்லியம்சன் கூறுகிறார், ‘செபம் புதுமைகளின் ஊடகம்’ என்கிறார். காந்தி அடிகள், ‘செபம் என்பது நமது ஆன்மாவின் ஏக்கம்’ என்கிறார்.

அக்டோபர் மாதத்தில் ஜெபமாலை மாதாவை நாம் நினைவு கூர்ந்து, ஜெபமாலை செபிக்கும் வழக்கினை புதுபிக்கும் நாள்களாக நாம் பயன்படுத்துகிறோம். எனவே இம்மாத இதழில் ஜெபமாலையைப் பற்றியும், பொதுவாக ஜெபத்தினைப் பற்றியும் பல கட்டுரைகள் இடம் பெற்றுள்ளன. செபத்திற்காகவே தங்களின் வாழ்வை அர்ப்பணித்திருக்கிற கார்மேல் சபைக் கன்னியர்களின் நேர்காணலின் விளக்கம் சுருக்கமாக இடம் பெற்றுள்ளது. எப்போதுமே செபிப்பது ஓர் சோர்வைத் தருவதில்லையா? என்று கன்னியரிடம் கேட்டதற்கு மீனுக்கு கடல் அதனின் வீடுதானே என்று பதிலளித்தார்கள்.

செபத்தால் மன அமைதியும் உள்ளொளியும் கிடைக்கும். இப்போது அருங்கொடை இயக்க செபத்தில் மக்கள் ஆர்வம் காட்டுகிறார்கள். பாடல்கள் பாடியும், சப்தமாக செபித்தும் செப அனுபவத்தைக் காட்டுகிறார்கள். ‘வார்த்தைகளை அடுக்கி செபிப்பதை விட அமைதியான செபம் வல்லமையுள்ளது’ என்கிறார் காந்தியடிகள். இயேசுவும் வார்த்தை அடுக்கி சப்தமிட்டு செபிப்பது வெளிவேட செயல் என்கிறார் (மத் 6:7‡9).

செபம், வாழ்விற்கு அழைத்துச் செல்ல வேண்டும். ஜெபமாலை என்பது இந்திய பாரம்பரிய பஜன் பாடலைப் போன்றது. ஒரே செபத்தைத் திரும்ப திரும்ப சொல்கின்ற வேளையில் மனம் இறைவன் உறவில் ஒன்றாக செய்யும் ஆன்மீக அனுபவம்.

தமிழ்நாட்டில் அரசியல் குழப்பம் உச்சக்கட்டதை அடைந்திருக்கிறது. அ.தி.மு.க. மூன்றாகப் பிரித்து இப்போது இரண்டு அணியாக மாறி, ஒருவருக்கொருவர் மண்ணை வாரி இரைத்துக் கொண்டுள்ளார்கள். அவர்கள் செய்த மோசடிகள் ஒவ்வொன்றாக வெளிவந்துக் கொண்டுள்ளன. எல்லாம், மக்களின் பணத்தை, மக்களின் இரத்த வியர்வையை கொள்ளையடித்து, சொகுசு வாழ்வு வாழ, செய்த கபடு நாடகங்கள் வெளிவந்துக் கொண்டுள்ளன. இந்நாள்களில் சமானியர்கள், எப்படி விழிப்புணர்வுடன் இந்த அரசியல் கொள்ளைகளை தடுத்து நிறுத்த வேண்டும் என்பது பற்றி ஆழ்ந்து சிந்திக்க வேண்டும்.

