Pages - Menu

Showing posts with label India Independence Day. Show all posts
Showing posts with label India Independence Day. Show all posts

Tuesday, 26 July 2016

உயிரளித்துப் பெற்ற உயிரான சுதந்திரம்

உயிரளித்துப் பெற்ற  உயிரான சுதந்திரம்

- அருள்சகோ. விமலி , 
இதயா கல்லூரி, கும்பகோணம்

300 வருட கால தர்ம யுத்தம்
விடியலின் தேடலில்
விடை கிடைத்த நாள்
வரலாற்றின் காவியத்தில்
சுதந்திரத்  திருவிழா!
எத்தனை முறை திருப்பிப் பார்த்தாலும்
திரும்ப வாரா தியாக தீபங்கள்!
உணர்வுப் போராட்டங்கள்!

திறன்களின் குவியல் பாரதம்!
பண்பாட்டின் அடையாளம் பாரதம்!
இறையுணர்வின் ஆன்மா பாரதம்!
வளர்ச்சியும் வீழ்ச்சியும்
பொருந்தா இணை சக்கரங்களாய்
கொண்டு சுழன்றது பாரதம்
வளங்களின் புதையல் பாரதம்
பிரிவினைகளின் குவியல் பாரதம்!

வணிக மேகமாய் சுரண்ட வந்ததே!
வஞ்சகமாய் தஞ்சமடைந்து
வரியை அவன் விதித்தான்!
வினையை நாம் அறுத்தோம்
வீழ்ந்தோம் வீனரின் வலையிலே
நம் வளங்களில் நரிக் கூட்டம்
நயமாக நஞ்சை விதைத்து
ஏமாற்றினான் எங்கிருந்தோ வந்தவன்

அடிமைகளாய் சொந்த மண்ணிலே!
அவனின் அதிகார ஆதிக்கத்தில்
அடிமை விலங்குகளாய் நடத்தியதில்
கால் நடைகளுக்கும் கண்ணீர்!
கல் நெஞ்சத்தோருக்கு பன்னீர்!
தாமதமாய் தந்திரத்தை  உணர்ந்ததில்
உரிமையை உலகறிய பெற்றிட்டோம்
உருவிழந்த சுதந்திரத்தை யாசித்தே.
யுத்தக் களத்தில் குதித்தோம்
இளம் போராளிகள், முதிர் போராளிகள்
பட்டியலிட்டாலும் பக்கங்கள் போதா
வெளிச்சத்தில் தெரிந்தவர் பாதி!
வெளிச்சத்தில் தெரியாதவர் மீதி!
உறக்கம், உறவுகள், உடைமைகள்,
சுகம், குடும்பம், செல்வம் எல்லாம்
சுதந்திர தாகத்தில் கரைந்து விட்டதுவே
.
சுதந்திர வேட்கை தணிக்க தரணியிலே!
யுத்தப் பணி நித்தம் செய்தனரே
வாழ்ந்தாலும் தாய் நாட்டிலே!
வீழ்ந்தாலும் தாய் மண்ணிலே!
தன்னை நினையாது வலியச் சென்று
வலிகள் பெற்று தந்ததுவே வீர சுதந்திரம்
நாம் சுவைக்கும் வேள்வியின் சுதந்திரம்
வசதியான தருணங்களில் கிடைத்ததல்ல

சவாலான சர்ச்சைக்குரிய தருணங்களை
சந்தித்த சாமானியரின் சாதனையே
உரிமையின் சுதந்திரத்தை மெய்ப்பித்து
உயிரைக் கொடுத்து உரமாயினர்
அவ்வெழுச்சியின் காவியத்தின் சுவாசிப்பே
பாரதத்தின் பசுமையான பக்கங்கள்
கடல்கள், நதிகள், நீர்நிலைகள், ஏரிகள்
செழித்து வளர்ந்த தரமான உண்மைகள்

