எல்லாம் நிறைவேறிற்று
பேராசிரியர் ச. சாமிமுத்து
( இயேசுவின் பாடுகளைக் காணும் உணர் வலைகள்)
கள்வர்கள் மத்தியில் , சிலுவையிலே துடிதுடித்துக் தொங்குகின்ற செம்மறியே , அன்னையின் அரவனைப்பிலே நசரேத்து வீட்டிலே விழுந்து எழுந்து நடைப்பயின்ற படைப்பாற்றலனே, கடையனையும் தேற்ற வந்த மாற்றறியாப் பசும் பொன்னே, பூமானே விண்ணக்கும் , மண்ணக்கும் இடையே உறவைப் புதுப்பிக்க வந்த புத்துயிரே, பூபாளமே , பூங்கா வனத்திலே அழுது அங்கலாய்த்த துடிதுடிப்பின் இறுதிக்கட்டம் நிறைவேறுவதற்கு முன்பு , இந்த பாவிகான பொய்யான கோலமே மெய்யயனக் கொண்டலையும் இந்த புல்லனுக்காக ‡ உண்ணுவதிலே, உடுத்துவதிலே , அதிகாரம் செலுத்துவதிலே நாயினும் கேடுகெட்டு ஆசை வலைப்பட்டலையும் இந்த அறிவிலிக்காக ‡ மனிதர்களை மட்டும் அல்லாமல் உன்னையே ஏமாற்றிவிட்டதாக எண்ணி, கொண்ட கொள்கையைக் குழிக்குள் தள்ளிவிட்டு குறுக்கு வழிநடக்கும் இந்த குறுமதியாளனுக்காக விண்ணகத் தந்தையிடத்திலே என்னை மன்னிக்க வேண்டும் என்று வேண்டுகின்றாயே! ஐயோ தலை சாய்கிறதே எல்லாம் நிறைவேறிற்று ! ஆம் அவர் உயிர் பிரிகிறது.
No comments:
Post a Comment