குழுமூரை சேர்ந்த அனிதா +2வில் 1176 மதிப்பெண்கள் பெற்றிருந்தாலும், மத்திய அரசு நடத்தும் நீட் தேர்வில், தகுதி பெற முடியாமல், தற்கொலை செய்துக் கொண்டது. கல்வியில் நிலவும் அநீதி அமைப்பினை படம் பிடித்துக் காட்டுகிறது. கிராமங்களில் வாழும் ஏழை எளியவர்கள், அறிவுத் தகுதியைப் பெற்றிருந்தாலும், உயர்கல்வியை பெற முடியாத நிலையைத்தான் அனிதாவின் சோகக் கதை எடுத்துக் காட்டுகிறது. நாடு வளர்கிறது. சூழல்கள் வேகமாக மாறுகின்றன. விழித்திருந்து வாழ்வை பெற வேண்டும் என்பதுதான் இன்றைய சூழல் நமக்குத் தரும் பெரும் பாடம்.  

செப சுரங்கங்கள்

தமிழகத்தில் செபத்திற்கென்று தங்களைத் தனித்துக் கொண்டு வாழுகின்ற குழுமம் ஒன்று உண்டு. அது கார்மேல் கன்னியர் குழுமம். இவர்கள், குடந்தை, தஞ்சை, கோவை, ஏற்காடு, பாண்டி, திருச்சி, சிவகங்கை, தூத்துக்குடி, சென்பகனூர், சென்னை என்று பத்து இடங்களில் மடங்களில் வாழ்கிறார்கள். இந்தியாவில் மொத்தம் 34 இத்தகைய மடங்கள் உள்ளன. இவர்கள் வெளி உலகிற்கு வருவதில்லை. 8 மணிநேரம்  செபம், 8 மணி நேரம் உடல் உழைப்பு, 8 மணி நேரம் ஓய்வென்று வாழ்கிறவர்கள். இவர்களை பார்க்க செல்லும்போது கம்பிகளால் தடுக்கப்பட்ட உள் அறையில் அவர்கள் நிற்க நாம் வெளியினின்று தான் பார்க்க முடியும். 1936 இல் குடந்தையில் உள்ள கார்மேல் கன்னியர்மடம் செப ஆதார கூடமாக ஆரம்பிக்கப்பட்டது. ஆயரும், குருக்களும், இறை மக்களும் தங்களின் தேவைகளை கன்னியர்களிடம் தெரிவித்து செபிக்கக் கேட்பர்.

சென்ற செப்டம்பர் 16ஆம் தேதி குடந்தை கார்மேல் சபை கன்னியரிடம் ஒரு நேர்க்காணல் செய்த்தோம். 14 பேர் அங்கு உள்ளனர். செபம் என்பது இறைவனுடன் கொள்ளும் ஓர் உறவு என்று செபத்திற்கு விளக்கமளித்தார். வெளி உலகிற்கு வராமல் செபத்திலேயே நேரத்தை செலவிடுதல். ஒரு மகிழ்வான அனுபவம் என்றும்.  இதில் ஒளி இருள் அனுபவங்களும் உண்டு என்றனர். மீனுக்கு கடல் வீடாகும். அதேபோல எங்களுக்கு செபம். எங்களின் தனி மகிழ்வான அனுபவம் என்றனர்.

அமெரிக்கக் கடிதம், - சவரி, கேரி, வடகரோலினா

அமெரிக்கக் கடிதம்

- சவரி, 

கேரி, வடகரோலினா

“கடவுளை மட்டுமே நாங்கள் நம்பியுள்ளோம்”(IN GOD WE TRUST). இந்த வாக்கியம் அமெரிக்க நாட்டு அனைத்து டாலர் பணத்திலும், காசுகளிலும் எழுதப்பட்டுள்ள வாக்கியம். உலகில் தலைசிறந்த அறிவியல் விஞ்ஞானியயன அழைக்கப்படும் ஆல்பர்ட் ஐன்ஸ்டின் கூறுகிறார். ‘நான் எவ்வளவு அதிகமாக அறிவியலை படிக்கிறேனோ அவ்வளவு அதிகமாக கடவுள் மேல் நம்பிக்கை வருகிறது’ என்கிறார். அறிவியல் கண்டுபிடிப்புகளில் மயங்காமல் கடவுள் நம்பிக்கையுடன் வாழ்கிறார்கள். ஞாயிற்றுக் கிழமைகளில் திருப்பலிக்கு செல்வதற்கு வசதியாக, எல்லா அலுவலகங்களுக்கும் அன்று விடுமுறை அளிக்கப்பட்டுள்ளது.