விஞ்ஞான வளர்ச்சி, அறிவியல் ஆராய்ச்சி
நவீன மருத்துவம், மூலிகை மருத்துவம்
ஓலைச்சுவடியில் அர்த்த சாஸ்திரம்
கனிமச் சுரங்கம், நிலக்கரிச் சுரங்கம்,
தங்கச் சுரங்கம், பெட்ரோலியம், தாதுக்கள்
பாரதத்தின் பெருமை எல்லாத் துறைகளிலும்
பட்டொளி வீசி பாரெங்கும் பறந்ததுவே

இனம், நிறம், பால், மொழி, மதம்,
அரசியல், தேசீயம், சமூகம், சொத்து
பாகுபாடுகள் இன்றி உரியச் சுதந்திரத்தை
உவப்புடன் தருவதே  மானிடச் சுதந்திரம்.
சுதந்திரம்  என்ற சமத்துவ உரிமையானது
வெறும் சடங்கு முறையானதோ
வெறுமையான விளம்புகையோ அல்ல, அது
உறுதியான  உழைப்பின் சுதந்திரமாம்
அணுகுமுறை அனுபவங்கள் அகிலத்தின் உறவுகளில்
அனுதின இலட்சியங்களில் சுதந்திரத்தை  வாழ்வோம்.

Monday, 25 July 2016

சுதந்திரத்தாய் பெற்றெடுக்கும் பொறுப்புடைமை

சுதந்திரத்தாய் பெற்றெடுக்கும் பொறுப்புடைமை

இஸ்ரயேல் நாட்டின் பெருமை மிகு படைத் தளபதியாக விளங்கிய மோஷே கூறுவார், ‘சுதந்திரம்தான் மனித ஆன்மாவின் உயிர்காற்று’ என்பார். ஒருமுறை, குளியல் அறையில் தாழ்ப்பாள் நன்றாகப் பூட்டிக் கொண்து. உள்ளிருந்து வெளியே வரமுடியாத நிலையில், வியர்த்து விருவிருத்து, சுதந்திரம் அற்ற நிலை என்ன என்று சில நிமிடங்களில் உணர்ந்தேன். பிள்ளைகள் எங்கும் ஆடி ஓடி விளையாடவே விரும்புகிறார்கள். நாமும் பல இடங்களை சுற்றிப் பார்க்கும் சுற்றுலாவில் பங்குக் கொள்ள விரும்புகிறோம்
.
சுதந்திரம் என்பதை ஆங்கிலத்தில் ஃபிரிடம் (ய்reedலிது) என்கிறார்கள். இதற்கு லிபர்ட்டி (ஸிஷ்ணுerமிதீ) என்ற வார்த்தையும் உண்டு. லிபர்ட்டி என்ற வார்த்தை லத்தின் வார்த்தை ‘லிபரோ’ (ஸிஷ்ணுerலி) என்பதிலிருந்து வருகிறது.‘லிபரோ’என்றால் அடிமைத்தளையிலிருந்து விடுதலைப் பெறுவது. சுதந்திரத்திற்கு இணையான கிரேக்க வார்த்தை ‘எலேயுத்தேரியா’ (சியிeற்மிஜுerஷ்ழி) என்பதாகும். இந்த கிரேக்க வார்த்தையின் பொருள் ‘தான் விரும்பியதை அடைதல்’ என்பதாகும். தான் விரும்பிய இடத்திற்குச் சென்று சேருகின்ற அனுபவமாகும்.

சென்ற 69 ஆண்டுகளில் இந்தியா ஒப்பற்ற வளர்ச்சியைக் கண்டிருக்கிறது. அறிவியலிலும், பொருளாதாரத்திலும் முன்னேற்றத்தைக் கண்டிருக்கிறது. நம்மை அடிமைகளாக வைத்திருந்த மேல்நாடுகளுடன் போட்டிப்போடும் அளவுக்கு முன்னுக்கு வந்திருக்கிறோம். இதற்கு அடிப்படைக் காரணம், நமது நாடு பெற்றிருக்கின்ற சுதந்திர சூழ்நிலை. ஆப்பிரிக்க, அரபு நாடுகளுடன் ஒப்பிடும்போது, நாம் உயர்வான சுதந்திரத்தைப் பெற்றிருக்கிறோம்.