ஜெர்மனியிலிருந்து குடியேறியவர்கள் என்று அழைக்கப்படும் கிறிஸ்துவர்கள், தற்போதைய அறிவியல் கண்டுபிடிப்புகளான தொலைக்காட்சி, தொலைப்பேசி, அலைப்பேசி, கணிணி, குளிர் சாதனப் பெட்டி, கார் போன்ற இயந்திரங்களைத் தவிர்த்து அந்த காலத்தில் உள்ளது போல் எங்கும் நடந்து சென்று, வயல் வெளியில் வேலை செய்து, மாட்டிலிருந்து பால் கறந்து, அடுப்பில் சமைத்து, இறைவனை துதித்து எளிய வாழ்க்கை வாழ்கின்றனர். இயந்திரங்களும், வசதிகளும், சொகுசுகளும் வந்து விட்டால் இறைவனை மறந்து விடுவோம் என்பது அவர்கள் கருத்து.

அமெரிக்கர்கள் கோவிலில் நுழைந்தவுடன் அலைப்பேசியை அணைத்து விடுகிறார்கள். இதனால் அவர்கள் நிம்மதியாக திருப்பலி காண்பதுடன் மற்றவர்களும் நிம்மதியாக திருப்பலி காண்பதற்கு வசதியாக இருக்கிறது. இப்போதுள்ள இளைஞர்கள் பக்கத்தில் என்ன நடக்கிறது என்று தெரியாமல், பக்கத்தில் யார் இருக்கிறார்கள், எதிர்த்தார் போல் யார் வருகிறார்கள் என்று தெரியாமல், தலை குனிந்து அலை பேசியில் ஆழ்ந்து போயிருப்பதை பார்க்கிறேன். பல பேர் திருப்பலி நடக்கும் போது கூட, நம்மை படைத்த இறைவனை நினைப்பதை மறந்து விட்டு, ழஜுழிமிவிழிஸ்ரீஸ்ரீஇல் வந்த படங்களை பார்த்துக் கொண்டிருப்பதைப் பார்க்கும் போது, மனது வலிக்க தான் செய்கிறது. அறிவியலும், கண்டுபிடிப்புகளும், நம்முடைய வாழ்வை எளிமையாக்குவதற்கு உருவாக்கப்பட்டவை. அவைகளுக்கு அடிமையாகி நம்முடைய நேரத்தையும், சக்தியையும் வீணடிக்காமல் பார்த்து கொள்ள வேண்டும். அளவுக்கு மிஞ்சினால் அமிர்தமும் நஞ்சு தான்.

கஷ்டம் வந்தால் இறைவனை நினைப்பதும், காசு வந்தால் இறைவனை மறப்பதும் மனித பழக்கம். இதை மாற்றி இன்பத்திலும், துன்பத்திலும் இறைவனைக் கண்டுகொள்வோம்.

பணிவு என்னும் இனிய பாதை 2. பணிவும் செபமும்

பணிவு என்னும் இனிய பாதை

2. பணிவும் செபமும்

அருள்பணி. மகுழன்,

பூண்டி மாதா தியான மையம்.

நம் அன்றாட வாழ்வில் நமக்கு எவ்வளவு பணிவும், தாழ்ச்சியும் இருக்கிறது என்பதை அறிந்துக் கொள்வதற்கு ஓர்   எளிய வழி இருக்கிறது. தினமும் நாம் எவ்வளவு நேரம் செபம் செய்கிறோம் என்பதுதான் அது. நாம் செபம் செய்யும்போது    நம் இயலாமையையும், இறைவனைச் சார்ந்து வாழ்கிறோம் என்பதையும் வெளிப்படுத்துகிறோம். எனவே, அதிக  நேரம் நாம் செபிப்பதற்கு ஒதுக்கினால் அதிக பணிவு நம்மிடம் உள்ளது என்று அர்த்தம். ஆனால், செபம் செய்வது அவ்வளவு எளிதானக் காரியம் இல்லை. செபத்திற்கு இலக்கணம் வகுத்த புனிதர்கள்கூட தங்கள் வாழ்வில் ஒரு சில நேரங்களில் இறைநம்பிக்கையைக் கடைப்பிடிப்பதும், இறைவனிடம் வேண்டுவதும் கடினமாக இருந்ததாக சொல்கிறார்கள். செபம் செய்ய கற்றுக் கொள்வதற்கு ஓர் எளிய வழி இருக்கிறது. அதுதான் தினமும் செபிப்பது. செபிப்பதற்கு தினமும் நேரம் ஒதுக்குவது. தினமும் செபிக்காமல் நம்மால் செபிக்கக் கற்றுக் கொள்ள முடியாது.

வயலின் வாசிப்பதில் வல்லவர் அவர். அவரைப் போல யாராலும் வயலின் வாசிக்க முடியாது. ஒருமுறை அவரை    பேட்டி எடுத்த ஒரு நிருபர், பயிற்சி இல்லாமல் உங்களால் எத்தனை நாள் தாக்குப் பிடிக்க முடியும்? என்று கேட்டார். அவர் சொன்னார்,  ஒரு நாள் நான் பயிற்சியை நிறுத்தினால் யாராலும் கண்டுபிடிக்க முடியாது. என்னால் மட்டும்தான் நான் என்ன தவறு செய்தேன் என்று சொல்லமுடியும். ஒரு வாரம் நான் பயிற்சியை நிறுத்தினால் ஒரு பத்துப்பேராவது அதைக் கண்டுபிடித்து விடுவர். ஒரு மாதம் நிறுத்தினால் மக்கள் அனைவருமே நான் என் அளவிற்கு வயலின் வாசிக்கவில்லை என்பதைச் சொல்லி விடுவார்கள்.

ஒரு பறவைக்கு சிறகுகள் எவ்வளவு முக்கியமோ, ஒரு படகுக்கு துடுப்புகள் எவ்வளவு முக்கியமோ, அதைப் போலவே ஓர் ஆன்மாவிற்கு செபம் முக்கியம். மனம் உடைந்த நிலையில் நாம் இருந்தால் அதனை சரியாக்குவதற்கு உடைந்த துணுக்குகளை கடவுளிடம் தருவதே சிறந்த வழியாகும். சரி, செபத்தைப்பற்றி 5 கருத்துக்களை தெரிந்து கொள்வோம்.

1. நாம் செபிக்கும்போது கடவுள் அதனை அளித்தால் நம் விசுவாசம் அதிகமாகும். நாம் செபிக்கும்போது அதனைத் தருவதற்கு கடவுள் காலம் கடத்தினால் நம் பொறுமை அதிகமாகும். நாம் செபிக்கும் போது கடவுள் அதனை அளிக்கவில்லை என்றால், அதைவிட சிறந்ததொன்றை கடவுள் நமக்குத் தயார் செய்கிறார் என்பதை நினைவில் கொள்வோம்.

2. நாம் நமக்காக செபிப்பதோடு நின்றுவிடாமல் பிறருக்காகவும் செபிப்போம். நாம் மகிழ்வோடும், நிறைவோடும் இருக்கிறோமா? நினைவில் கொள்வோம். நமக்காக வேறு யாரோ செபிக்கிறார்கள்!