ஒரு புதுக்கவிதை:
‘சுதந்திரம் ஒரு தாயன்பு. ஏனெனில் இல்லை அதற்கொரு வரம்பு. சுதந்திரம் ஒரு பரம்பொருள் ஏனெனில் இல்லை அதற்கொரு இடுபொருள்’

நாம் பெற்ற சுதந்திரம் முழுமையாக நமக்கு செயலாக்கம் பெறவில்லை. இந்தியரின் சுயநலங்கள் சுதந்திரத்தை தின்றுகொண்டிருக்கின்றன. மக்களுக்குக் கிடைக்கவேண்டிய நன்மைகளை அரசியல்வாதிகளும், ஊழல் அரசுப் பணியாளர்களும் விழுங்கி விடுகிறார்கள். ஏழ்மையும்,அறியாமையும்இன்னும்தலை விரித்தாடுகின்றன.  

‘எல்லோரும் ஒன்றென்னும் காலம் வந்ததே - பொய்யும்
ஏமாற்றும் தொலைகின்ற காலம் வந்ததே -இனி
நல்லோர் பெரியரென்னும் காலம் வந்ததே - கெட்ட 
நயவஞ்சகக்காரருக்கு நாசம் வந்ததே’ 

என்ற பாரதியார் கண்ட கனவு கானல் நீராகின்ற சூழலைப் பார்க்கின்றோம்..

இன்றைய மத்திய அரசு மத சுதந்திரத்தில் தந்திரமாக தலையிட்டு, அதனை முடக்கப் பார்க்கிறது. கங்கை நீரை, தபால் நிலையங்களில் விற்பதற்கு ஏற்பாடு செய்திருக்கிறார்கள். கிறிஸ்தவர்களின் தாழ்த்தப்பட்ட மக்களுக்கு உரிய சலுகைகைளைத் தருவதற்கு மறுக்கிறது. அரசியல்வாதிகளிலும், அரசு அலுவலகங்களிலும் ஊழல் கொடிகட்டிப் பறக்கிறது. இவையயல்லாம் சுதந்திரத்திற்கு நாம் போடும் விலங்குகள். மக்கள் பொறுப்புடன் நடக்கும்போதுதான் கிடைத்த சுதந்திரத்தைக் காக்க முடியும். அண்மையில் துருக்கியில் இராணுவ ஆட்சி கொண்டுவர இராணுவ அதிகாரிகள் முயற்சித்தபோது பொதுமக்கள் விழிப்பாயிருந்து அதனை முறியடித்தனர்.

‘மகிழ்ச்சியின் இரகசியம் சுதந்திரம்,  சுதந்திரத்தின் இரகசியம் வீரம்’ என்கிறார் தூசிதீதன் என்பவர்.
‘எவர் ஒருவர் சுதந்திரத்தில் பொதிந்திருக்கும் பொறுப்பினை உணர்ந்து வாழ்கிறாரோ அவர்தான் உயர்ந்த வீரர்’ என்கிறார் பாபு டைலான் என்பவர்.

அன்னை மரியாள் விண்ணகம் எடுத்துக் கொள்ளப்பட்ட விழாவையும், ஆகஸ்ட் 15 இல் கொண்டாடுகிறோம். சுதந்திரத்தின் முழுமைதான் விண்ணகம். கடவுள் தந்த பணியை பொறுப்புடன் செய்து விண்ணகத்தை மண்ணகத்தே கொணர்ந்தார்கள் அன்னை மரியா அவர்கள். 

இவ்விதழில் சுதந்திரத்தைப் பற்றி ஒரு கதையும், ஒரு கவிதையும் இடம் பெறுகின்றன. அன்னையின் அருட்சுடர் பொருளாதார நிலையில் கையைக் கடிக்கும் நிலையில்தான் உள்ளது. உங்களது தொடர்ந்த ஆதரவைத் தரவேண்டுமென்று கேட்டு, உங்கள் அனைவருக்கும் சுதந்திர தின நல்வாழ்த்துக்களைத் தெரிவித்துக் கொள்கிறேன்.

‡ அருள்பணி. ச.இ.அருள்சாமி, ஆசிரியர்

Ads Inside Post