3. நம் தேவைகளைமட்டும் முன்னிறுத்தி செபிப்பதோடு நின்றுவிடாமல், நாம் பெற்றுக் கொண்ட நன்மைகளுக்கும் நன்றி கூறுவோம். ஆண்டவர் இயேசு, திரும்பி வராத தொழுநோயாளர்களை குறித்து, “மற்ற ஒன்பது பேர் எங்கே?” என்று கேட்டார்.

4. நம் இன்ப, துன்பங்களை இறைவனிடம் பகிர்ந்து கொள்வது ஒரு சிறந்த செபம். ஒருமுறை ஒரு குழந்தையிடம், “நீ என்னசெபம் செய்வாய்?” என்று கேட்டார்கள். அப்போது அந்தக் குழந்தை கூறியது,  ‘கடவுள் என் நண்பர். பொதுவாக நண்பர்கள் சேர்ந்தால் என்ன செய்வார்கள்? அந்த நாள் எப்படி இருந்தது  என்று பகிர்ந்து கொள்வார்கள். நானும் இறைவனிடத்தில் என் இன்ப, துன்பங்களை சொல்வேன்’ என்றது. 

5. புனித லெயோலா இஞ்ஞாசியார், புனித  பிரான்சிஸ் அசிசியார், புனித அவிலா தெரசாள் போன்றவர் செய்த சிறந்த செபத்தை சொல்வதற்கு நீங்கள் தயாராக இருக்கிறீர்களா?  அவர்கள் தினமும் கடவுளிடத்தில் , “கடவுளே நான் இன்று என்னசெய்ய வேண்டுமென்று நீங்கள் விரும்புகிறீர்கள்” என்று கேட்பார்களாம்.                                                                                             

(தொடரும்)

மனம் செம்மையாக

ஆசிரியர் பேனா

செபம் நம் அன்றாட உணவு

காலையும் மாலையும் நன்மறை ஓதா
அந்தணர் என்போர் அனைவரும்; பதரே
 - வெற்றி வேற்கை

செபம், வாழ்வின் நங்கூரம். எனவேதான் காந்தியடிகள், ஒவ்வொரு நாளையும் திறக்கும் திறவுகோளும், நாளின் இறுதியில், அந்நாளை நிறைவு செய்வதும் செபம் என்கிறார்.கத்தியின்றி இரத்தமின்றி யுத்தம் செய்த காந்தி அடிகளின் பெரிய ஆயுதம் செபம். தியானம், பஜன் என்று அவர/து ஆசிரம வாழ்வு செபத்தின் வல்லமையால் நிறைந்திருந்தது. அக்டோபர் மாதம் ஜெபமாலை மாதா, மாதம் என்று செபத்திற்கு முக்கியத்துவம் அளித்து கொண்டாடுகிறோம். ஒருவர், பகுத்தறிவாளர், அவர் கேட்டார். திரும்ப, திரும்ப ஒரு செபத்தை சொல்வதால் கடவுள் நம் செபங்களை கேட்டிடுவாரா? என்றார். அவருக்கு கிர்கோர் என்ற புகா;பெற்ற தத்துவ அறிஞர் கூறுவார். நாம் செய்யும் செபம் கடவுளை மாற்றுவதில்லை. ஆனால் நாம் செய்யும் செயல்கள் நம்மை மாற்றுகின்றன என்கிறார்.

நம் முன்னாள் குடியரசு தலைவர் அப்துல் கலாம் அவர்களும் செபத்தின் வல்லமையைப் பற்றி பேசுகிறார். நம்மை படைத்தக் டவுள், பலவிதமான திறமைகளையும், வல்லமைகளையும் நம்மில் புதைத்து வைத்திருக்கிறார். செபம் அவைகளை வெளிக்கொணரும் பெரிய கருவி என்கிறார். இப்பொழுது பல வீடுகளில் பூஜை அறை என்று அமைத்திருக்கிறார்கள். அங்கு வெகுநேரம் தியானமும் செய்கிறார்கள். நமக்கு நல்ல கோவில்கள் உண்டு. வார்த்தைகளை சுருக்கி செபம் செய்தல் எனக்கு தெரியாது என்பர் சிலர். அவிலா தெரசம்மாள் கூறுவார்கள். இறைவனுடன் நட்பில் இணைந்து நிற்கிற நேரம்தான் செபம் என்பார்கள்.

மார்ட்டின் லூத்தர், செபம் செய்யாத கிறிஸ்தவன் மூச்சில்லாத மனிதருக்கு சமம் என்பார். என்னை பொறுத்தவரை, செபம் என்ற அனுபவத்தில் புகுந்தவர் மாறிய மனிதராகத்தான் வெளிவருவார். இராம்குமார். சிங்காரம் என்பவர் வெற்றிக்கான வழிகளின் ஒன்றினை குறிப்பிடுகிறார். மனிதர் மனதிற்குள்ளேயே அதிகமாக பேசிக் கொள்கின்றனர். அவர்கள் நேர்மறையாக பேசினால் வாழ்வு நேர்மறையாக அமையும். நேர் எதிராக பேசினால் வாழ்வும் நேர் எதிராக அமையும். எனவே உள்ளத்திற்கு நேர்மறை தொடர்புடன் வாழுங்கள் என்கிறார். செபம், இந்த உள்ளாந்திர நேர்மை உணர்வு பெற பெரிதும் உதவும். செபம் வழியாக, இறைவனுடைய பிரசன்னத்தை நம் வாழ்வில் உணர முடியும். இரண்டாவதாக மனதில் குழப்பங்கள், கசப்புக்கள், பழிவாங்கும் வெறிகுணம், பொருளை பெருக்க வேண்டும் என்ற பேராசை ஆகியவையயல்லாம் மாறும். மூன்றாவதாக, புதியதெளிவும், வெளிச்சமும் நமக்குக் கிடைக்கும். ஜெபமாலை, திரும்ப திரும்ப சொல்லி ஆன்மாவின் அடிநிலைக்கு நம்மை அழைத்து செல்லும் பாரம்பரிய செபம்.

ஒரு பெரிய விவிலிய வல்லுநர், நான் சொல்லும் செபம் ஜெபமாலைதான் என்று சொல்லுவார். சிலர் திருப்பலி நேரங்களிலும் ஜெபமாலை சொல்லுவார்கள். அது தேவையில்லாதது. திருப்பலி, பெரிய அடையாள வழிபாடு. வழிபாட்டின் நிகழ்வுகளில் பொருளடன் பங்குபெறுதல்தான் சிறந்தது. ஜெபமாலையில் விவிலியம் பொதிந்திருக்கிறது என்பதை குறிப்புகளுடன் ஒரு கட்டுரையில் கொடுக்கப்பட்டிருக்கிறது. விலைவில் தமிழ்நாட்டில் தேர்தல் நடக்க போகிறது. அரசியல் கட்சிகள் மக்களை எப்படி ஏமாற்றி ஓட்டுகள் பெறலாம் என்பதில் பலவித திட்டங்கள் செய்து செயல்பட்டு வருகிந்ளன. நமக்கு அதியம் அதிகமாக அரசியல் விழிப்புணர்வு வேண்டும். அரசியல்; சாக்கடை, அதன் நாற்றம் நம்மில் பட வேண்டாம் என்று ஒதுங்கிவிடக்கூடாது. நம் வாழ்க்கையை மிகவும் பாதிப்பது அரசியல். ஒன்று கூடி, நல்லவைகளுக்கு ஒத்துழைப்பும், தவறானவைகளுக்கு எதிர்ப்பும் காட்ட கடமைப்பட்டிருச்சிறோம். செபம், வெறுமையான ஆன்மீக அனுபவம் அல்ல. வாழ்க்கையை செம்மைப்படுத்தும், வாழ்வில் இறைவனை சந்தித்து அவருக்கு சாட்சியம் அளித்து வாழ நம்மை உறுதியுள்ளவராக்குவது. தினமும் செபத்திற்கு நேரங்களை அர்ப்பணிப்போம். செபத்தினால் என்றும் புத்துணர்வு பெறுவோம்.

ஜெபமாலை ஜெபிக்கப்படும் விவிலிய வார்த்தைகள்

திருவிவிலியத்தில் ஜெபமாலையின் குறிப்புகள் இல்லை. 

ஆனால் திருவிவிலியத்தால்தான் ஜெபமாலை கோர்க்கப்பட்டிருக்கிறது.

ஜெபமாலை ஜெபிக்கப்படும் விவிலிய வார்த்தைகள்

மகிழ்ச்சி மறையுண்மைகள்

மங்கள வார்த்தை (லூக் 1 : 26 - 38)

2. அன்னை மரியா எலிசபெத்தம்மாளைச சந்தித்தல் லூக் (1 : 40 - 56)

3. இயேசு பிறந்தது (லூக் 2 : 6 - 20)

4. இயேசுவை கோவிலில் அர்ப்பணித்தல் (லூக் 2 : 21 - 29)

5. இயேசுவை ஆலயத்தில் கண்டுபிடித்தது (லூக் 2 : 41 - 51)

ஒளியின் மறையுண்மைகள்

1. இயேசு திருமுழுக்கு பெற்றது (மத் 3 : 13 - 17)

2. கானாவூர் திருமணத்தில் தண்ணீரை திராட்சை ரசமாக மாற்றியது (யோவா 2 : 1 ‡ 11)

3. இயேசுவின் மலை போதனை (மாற் 4 : 13 - 17)

4. இயேசு உருமாற்றமானது (மாற் 17 : 1 - 8)

5. இயேசு நற்கருணையை ஏற்படுத்தியது (லூக் 22 : 14 - 20)

துக்க மறையுண்மைகள்

1. கெத்சமனி தோட்டத்தில் இரத்த வியர்வை வியர்த்தது (மத் 26 : 38 - 48)

2. கல்தூணில் கட்டி அடித்தது (மத் 27 :26)

3. இயேசுவின் தலையில் முள்முடி சூட்டியது (மத் 27 : 29)

4. இயேசு சிலுவை சுமந்து சென்றது. (யோவா 19 : 17)

5. இயேசு சிலுவையில் அறையப்பட்டு மரித்தது (லூக் 23 : 33 - 46)

மகிமை மறையுண்மைகள்

1. இயேசு உயிர்த்தது (லூக் 24 : 1 - 12)

2. இயேசு விண்ணகத்திற்கு சென்றது (லூக் 24 : 50 - 51)

3. தூய ஆவி பொழியப்பட்டது (தி. பா. 2 : 1 - 4)

4. அன்னை மரியா விண்ணகத்திற்கு எடுத்துக் கொள்ளப்பட்டது. (தி.வெ 12 : 1 -17)

5. விண்ணக, மண்ணக அரசியாக அன்னை மரியா முடிசூட்டப்பட்டது.

விவிலிய வார்த்தைகளாலான அருள்நிறைமரியே செபம்

விண்ணுலகில் இருக்கின்ற எங்கள் தந்தையே

அருள்மிக பெற்ற மரியே (லூக் 1 : 28)

ஆண்டவர் உம்முடனே (லூக் 1 : 28)

பெண்களுக்குள் ஆசி பெற்றவர் நீரே (லூக் 1 : 41)

உம்முடைய திருவயிற்றின் கனியாகிய இயேசுவும் ஆசி பெற்றவரே (லூக் 1 : 42)

தூய மரியே இறைவனின் தாயே (லூக் 1 : 43)

பாவிகளாயிருக்கின்ற எங்களுக்காக இப்பொழுதும் எங்கள் இறப்பின் 

வேளையிலும் வேண்டிக்கொள்ளும். ஆமென். (யாக் 5 : 16)